吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› (1) 媽咪容易犯的錯誤 (2) 讚可以改正小朋友壞行為 ...

少年成長今日: 1|主題: 15858

收藏本版

發帖

返回列表

跳至頁

查看: 516874 | 回覆: 127

(1) 媽咪容易犯的錯誤 (2) 讚可以改正小朋友壞行為

12 3 4 5...7

積分: 33212

1^#

發表於 07-4-5 11:39 |顯示全部帖子 |倒序瀏覽 |打印

各位：

以下心得我昨晚已post上「小朋友大脾氣,可以點教」個topic，為方便冇睇開該 topic 的媽咪及將來我可quote出來用，現在在此重覆：

各位靚媽：
復活節巨獻.......... 寫咗3晚，傻咗

响親子版幾個月，見咗眾多媽咪講嘅case，歸納起來，我覺得下面幾点係教仔時最容易犯嘅錯，你地参考吓，思考完之後，睇吓有冇新領悟：

(1) 而家d 媽咪太錫小朋友，俾好多時間佢地，即使冇好多時間嗰啲，都盡量遷就，同時間，媽咪嘅情緒亦極度容易被牽動，變成非常「互動」！
什麼是「互動」？我解釋為痴纏、互相影響同牽制雙方，一方動，另一方冇法靜！
「話」人呢樣嘢，係十個人十個都會中招，點解？因為我地自己細個時，阿媽都係咁「話」我地，我地被話十次，總有三次都係聽，便形成咗呢個「話」的文化，自己都係「話」大或者打大，當然話/打番自己嗰件。但時移世易，小朋友已經唔怕阿媽話同打，話得多，重慣咗，唔聽，甚至駁嘴，咁阿媽就重「興」，愈話愈嬲，愈嬲愈話，升級再鬧勁啲或者作警告式的話：你再唔XX我就咁咁咁做！但好可惜，呢個好多時只係一時之氣同想嚇佢，阿媽諗吓就知並不是想真係做，於是又變成講咗冇做，而阿仔亦好快咁洞悉個遊戲點玩，一係就知阿媽只係靠嚇，唔會真係做，所以可以 ignore阿媽，唔係就俾足反應阿媽，喊住咁叫佢唔好，話下次唔敢，阿媽當然無法抗拒呢種認錯嘅「好態度」，如是者，互俾反應、打完場之後，下次又照板煑碗，知錯但唔改，當之前嘅嘢冇發生過，就是這樣，不停的「互動」，不停的重覆！如果一個唔好彩，條靚重識講：媽咪你都唔錫我嘅！咁就重「腰」中阿媽個心，完全無法抗衡，唔識處理！

解決方法：唔好「話」，將言語糾纏減到最少，同時要言出必行。

(2) 不少媽咪都話用 ignore 呢招，但實際上冇幾多人做得到，有啲就只係唔即時fulfil 個仔/女嘅要求，「話」吓佢地就當 ignore 咗，咁當然係唔 work；点解咁難？因為呢個係人嘅「自然反應」，叫唔係應囉，点解要唔俾反應？但係喊呢樣又係bb嘅「自然反應」嚟喎！？佢地未識講嘢個陣就用喊嚟表達，大大吓，發現一喊就有人理，同埋有好多 offer，咁梗係有理冇理喊咗至講啦！如是者，喊喊吓慣咗，阿媽唔即時俾我就唔啱啦，咁梗要升級啦，喊勁啲兼瞓落地囉……… 你唔想佢瞓地就唯有乖乖就範，咁下次，必然食過番尋味，有地瞓地，有啲阿媽知道咁落去唔掂，但又以為個仔真係「傷心」，又以為已經ignore過，重問唔係咁可以点…… 事實上小朋友喊，90%都唔係代表傷心，只係代表要求！

解決方法：媽咪 ignore 小朋友無理的要求時，唔須要表現嬲或唔開心，更加唔係鬧或者話，而係好和平咁俾一個訊息佢：呢樣嘢唔得就唔得，阿媽唔會因你嘅喊(或其他瞓地、扭、掟嘢行為)而改變！

