我有兩個小朋友，大女5歲了，弟弟9個月。我係一個獨女（內地一孩政策），所以我爸爸媽媽係我結婚前就提出過話想我生兩個小朋友，其中一個要跟我姓，我當時無決定要生幾多個，同埋我同我老公（都係內地一孩政策下的獨子）都覺得就算兩個小朋友最好都係同一個姓、無必要區分。後來囡囡出世，對於囡囡跟爸爸姓定係跟我姓，我爸爸媽媽講：生兩個嘅話，無論如何其中一個要跟我姓，即係如果大女跟了爸爸姓，要考慮如果第二個生佐個仔點處理，仲要求囡囡嗌佢哋「爺爺嫲嫲」。我覺得我爸爸媽媽這樣做的原因就係因為佢哋重男輕女，我很不開心也不理解，「爺爺嫲嫲」就比「公公婆婆」高一等嗎？如果小朋友跟佐媽媽姓，可能外人看來女方（或者女方的父母）好有面，但係我老公對我很好，我唔覺得需要冠姓權來證明我嘅地位或者話語權，姓只係一個代號。所以坐月果陣時我就已經同我爸爸媽媽嗌交，搞到我都唔想再生第二個。後來隨著囡囡慢慢長大，對兩邊都系叫“爺爺嫲嫲”，姓氏問題就無人再提起。我自己心裡始終有一個心結，既沒有完全打消生第二胎嘅諗法，但又無決心生。囡囡聰明可愛，我同我老公感情也很好。到囡囡3歲幾，無以前咁難湊，我同我老公覺得是時候生第二個了，再唔生就可能永遠唔會生了，但其實講真，我好擔心生到個仔，我知道我爸爸媽媽一定會再提起二胎的姓氏問題，如果係仔但同爸爸唔同姓，我會覺得我老公好無面。驗到真系仔之後，就算湊成一個“好”字，我都高興不起來。到懷孕後期，我爸爸媽媽又開始提姓氏問題，佢哋覺得可以同大女改姓。坦白講，我自己從來無諗過要同個女改姓，更加唔會因為有佐細佬就要同已經4歲半嘅家姐改姓，就算佢宜家唔明，日後改姓契會終生提醒佢，係細佬出佐世之後，因為細佬係男仔要繼承爸爸的姓，所以爸爸媽媽唯有改了我的姓。呢一點我同我老公意見完全一致。但係我爸爸媽媽認為我同我老公諗得太複雜，只要引導得好，日後唔會對個女有咩影響，我就真係不認同了。但我爸爸媽媽都係堅持兩個必須要有一個要跟我姓（其實我想講，唔係跟我姓啊，係你希望有個孫跟你姓啊），仲要係我最能報答佢哋養育之恩嘅事情了。我覺得姊弟最好同一個姓，但如果因為我爸爸媽媽一定要咁樣要求，相比較同大女改姓，我唔反對細佬跟我姓。我老公唔同意，我也理解，我覺得無必要為佐仔女嘅姓氏爭吵影響夫妻關係。但宜家問題係，我爸爸媽媽非常不滿意，講佐好多難聽的說話，我媽媽比我爸爸仲要更加激動，搞到我兩胎每一次坐月都幾次嗌交大喊流眼淚。到宜家細佬已經9個月了，活潑愛笑，大女都5歲幾，越來越懂事，我爸爸媽媽隔段日子就又要過來俾壓力我，講咩「女婿不合格」、「斷絕關係」等等。我老公講明，理解長輩嘅諗法、尊重長輩嘅意見，但係仔女的姓氏應該由父母決定而唔係爺爺一輩，所以無論如何不讓步。
想問下大家点睇呀，有咩意見俾到我呀？感謝感謝！
發表於 
返回列表
