少年成長

收藏本版
回覆 發帖
返回列表
跳至頁

首頁
1

尾頁
   22
wan_sosin


珍珠宮

積分: 40905


1#
發表於 23-11-4 19:38 |顯示全部帖子

回覆樓主:

青春期唔會一世，係要忍耐一下，但總會過去，對佢哋嘅黑面，反抗等唔好咁睇得咁重，呢個年紀佢自己做緊咩都唔知。我仔大致過咗青春期，我問返佢以前點解有咁嘅反應，佢答我佢都唔知，係控制唔到。佢都終於明白高小教青春期嘅情況真係會發生。
我仔而家同我有傾有講，都鍾意講野我聽。
不過早幾年我都同你一樣覺得好難過！
私人傳訊回覆 引用

wan_sosin


珍珠宮

積分: 40905


2#
發表於 24-1-18 09:53 |顯示全部帖子
poodlema 發表於 24-1-18 09:33
回覆 wan_sosin 的帖子

幾多歲先可以脫離

好難話幾多歲，有啲小四已好反叛，有啲中一仲係好乖，中2,3先開始駁咀，但一般暴風期三年左右，之後會緩和，但都有啲一發不可收拾。
都要睇細個時點樣教，感情有幾好，反叛期嘅相處情況，有啲父母唔忍，真係打架趕個細路出門口，都影響結果。
所以感情關同仔女關係好重要，要等佢哋一日醒覺，知道父母愛佢哋。
當然就算暴風過咗，年輕人同我哋一代人總有差別，唔會完全同我哋思想一樣，呢啲差別要雙方明白，多啲溝通，多啲理解對方想法，唔同意見唔等於個仔女唔乖，人大咗一定有佢自己思想，相處唔太可以太用父母權威，3幾歲細路唔需要點所謂「尊重」，但十幾歲就要啦。
私人傳訊回覆 引用

wan_sosin


珍珠宮

積分: 40905


3#
發表於 24-1-23 12:44 |顯示全部帖子
本帖最後由 wan_sosin 於 24-1-23 12:45 編輯
順子 發表於 24-1-23 12:19
回覆 wan_sosin 的帖子

我個初小已駁嘴，上到中學已經一發不可收拾，你批評佢錯失時，佢會發難還擊，打大 ...

正常，我個都會，其實我仔幾歲去CAC評估，在佢4歲，醫生已話佢反叛，加上ADHD(現在要食藥) ，佢唔只駁嘴，幾歲人入我房鎖門偷我嘅野，大話連編，老師都呃，小學仲試過係教員室大聲鬧老師。從來對人無尊重呢件事，對任何人都係。

教細路係漫漫長路，長到見唔到終點，真係要堅持，堅持到無力都要堅持。佢中一唔讀書(本身能力同成績唔差), 要重讀一年，班主任話佢讀唔到中四。

經過三年，我仔今日識乖啦，開始知自己錯，知自己要改，學業完全佢自己搞掂，唔識自己去問人搵人幫，佢仲話要入到8大。

我仔而家經常問我哋意見，有商有量，捱咗十幾年，等到今日，有血有淚。
私人傳訊回覆 引用

wan_sosin


珍珠宮

積分: 40905


4#
發表於 24-1-23 13:57 |顯示全部帖子
lu2forever 發表於 24-1-23 13:05
我嗰個今次考試有成6-7科唔合格，仲要好似冇嘢咁，冇動力，態度又差，又打父母,我真係好辛苦…
點樣先可以 ...

我仔中一全科唔合格，佢唔係讀唔到(小學入過精英班) 我都好大打擊。
要佢哋醒覺唔容易，而且做足都唔等於一定有成效(咁先慘), 我當年都只係盡力而為。
唔好同佢正面對抗，唔好互罵，有時要動之以情，那怕講句：阿仔，我好愛你！
道理要講，心平氣和嗰時講，仲要問下佢你想唔想傾？傾都點到即止，唔好長氣，佢唔應唔睬無問題。
學業方面，佢幾分都好，高分當然讚，低分會同佢講，讀書係唔容易，我有咩野可以幫到你？你可以同我講下有咩困難，有咩唔明，想你搵到學習方法讀得無咁難。講咗幾次後，我仔真係願意答我，阿sir教得唔好，我唔明佢講咩，同學都咁樣講。