(3) 好多媽咪讚時「就住就住」，怕讚壞；其實讚佢一個好嘅行為讚得多係唔會有問題，讚得多亦唔會自大，只會自信，因為係讚佢「一個好嘅行為」(例如有禮貌讚得多唔會變冇)，而唔係讚一種能力，如果你讚佢捉棋或讀書叻，佢未識比較，讚得多以為叻哂，咁就唔止自大(自己以為自己好醒)，到輸嗰時重好傷添！
除咗「就住」，重好容易响錯嘅時間讚，發揮不到原來的功效，例如試圖响佢發脾氣時話：bb好乖唔扭嘅；咁係冇用，又或者响讚時附加條件，例如話：你好乖喎如果可以XXX我就獎你啦 – 咁讚法就大打折扣，因為佢攞唔到「被讚」嘅甜頭，亦唔覺得呢個係你心目中嘅好行為，乜嘢係好行為嘅信息唔夠清楚、强烈，亦即係話你冇用到讚去 reinforce/ encourage佢去繼續呢個好行為！

解決方法：學識点讚

https://www.baby-kingdom.com/forum.php?mod=viewthread&tid=1094774&extra=page%3D1&page=3#pid19871769

(4) 打 – 大家都明白唔好打，因為你打佢佢又學咗打人，可以打到幾大？到佢大個時係唔係可以打番你一鑊勁？我覺得偶一為之(尤其是bb唔知危險嗰啲)，並非一定唔得，但如果要打，就一定要痛，重係好痛，否則唔好打！有啲媽咪/阿婆，好鍾意話打，慣手勢咁「撻吓」，就係最錯嗰隻！初初「撻」時，bb好似都驚，但好快就「還拖」，因為佢原來只係怕媽咪嬲，而唔係怕打(因為唔痛)，到佢覺得自己重嬲過阿媽嗰陣，就打番轉頭！

解決方法：真係決定要打時，唔好嬲或者有情緒，要好平靜，講咗就要做，打親就要痛！
打過一次有效，唔好吓吓話打嚟嚇佢，如非必要，唔好再打，或者咁啦，一年最多打一次，重要唔好响其他人面前，要隻抽！

希望幫到大家，如有討論，可以去番「小朋友大脾氣,可以點教」個 topic，我分身不暇呀！

[ 本文章最後由 SandraLo 於 07-11-24 22:08 編輯 ]

點評

angelicaman

發表於 19-8-13 04:29

Cindyma520

發表於 19-3-31 22:08

貓眼石女皇

發表於 19-1-13 16:37

ant3210

發表於 14-8-6 14:55

dnc008

發表於 14-6-10 21:27

Connie819

發表於 14-6-6 12:18

maggielmy

發表於 14-2-22 20:58

jerald113

發表於 14-1-6 10:20

yuki60

發表於 13-7-1 01:25

fong227

發表於 13-2-28 16:18

AA_MA

發表於 12-9-21 11:41

li60740307 有用有用! 發表於 11-11-16 23:55

fmycsm 真的獲益良多啊 ! 希望我將來做到6-7成啦發表於 11-10-26 10:09

豆豆B 真嘅好好啊！我按你說的改進了一下方法，覺得跟兒子長處起來容易許多！發表於 11-9-5 11:34

faifaichunchun 好好發表於 11-5-9 23:50

1 27 0

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33212

2^#

發表於 07-4-14 15:00 |顯示全部帖子

Re: 教仔心得：媽咪容易犯的錯誤

MrsBunBun 寫道:
請問版主可唔可以將此文章置頂?

嘩！唔好卦？！嗰啲「條靚」呀「隻抽」呀
唔係咁好喎！

私人傳訊

SandraLo

珍珠宮

積分: 33212

3^#

發表於 07-5-24 22:30 |顯示全部帖子

Re: 教仔心得：媽咪容易犯的錯誤

私人傳訊

SandraLo

珍珠宮

積分: 33212

4^#

發表於 07-6-7 20:14 |顯示全部帖子

Re: 教仔心得：媽咪容易犯的錯誤

manyeebb 寫道:
但如果對住一個16個月大既baby, 又可以點做呢??
佢又唔識聽, 又唔識講, 成日發脾氣, 我都唔識教佢

manyeebb ：

你可以睇住呢度先→ H E R E
我知好多，要兩三個鐘至睇得哂，但你可以揀d 睇住先，再响嗰個 topic 度問啦！

私人傳訊

SandraLo

珍珠宮

積分: 33212

5^#

發表於 07-8-29 22:07 |顯示全部帖子

成日話「讚」可以改正小朋友壞行為，到底點讚？

Part I

在「小朋友發脾氣」的topic裡，很多媽咪都有很類似的問題，例如小朋友發脾氣、掟嘢、大喊大扭、打人、唔肯食飯、唔肯瞓、唔肯行要抱，大小小嘅就懶、唔做功課唔專心、駁咀等等….. 其實呢一切「唔好」嘅行為，都可以用「讚」嚟矯正，現在就想講吓点用「讚」嚟化解一切！

