吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 派成績表

少年成長今日: 1|主題: 15858

收藏本版

回覆發帖

返回列表

跳至頁

查看: 29662 | 回覆: 7

派成績表 [複製鏈接]

csir3290

子爵府

積分: 10996

1^#

發表於 23-12-3 11:25 |只看該作者 |倒序瀏覽 |打印

琴日係阿仔學校派發測驗成績表嘅中一家長日，咁當然我同老婆都一齊出席希望了解下個仔入咗呢間學校讀咗兩個月之後嘅情況啦。入到去班房先發現原來唔係逐個見家長，係全部家長坐曬入去班房之後，班主任就逐個派發，派完之後班主任就講番呢一班嘅成績同埋全級嘅比較咁。本來個個家長坐曬喺度都好靜，但係一派完成績表之後啲家長就開始竊竊私語，互相討論自己仔女嘅成績。班主任開始講全級成績嘅時候，班主任提醒家長唔好影相因為牽涉其他班嘅私隱。但係偏偏坐我隔離位個家長就喺個細路面前攞部手機出嚟想影相，我聽到個細路都有叫個家長唔好影，但係最終都係要班主任出聲提醒個家長，令到個細路都有啲尷尬。

又有一個家長一攞到張成績表，就即刻同佢隔離位個家長喺度互相比較，可能呢兩位家長都係相識嘅，所以一路都傾得好投契，忽然我聽到佢讚另一位家長個仔嘅成績好，而佢自己個仔就冇咁叻，最慘呢句說話仲要喺佢自己個仔面前講。講真佢哋呢一班嘅成績整體算係唔錯，就算成績冇咁好嘅學生都唔會係好差嗰種，但係剛才嗰個家長就喺自己個仔面前咁樣比較其實對個仔嚟講都唔係幾好。

望返自己個仔張成績表其實我同老婆都算滿意，大部分嘅科目都可以喺全級頭50名之內，雖然都有兩科唔合格但係都只不過係差少少就合格，講真已經畀我哋預期好。可能呀仔有啲擔心因為有科目唔合格，我同老婆會出聲話佢，但係我同老婆當然都冇咁做啦！因為我哋知佢有勤力溫習，亦都唔會將佢嘅成績同其他同學比較。離開咗學校返屋企嘅途中，我同老婆都係主要讚佢做得好嘅地方，至於唔合格嘅科目都係提醒佢繼續努力，只係差少少，只要適應咗考試嘅模式，慢慢再溫好啲，下次考試嘅時候應該會有進步。可能阿仔又係見到我哋冇話佢，所以佢又係放心曬，跟住又同我哋講學校嘅嘢。

可能我一早有曬心理準備知道佢有科目會唔合格，所以亦都唔會覺得太突然，而且更加重要嘅係佢唔合格嘅呢兩科並唔係因為佢唔溫習或者懶散，反而係因為小學升中學嘅時候，佢之前從來冇試過答卷嘅時候要寫咁多嘢。所以我哋都冇怪責佢，反而係鼓勵佢今次測驗因為佢勤力溫習所以成績我哋都算滿意，希望鼓勵到佢繼續努力溫習。

「唔合格」呢三個字對好多父母嚟講都可能好難接受，感覺上「唔合格」就代表成績唔好，畀人嘅感覺好負面，好多家長一見到唔合格就即刻會責備自己嘅仔女，普遍家長對唔合格嘅反應都係大過合格嘅反應，即係好多家長會覺得合格係應該嘅而唔合格就一定係懶散所導致。但係我成日都覺得與其成日強調唔合格做得唔好嘅地方反而更加應該嘅係重視佢做得好嘅地方，要畀多啲正面鼓勵即係話其實對佢合格嘅科目應該要更加讚賞，咁先至能夠喺學業上面建立到自信心，亦都有動力慢慢去改善做得唔好嘅地方。如果只係著眼於做得唔好嘅地方而唔提出改善嘅方法，呢啲咁負面嘅睇法又或者只係懂得同其他人去比較，唔懂得欣賞細路仔嘅進步，只會不斷削弱細路仔求進嘅想法，不停打擊佢哋嘅自信心，最終都係唔能夠改善到成績。所以我覺得欣賞合格或者做得好嘅地方，對細路仔仲能夠起到積極同埋正面嘅作用。

0 0 0

私人傳訊回覆引用

TEMPO123

大宅

積分: 2218

2^#

發表於 23-12-4 11:06 |只看該作者

我尋日先睇完《年少日記》, 家長太注重成績同比較真係會迫死D細路.

是非成敗轉頭空，青山依舊在，幾度夕陽紅。

私人傳訊回覆引用

0030

侯爵府

積分: 24993

認識瑞士牛牛第二回認識瑞士牛牛第一回

3^#

發表於 23-12-4 15:56 |只看該作者

都系果句，平常心～

利申：中學都有好幾科不合格

私人傳訊回覆引用

23114321

複式洋房

積分: 220

4^#

發表於 23-12-6 17:04 |只看該作者

個個做父母都想仔女叻嫁啦!互相比較下係好正常，高壓環境下成長未必一定做到最top，但係差極都有個譜。當然適當既鼓勵係需要既，但係唔合格就即係小朋友有野唔識或者唔明白，唔一定鬧不過應該要同佢分析講解番，中一唔打好個底之後會好難跟。唔係話樓主咁樣鼓勵小朋友有問題，但係個人覺得一定要賞罰分明，俾小朋友知道做得好係有獎賞，做得唔好係會有懲罰，咁樣佢自己做任何野之前都會諗清楚後果先做。