私人傳訊回覆 引用

wan_sosin


珍珠宮

積分: 40905


5#
發表於 24-1-23 14:06 |顯示全部帖子

回覆樓主：

本帖最後由 wan_sosin 於 24-1-23 14:07 編輯

續

當年我仔中一開學就zoom,呢點我都體諒佢嘅，對ADHD真係好難。

十幾歲呢個年紀，自己都唔知自己做緊咩，無道理可言，所以要學放低少少感受，佢表面唔接受，但父母說話係聽到嘅，只係唔認低威。
孩子會長大，無幾個成年人仲傻嘅咁樣玩野，人總會長大，高中都會開始好少少，父母要極有耐性，陪佢哋行過呢段路，將來到佢哋明白會多謝父母無放棄佢哋，我仔而家都多謝我㗎，唔太會逆我意。
最後一樣，係我哋個人事，不過都講下，由細到大我一家都返教會，仔都返到而家，仲想受洗，教會嘅哥哥叔叔都好照顧佢，佢都會去問佢哋意見，教會都幫佢一把嘅。
私人傳訊回覆 引用

wan_sosin


珍珠宮

積分: 40905


6#
發表於 24-1-23 15:12 |顯示全部帖子
本帖最後由 wan_sosin 於 24-1-23 15:14 編輯
順子 發表於 24-1-23 15:04
回覆 wan_sosin 的帖子

見你仔修成正果，都戥你哋高興

咁佢目前學業成績？課外活動表現如何？
你指佢無時停，係做啲咩野事，14歲應該唔會跳疏化吧！
你又點解接受到佢，而爸爸唔接受佢呢？
私人傳訊回覆 引用

wan_sosin


珍珠宮

積分: 40905


7#
發表於 24-1-23 15:27 |顯示全部帖子
順子 發表於 24-1-23 15:04
回覆 wan_sosin 的帖子

見你仔修成正果，都戥你哋高興

我睇返你上面所講，ADHD唔係咁樣嘅，多啲係青春期問題，打機係致命嘅，佢唔係集中唔到唔讀書，佢係掛住打機，失去自制能力，你仔應該都幾聰明，但就無方向，唔知自己要啲咩，眼前見打機最有滿足感，就走去打機算數，佢有咩其他興趣呀？有無得發展下呀？我仔由細到大都玩運動，運動幫到佢，一星期訓練幾日，最少都放低部手機無咁沉迷，同埋有班朋友，我以前試過問佢，實在想唔想成績好少少，咁佢都無話完全唔想，我就叫佢去問下成績好嘅同學點樣讀書，佢真係有去問，亦幫佢明白到多啲野，做父母真係用盡方法，有時自己講唔得咁多，搵其他人講下。不過呢啲反叛期，真係要等㗎
私人傳訊回覆 引用

wan_sosin


珍珠宮

積分: 40905


8#
發表於 24-3-11 02:14 |顯示全部帖子
本帖最後由 wan_sosin 於 24-3-18 17:46 編輯
annchloe 發表於 24-3-11 01:10
請教你寶貴經驗，可以分享下你點樣同佢溝通呢？

我仔嗰類係強硬派，同佢鬥撼無好處，我會講：媽媽好想明白你諗法，唔係想怪你(都要真心唔責怪), 想知你有咩困難，睇下我可唔可以幫到你，我唔係想你辛苦，我係想大家搵個好啲嘅方法。
當佢肯表達，就真係去聽，唔好咁快話佢呢樣唔啱嗰樣唔啱，可以回應一下佢所講嘅野，例如多謝你講出嚟令我明白多啲，問返佢想唔想下我睇法，我盡量唔會話佢錯，我會同仔傾下佢咁諗咁做有咩後果，但係我都會話咁諗唔緊要嘅，但係可能有第二個諗法/做法會令件事更加好，然後慢慢再傾落去。