首先，点解要讚？

無論大人同細路，都唔會鍾意被人「鬧」同「話」，「話」得聽，世界和平啦！因此，今時今日，你去「話」人地嘅壞行為，只有好少數人會自我反省去改正，小朋友就更加唔駛諗，媽咪有時覺得勁「鬧」甚至打會有效，其實好多時，小朋友都只係因為怕媽咪嬲而收一收，到太多嘢都俾人話時，打駡就冇效了！而較大的小朋友更加會因為被話太多而令他們不停諗啲嘢嚟駁咀同對撐，令媽咪以為係「反叛」！其實佢地係用駁咀「反抗」媽咪「話」佢地，你試吓叫佢打完機去遊樂場再食雪糕，睇吓佢反唔反叛？
但讚就個個人都啱聽，你只須用讚嚟話佢知乜嘢係好行為，來代替「罵」或者「話」他一個不當的行為便成了，不要以為簡單便無效........
一般媽咪會忽畧咗口頭讚，，其實對小朋友嚟講，讚係相當重要，因為你肯定佢，清楚咁話佢知做對咗乜嘢，而你也是因他做了這件事而開心的，他往後做什麼也更有信心，相反，你永遠都「話」佢唔得、未得、錯，雙方關係變差同大家唔開心之外，佢重唔會知亦唔會諗自己原來係得嘅！

點解有啲媽咪覺得難去讚，甚至唔信係work所以唔試？

對於媽咪來說，一心諗住小朋友做啱係應該，做錯就「話」，扭計的大小bb，鬧都嚟唔切，重要去「吼」佢冇扭嗰陣讚！有冇搞錯？自己細個時都俾阿媽鬧到飛起離地，鬧十樣裡面，都有幾樣會有影響去改，當然照板煑碗：阿仔/女做錯就話或鬧或罸甚至打，依家明明係曳，無啦啦重要我讚？呢個心理關口媽咪必須克服，你至會知道「讚」有幾 powerful！或者咁，徹徹底底咁試一次，你嘗到甜頭，真係得，至會信十足！
唔好担心以為會讚壞或者令佢驕傲，你只係讚佢一個好嘅行為，而唔係讚佢某種能力，唔須要同人比較，所以唔會驕傲，亦唔係認叻，只係代表俾佢知佢係媽咪心目中行為好嘅乖孩子！

點讚？

其實非常簡單：
舉個例，假設你的小朋友會容易動手打人，咁即係，
壞行為 = 打人，相對地，好行為= 沒有打人時
要矯正他打人這個行為，就要在他沒有打人的時候讚他。
如果壞行為 = 發脾氣；好的行為= 不發脾氣的時候
要矯正他發脾氣這個行為，就要在他沒有發脾氣的時候讚他。
他在家好端端時(心情靚更好)便可以讚：bb好乖喎，冇發脾氣，冇打人，好好呀，等媽咪錫錫再一齊食雪糕啦！ (可以是看TV或講故事，只要他喜歡的，hug一吓亦可)
注意不可以在他發脾氣時才用這些話試圖安撫，是完全沒有用的，所以 timing 很重要，第一次用的那一天，可以早午晚講一次。

to be continued....

