少年成長今日: 1|主題: 15855

收藏本版

回覆發帖

返回列表

跳至頁

查看: 3122 | 回覆: 0

揾幫手 [複製鏈接]

csir3290

子爵府

積分: 10963

1^#

發表於 24-4-28 11:43 |只看該作者 |倒序瀏覽 |打印

早兩個禮拜晚晚食完飯八點鐘就坐定定喺度睇電視，因為電視番做返早兩年嘅「尋人記2」，因為之前第一次做嘅時候冇睇，所以到佢而家返做嘅時候就坐定定晚晚喺度睇。咁啱有一集就係講返廿幾年前啲媽媽去學點樣教仔，方東昇就喺廿幾年後嘗試搵返當時上堂嘅媽媽，睇下佢而家嘅情況喺點。睇節目先知原來廿幾年前就已經有啲家長咁前衛，懂得去搵人幫手，學習點樣教細路仔。節目入面提到嗰位媽媽喺個課堂入面學到嘅嘢，包括要多啲同個細路仔傾計，要克制自己嘅怒火，唔好講一啲會傷細路仔自專心嘅說話，要控制自己嘅情緒，另外亦都唔好成日將自己嘅仔女同人哋嘅去比較。講真呢啲道理廿幾年前同而家廿幾年後都一樣係適用，但係適用還適用，到今時今日其實好多家長都仲唔係好識得要咁做。個節目仲訪問埋嗰位媽媽嘅兩個仔，問佢哋媽媽上完呢個課堂之後同佢哋嘅相處有冇改變，佢兩個仔都係講，媽媽多咗同佢哋傾計，同會嘗試去了解佢哋嘅諗法，所以到佢哋一路長大嘅時候同媽媽嘅關係都保持得好好。

個節目入面講到嘅教仔道理可以話係好顯淺，好多人都識講，但係要做起上嚟同做得好就一啲都唔簡單。其中有兩個重點，我覺得可能有好多家長都忽略咗，其一就係當遇到困難嘅時候一定要搵人幫手，就算未必幫到手都好，只係同人傾都好重要，因為將問題收收埋埋，只會更加影響自己嘅情緒，節目中嘅主角喺廿幾年前就已經懂得去搵人幫手，搵途徑去學教細路仔嘅方法。好似片入面個媽媽話齋，搵人傾訴就算解決唔到問題都好，但係起碼都可以舒緩自己嘅情緒亦都可以搵到有同路人一齊互相支持。另一個重點就係到片尾嘅時候主持講嘅金句，「就係陪伴細路仔成長重要，但係要陪同細路仔一齊成長就更加重要」。陪同細路仔一齊成長嘅意思係指家長都要隨住細路仔嘅成長，從中不停學習同埋轉變同仔女嘅相處方式同埋教導方法。咁先至做到大家都一齊成長。

0 0 0

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 1|主題: 15855

少年成長今日: 1|主題: 15855