乖寶寶布布 發表於 24-5-5 14:02
係呀,老公出軌,平時個個都話部署好,女人要爭氣云云,ftm增值下搵工先離婚,而家歐做,就變成捨棄家庭,過橋拆河,完全無視安爺先出軌既事實
睇歐咁款都知佢平時家用甚少啦,cap大把水使鬼而家咁咩。上綱上線又話嫁左唔應該讀書,讀書係人類基本權利嚟。有咩問題,大把人都係咁,一面照顧細路或者一面返工一面進修亦有。啲人真係雙重標準。..
乖寶寶布布 發表於 24-5-5 14:17
佢係喺小朋友考一之前讀返第一個學位,因為佢話唔想填報名時,阿媽得中學畢業。有啲人批評話佢結咗婚讀乜鬼嘢書,其實我真係覺得冇問題喎,你part time讀,一個禮拜夜晚返一兩日,有咩問題呢?當初我都係咁啦。我都唔想個仔畀人睇死阿媽學歷低,所以我理解佢。咁之後佢持續進修都係一個上進嘅表現,我自己都有持續進修。佢自己谷到仔女都入蔡繼有,佢老公唔想谷,大家價值觀念不同,最後避免家嘈屋閉,轉國際學校。對個女人嚟講其實都係一個遷就點喎?去到小朋友讀中學,佢先出返嚟做嘢,其實有咩問題?老實講,如果佢老公打本畀佢做下營養生意,或者寫啲物業過去名,佢可能根本唔需要返出嚟做嘢囉,呢個我覺得係佢冇安全感嘅一個表現。正常老公身家過億,點解仲會需要出嚟打份牛工?安爺都講過,佢好多時拍劇忙,一個禮拜先見得一日,見面可能都係講小朋友嘅嘢,其實兩公婆可以有咩溝通?啲問題已經日積月累。...