私人傳訊

SandraLo

珍珠宮

積分: 33212

6^#

發表於 07-8-29 22:12 |顯示全部帖子

成日話「讚」可以改正小朋友壞行為，到底點讚？

Part II

應用技巧
(1)
讚要盡情 - 讚要真心、開心、冇保留同唔可以有條件(condition)或即時翻舊帳，即係唔可以話：「嗱，咁做就乖啦」、「唔打人就乖啦」 (有條件的讚，表示打人就唔乖)，或者「咁先至乖架，之前咁咁咁咪唔好囉！」(翻舊帳話佢之前唔啱)，咁就唔算係「真」心讚，因為你依然有話佢！
(2)
認清目標 - 當你用讚來矯正一個唔好嘅行為時，記住每次讚的目標只可以有一個，例如你想處理「含飯唔吞」問題，讚佢時佢好開心，大叫，你又忍唔住去話佢：咪嘈啦........ 咁就又冇咗嗰個氣氛，佢又跌番落谷底，同冇讚過一樣，總之，讚的時候，其他嘢最好全部唔好話佢住！舉多個例，你讚佢冇掟嘢落地，佢即刻好興奮爬上梳化跳，咁你就唔好話佢跳梳化，可以依然開開心心咁走過去，順勢抱高(舉高)佢，同佢玩兼離開張梳化，總之就唔好响嗰陣話！
(3)
掌握讚的timing -
有啲媽咪會話：佢根本冇乖嘅時候，点讚？時機可以製造，只要係開開心心嘅氣氛便成。舉例：(1) bb吃飯吃幾啖便走開，点讚？可以响佢食咗第一啖就讚，甚至一坐低就讚：bb好乖喎，食飯坐得好好冇走開喎。食多幾啖又再讚。(2) bb响遊樂場見到細過佢嘅就推，出手好快，点趕得切讚？當然要响佢推之前，為確保一定讚得到，一到達遊樂場就讚，我教過一個媽咪，佢起初讚唔切，後來索性未去到遊樂場就讚，嚇到佢C6以為佢傻咗…..點知，幾次就搞掂咗冇再推人！

善後工作 (Follow up Work)

1/ 用讚改正壞行為，讚緊當時係唔講其他嘢(如點解唔好做乜等)；咁幾時先至「教」番佢乜嘢係啱，乜嘢係錯？我常說是講故事時間，因為那時氣氛最好，你用故事，如「狼來了」嚟教佢唔講大話，又唔係話佢，咁幾好！

2/ 對於處理扭同哭鬧來說，讚之外，重要加 ignore 一齊用，即係要對佢哭鬧冇反應(不可表現嬲，不可罵或話，甚至說話都可免則免)至得，再清楚d，你用讚嚟話佢知唔扭係好，但如果佢扭就有嘅 (或者攞到你的情緒反應)，咁佢好難唔扭喎！
佢哭、鬧、扭時，除絕不可有任何反應外，亦不好罸關他在房中，因為這是嚇不是罸，你見不到他只會更担心他在做些什麽，他若在房中大哭，你放他出來時，他會以為是因為他哭所以放他，反為助長了他下次哭得更耐！

3/ 若他不是扭，而是做錯事如打人、掟嘢等，只須用堅定的語氣告訴他一次他打人和掉嘢不對，然後可以罸他他站或坐 naughty chair，他離開便將他抱回，要注意的是不要當時罵或者「話」，比如同佢講：我話咗你啦.......又俾我罸........衰唔衰呀等，因為罸站或坐已經係罸咗，「話」係冇用更傷感情；之後，簡單告訴他多一次他錯什麽，要他 say sorry，然後hug 他一吓表示冇事錫番！，

(只供BK 會員，請勿轉載至其他網站)

私人傳訊

SandraLo

珍珠宮

積分: 33212

7^#

發表於 07-9-13 16:13 |顯示全部帖子

原文章由 chloe媽 於 07-9-13 01:52 發表
做時很困難 ,請問(小朋友大脾氣)topic在那裡??:lol:

chloe媽：

「小朋友脾氣大，可以點教」
http://forum.baby-kingdom.com/viewthread.php?tid=840915&extra=&page=1

用讚來矯正壞行為，已經係最容易架啦，呢度成40版，d媽咪話要睇三日！不過你睇咗之後會覺得好d，因別人的成功經驗對你也是重要的！

私人傳訊

SandraLo

珍珠宮

積分: 33212

8^#

發表於 07-9-21 21:35 |顯示全部帖子

原文章由 KERORO911911 於 07-9-21 19:16 發表
我個仔今年7years old, 做錯事永遠賴人,話係別人咁咁咁, 他
先咁咁咁, 永遠唔會認自己錯 and 從來唔接受別人教, 請各家長指教一下, thanks

你試吓用讚嚟取代話佢錯, 會有意想不到的效果！

私人傳訊

SandraLo

珍珠宮

積分: 33212

9^#

發表於 07-11-3 18:11 |顯示全部帖子

原文章由 janicengyt 於 07-11-1 23:02 發表
Sandra,
好多謝你寶貴的意見, 真係好有用
仲有個講者建議我地就算要罵, 每一次只好罵一樣, e.g. 你樣樣都做得好好, 淨係差呢一樣, 加埋呢一樣就very good la. 咁佢覺得原來我差小小就very good, 咁好有機會連呢一樣都好快改過.每一次只好罵一 ...

