你身邊有慳家達人嗎？近日有網民分享，身邊越來越多人都以各式奇招「慳錢」，不禁讓人想起電影《慳錢家族》中的經典情節，令其他JM們都不禁分享見識過或自己的最盡節儉招數！
樓主以「分享下你哋認識身邊嘅《慳錢家族》」為題，在《親子王國討論區》發貼。她指認識一對情侶會在餐廳吃飯時，「拎糖拎鹽拎牙籤，紙巾都見過」又有一名親戚「夏天去圖書館涼冷氣不在話下，會去公園成升成升水裝走」；更有同事「為咗慳錢靠食公司零食做lunch，但好快個同事已經畀人炒咗！」，着大家分享身邊類似經歷。
有不少網民分享，身邊都有不少人會不斷拿商場廁所的廁紙、餐廳裡的糖、鹽、牙籤、紙巾等。但有人認為街外廁所的廁紙滿布細菌，很不衛生，是因小失大的做法。有人則贊成儲起餐廳或外賣給的糖、鹽、牙籤、紙巾此舉，「因為唔拎走包糖餐廳都係掉，我覺得好浪費，不如拎返屋企煮餸、整麵包用！」，只是不同意未有幫襯就擅自大量取走餐廳的物資，形容是「貪心」多於「節儉」。
另外，有人亦形容自己「極慳」，稱夏天在家時「好熱頂唔順開一個鐘（冷氣），開 26度， 跟住開風扇...唔着衫」、「自己剪頭髮」、「唔開燈，用電話個電筒功能」等，經統計後最近一個月開支只達$2000多元，租金、 車費、 寬頻、 電話費等已全部計算在內，其他人不禁佩服起來。
有人則認為「節儉」的大前提是「不會佔人便宜或影響到他人」，有時似是「濫用、浪費多過慳，累到大家都冇福利」，亦有人覺得太慳的話，「活到好似生活係60年代，何必呢！」
你對於「慳家」又有心得嗎？一起到討論區分享下！