青春期細路係要人哋認同佢，一埋嚟話佢錯多數反抗，就算佢真係知自己有錯都唔會認，所以要用分析嘅方法，唔好用對錯嘅方法。有時更要動之以情，話媽媽真係關心你想你開心。
雖然以柔制剛，但都要立場堅定，佢都係唔肯聽就同佢講，你諗諗先，我遲下再同你傾。
不過對年輕人，盡量小問題當無問題，大問題先認真傾，下下樣樣都高要求，大家都好難相處。
私人傳訊回覆 引用

wan_sosin


珍珠宮

積分: 40905


9#
發表於 24-3-11 18:44 |顯示全部帖子
annchloe 發表於 24-3-11 18:40
多謝你既分享，好有用！ 我都會試吓，我女十歲啫不過比較早熟已經有啲青春期脾氣，但始終細啲，好快無事， ...

女仔早熟，早少少習慣下點樣相處都係好事，青春期嘅女仔都好唔簡單，男仔就容易會發脾氣，女仔雖然未必，但有機會講野尖酸刻薄。咁最好就平平安安聽教聽話渡過，都有細路無咩點嘅。
私人傳訊回覆 引用

wan_sosin


珍珠宮

積分: 40905


10#
發表於 24-3-12 13:09 |顯示全部帖子
annchloe 發表於 24-3-12 13:00
係，耐性同冷靜都係我地做媽媽所需要的， 聽要快要專心，講就要慢同細聲啲。我都train 緊自己
...

一齊努力！我都仍然在努力同個仔溝通，年紀唔同，傾嘅話題會改變，只係過咗最暴風個階段，關係就無咁緊張，男仔唔太叻溝通，我都仍然慢慢引導個仔去表達，只係佢而家比以前合作好多。
私人傳訊回覆 引用

wan_sosin


珍珠宮

積分: 40905


11#
發表於 24-3-18 18:10 |顯示全部帖子
本帖最後由 wan_sosin 於 24-3-18 18:10 編輯
lu2forever 發表於 24-3-18 17:42
以前讚佢少，呢個月開始隔幾日就搵啲嘢去WhatsApp 讚佢，又講love u, 佢都冇反應。當佢心情好嘅時候，都有 ...

要去到repeat, 都真係有唔少壓力。
學業方面係無得話佢，但可以同佢分析唔認真讀書，中六畢唔到業嘅結果，唔需要評論太多好與唔好，講事實就得。唔想繼續讀可以中三轉去VTC,或夠年歲數出嚟工作，到時佢嘅生活會係點樣，會識到點樣嘅朋友甚至女朋友。
如果肯努力讀上去，生活又會如何如何。。。
我早兩年好幾次同個仔講，媽媽無問題嘅，你讀幾多書做啲咩工作都唔影響我，不過你自己諗諗將來你的生活會點？我同個仔聲明一點，我話我唔養成年人，到18歲如果唔讀書請出去工作，要比返家用自己養自己，除非你到時是學生我都唔會唔幫下你嘅。我係平心靜氣同個仔傾，無怪責佢嘅態度，最後叫佢自己諗清楚。當然都唔係講一兩次佢就收到，都間唔間提下佢，我仔係信我做得出要佢返工唔養佢嘅，因為由細到大，佢都知我言出必行。
傾多幾次佢都開始諗好似再唔比啲努力真係唔太掂，慢慢就好咗少少，當然唔會一步登天，好咗啲又讚下佢，差咗又提下，亦都要間中講啲感情說話，媽媽想你第日日子過得好啲，但我又唔代替得你去考試，努力啦阿仔，你需要幫忙媽媽幾時都會幫你，我唔係想你辛苦，係想你輕鬆啲過你人生，但始終都要比啲代價落去。
佢點答我，答唔答我，我唔會太在意，因為唔會一朝就收到晒明晒我哋大人嘅想法，希望慢慢傾下傾下細路會明到多一啲，青春期係咁，總要等兩三年佢過渡，做媽媽要好堅持。
我都痛苦過，實在我好怕去學校，我仔由幼稚園到初中都多事，次次去學校大中細鑊都有齊，見到老師又係傾我仔問題，又要講我會好好教佢提佢之類，好似永遠我做阿媽都有錯咁樣，我永遠同佢頂住，真係好累！
我都係近兩年先好過一啲。
大家加油！
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見