咦..... 「每一次只好罵一樣」ok, 但如果話每次讚都係「差某一樣先至very good 」, 咁咪即係永遠都冇very good ? ?-(

私人傳訊

SandraLo

珍珠宮

積分: 33212

10^#

發表於 07-11-11 10:31 |顯示全部帖子

原文章由 cfunallc 於 07-11-10 07:10 發表
SandraLo,
其實我都唔 agree 打....但囡囡17個月大, 有時扭計發脾氣, 我會打佢手仔 (e.g. 叫佢唔好玩 tissue or 浪費食物), 但我打佢唔係大力果隻,怪唔知得 bb 唔驚我, 有時仲學我, 打番我轉頭. 我c6 都話 "唔大力 ...

cfunallc :

哈哈! 我半年前都用過呢招

...... 不過我女15歲啦！
記得嗰晚係考試前夕, 佢一早收工唔讀, 十一点都唔瞓重响度睇電視 (但我地係幫佢錄嚟), 我出咗廳兩次叫佢去瞓佢都唔"so"我, 因佢老豆坐响佢隔離冇出過聲, 佢咪覺得可以食住我囉......

我頂到爆但又唔想畫爛塊面炳佢兩個, 於是第三次就拎個相機出去, 先映佢兩個坐响梳化, 再映個鐘, 佢老豆即到收到, 知我就爆, 細細聲叫佢去瞓.....

你咁快就出呢招, 之後点算？快d 學識讚啦！:mrgreen:

點評

nacai

發表於 15-3-4 13:42

私人傳訊

SandraLo

珍珠宮

積分: 33212

11^#

發表於 07-11-20 18:35 |顯示全部帖子

原文章由 janicengyt 於 07-11-19 23:15 發表
Sandra,
原來你個女咁大個LA, 你呢招影相幾好喎, 等我都試下先.
我個女3YRS, 有時都唔願瞓, 等我試下你呢招得唔得先.
我都試過佢扭計時影相, 但佢會望下我影個張相, 隔一陣又再繼續扭過....

咁細個, 正經啲用番正確方法啦, 我冇計至出呢d 旁門左道啫！

私人傳訊

SandraLo

珍珠宮

積分: 33212

12^#

發表於 07-11-30 22:43 |顯示全部帖子

原文章由 Elaine228 於 07-11-29 13:24 發表
~
睇完之後好似...

Elaine228 :

好似 ??

私人傳訊

SandraLo

珍珠宮

積分: 33212

13^#

發表於 07-12-22 17:50 |顯示全部帖子

原文章由 beautyma12 於 07-12-20 00:09 發表
我嘅情況同佢差不多，不過我個仔已經10歲了。依家日日同佢大戰，讚又唔鍾意，又話我想博佢開心，唔讚又話唔讚，成日話我偏心細佬，無嘢可以令佢滿意。重尊登做d小朋友唔應該做的行為，例如扮食煙手勢(我最唔鍾意人食煙)，講反面說話， ...

beautyma :

其實我是需要多些時間才能全面少少咁答到你的問題......
我猜十個媽咪有六個都有呢個問題, 所以值得花多些時間！
當前急務, 係你唔好同阿仔陷入無謂的言語衝突之中..... 例如, 佢分明要引你注意, 甚至只係「扮食煙手勢」, 都可以引起你的反應, 你就係中咗招啦！
「讚又唔鍾意」~~ 係因為大個啦, 嗰d 乖呀, 叻呀個d 已經唔啱聽, 要婉轉少少, 例如：嘩好掂喎, 好正喎或者幾醒喎等等！
Once你減少同佢嘅無謂口舌之爭 , 話佢嘅嘢明知唔會有用嘅就忍口唔好出聲(佢要嘢嘢頂住你,係因為由要「反駁你話佢Ｊ而起), 加埋讚多d, 情況必然會緩和！
我有兩份剪報, 都係講讚同行為, 如你想睇可pm e-mail address 給我, 你唔介意的話, 我遲些開topic 可能會copy番你呢個case上去再講！

私人傳訊

SandraLo

珍珠宮

積分: 33212

14^#

發表於 07-12-26 11:27 |顯示全部帖子

原文章由 SandraLo 於 07-12-22 17:50 發表
beautyma :
其實我是需要多些時間才能全面少少咁答到你的問題......
我猜十個媽咪有六個都有呢個問題, 所以值得花多些時間！
當前急務, 係你唔好同阿仔陷入無謂的言語衝突之中..... 例如, 佢分明要引你注意, 甚至 ...

beautyma :

個剪報有冇乜嘢問題要問？少咗言語衝突未？

私人傳訊

SandraLo

珍珠宮

積分: 33212

15^#

發表於 08-1-4 19:02 |顯示全部帖子

原文章由 beautyma12 於 08-1-2 22:54 發表
Sorry, 你的剪報不丸清楚，已pm你再send但無再收到，以前因為聖誕節你沒有空。請你再send多次比我，好嗎﹖thankｙｏｕ﹗

沒收到你的pm呀, 我今晚回家再send多次！

私人傳訊

SandraLo

珍珠宮

積分: 33212

16^#

發表於 08-1-5 17:27 |顯示全部帖子

原文章由 jpkp313 於 08-1-5 02:54 發表
SANDRA,
我個女3歲半,成日好似同我作對咁,叫佢東佢就西,搞到我日日都好火成日都炳佢,我知我唔啱亦唔想咁同佢相處但我真係唔識處理,仲有佢成日都好似食住我有時對我唔尊重,我可以點做?THANKS ...

jpkp313 :

佢同你作對嘅原因, 除咗係要「反擊」你話佢之外, 某程度係copy咗你「話」佢嘅模式！
至於你女「食住你」我就唔太明, 因你要「怕」佢, 佢先至可以食住你, 好似我成日講, 我食住我女, 我女食住我老公, 但我老公食住我！

你先睇埋呢個topic (由舊開始)第61, 62個post講「點讚」.....
明哂之後, 你便可開始進行這個行為矯正計劃, 其實超簡單：
1/
盡量減少「話」佢, 一樣都唔話最好；
2/
用讚佢一個正確行為來取代「話」佢一個你覺得唔啱/唔順眼嘅行為.
舉例：
你最憎佢企响梳化, 見一次話一次, 但佢永遠唔聽重駁咀; 你要捉住佢冇企响梳化個timing, 讚佢：「嘩你好乖喎冇企响梳化！」如是者一日起碼三次……如此類推！如你一讚佢就企响上去, 你就行開當睇唔到！
試吓啦, 有問題再上嚟！

私人傳訊

SandraLo

珍珠宮

積分: 33212

17^#

發表於 08-1-19 17:21 |顯示全部帖子

原文章由香香於 08-1-11 18:11 發表
SandraLo:
我都想要一份！　可以SEND比我嗎？　[email protected]
我平時可能叫佢唔聽．　跟住我就會大聲叫佢．　點解d小朋友咁鐘意大聲渴佢先聽話．　又或者要引誘佢．　話唔好扭計．　我就請佢食糖．其實咁樣係咪唔好呢！　如 ...

香香：
Sorry 睇漏咗, 放工返屋企send 俾你, 唔明可入番「小朋友脾氣大点教」個topic問我, 因你依家未有urgent need !

睇你所講, 好多嘢錯咗, 咁落去唔多掂….. 你亦依乎未學「点讚」喎！其實呢個topic 度都有, 或者呢度：
http://forum.baby-kingdom.com/viewthread.php?tid=1094774&page=4#pid20380462
你睇咗先, 我明晚再解你知！

私人傳訊

SandraLo

珍珠宮

積分: 33212

18^#

發表於 08-1-20 23:31 |顯示全部帖子

原文章由香香於 08-1-11 18:11 發表
SandraLo:
我都想要一份！　可以SEND比我嗎？　[email protected]
我平時可能叫佢唔聽．　跟住我就會大聲叫佢．　點解d小朋友咁鐘意大聲渴佢先聽話．　又或者要引誘佢．　話唔好扭計．　我就請佢食糖．其實咁樣係咪唔好呢！　如 ...

香香：

請留意下面數点：

「喊或扭計就用氹, 如果係曳多數會渴佢」…
- 首先, 喊或扭就算係做曳
- 喝佢係錯嘅做法, 因佢第一樣就會學咗喝人
- 你以為喝佢係有效, 但其實當佢重好錫媽咪時, 你喝佢佢就收斂一下, 只因佢感受到媽咪係嬲同唔開心, 遲吓你多咗嘢要話佢, 佢又識喝返轉頭時, 駡戰升級, 你一定頂住條氣！而喝除咗無效之外, 重好傷感情！

「平時可能叫佢唔聽　跟住我就會大聲叫佢」
- 叫佢唔聽可能係因為聽力問題, 唔係聽唔到, 而係弱聽, 或者太專注做緊嘅嘢, 又或者顧住玩唔想應.
- 假設聽力冇問題, 要矯正只須响佢即叫即應嗰次就讚佢, 話佢好乖, 即叫即應媽咪.

「話唔好扭計　我就請佢食糖」
- 叫佢做一樣嘢, 或者要佢停止做某樣事, 係要用糖或其他嘢交換, 咁係好大鑊
- 小朋友唔會未扭過, 只係嗰d扭得到嘅細路就會繼續用扭嚟攞到佢要嘅嘢, 而扭唔到嘅, 係唔會用呢一招; 即係話, 喊、扭, 阿媽就有嘢offer, 點解唔喊咗先算？
- 要点做唔重覆啦, 你睇点讚個topic就知.

「佢答岩我就讚佢叻」
- 要多讚小朋友係講緊讚佢一個好嘅行為, (如有禮貌, 有手尾) 等佢繼續做, 而唔係讚佢一個能力.
- 因小朋友响某一個學科/能力嘅所謂叻唔叻, 永邊係比較性, 即使你係世界第一, 都唔能夠一世第一, 咁你讚佢某種能力叻(例如計數高分),有機會對佢構成壓力,以為高分係好重要, 而低分就一文不值, 亦忽畧咗努力的重要！

[ 本文章最後由 SandraLo 於 08-1-20 23:34 編輯 ]

私人傳訊

SandraLo

珍珠宮

積分: 33212

19^#

發表於 08-1-24 22:51 |顯示全部帖子

原文章由 beautyma12 於 08-1-23 00:27 發表
好耐無上黎啦，因為阿仔要考試，無時間。
Thank you very much! 睇完你的剪報知道咩嘢應該做，但自己又控制唔到脾氣，日日係屋企都同阿仔駁鬥，都唔知點攪好。佢就一日比一日差，無理取鬧。唔鍾意聽，唔鍾意做，就話佢有佢嘅自由，唔 ...

beautyma12 :

其實你大致都知問題所在 ~~ 你「控制唔到脾氣」, 而阿仔亦學咗你......
有個建議：你先用紙寫低(列出) (1) 所有你最憎阿仔做嘅嘢(忍唔住要鬧個種), (2) 你對佢做呢d 嘢嘅反應/對策 (3) 有冇效, 即佢會否改。如果你嘅方法冇效, 你每日睇多幾次列出嘅事項, 然後控制自己唔好鬧, 由得佢, 起碼等佢都冇得駁咀先, 你做得到, 就係成功的第一步, 同時, 你睇熟点讚, 我再教你點做！
如你覺得停止唔到鬧佢, 我就幫唔到你啦！

私人傳訊

SandraLo

珍珠宮

積分: 33212

20^#

發表於 08-2-22 22:53 |顯示全部帖子

原文章由 vyvy 於 08-2-22 01:40 發表
SandraLo,
阿囝3歲, 我有用開ignore, 但可能有時忍吾住d氣, 會同時繼續講佢應該點做點做. 加上佢自細已可以喊好耐, 可以成粒鐘, 有時都會懷疑自己是否應該堅持, 加上近日佢試過因為係喊時不停用紙巾抹眼, 攪到隻眼 ...

vyvy :

我估你嘅ignore, 只係做到堅持唔俾阿仔扭到要嘅嘢, 但就因為忍唔住繼續話佢, 所以收唔到真正ignore 嘅效果
！你繼續話佢其實响佢嚟講係一種反應, 佢扭、喊, 你冇反應佢先至覺得喊係冇用, 你一有反應, 無論話又好, 鬧又好, 打都好, 都會令佢呢個行為持續！而由於情況有些僵住, 佢發現抹眼會攞到你多d attention, 於是佢又係唔會停呢個抹眼行為！
你有冇睇埋讚個topic？
你要識得用埋讚先至快矯正到壞行為, 因為讚先可以令他知道什麽是好行為！
記得係响冇事冇幹冇扭時讚, 睇呢度：
http://discuz.baby-kingdom.com/viewthread.php?tid=1094774&page=1#pid18361389

唔明再上來！

私人傳訊