吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 好憎奶奶

自由講場今日: 2885|主題: 1303816

收藏本版

回覆發帖

返回列表

跳至頁

查看: 67551 | 回覆: 65

好憎奶奶

[複製鏈接]

12 3 4

kapobo123

大宅

積分: 1016

1^#

發表於 24-4-30 18:28 |顯示全部帖子 |倒序瀏覽 |打印

奶奶死好命, 老爺爺奶奶兩條老嘢一早退休跟住乜都唔做, 老公讀大學都要自己賺錢讀.兩個仔個個月夾埋俾兩萬幾兩條老嘢, 水電媒都係我老公幫佢哋交, 奶奶連幾十蚊電話費都要個個月whatsapp張單叫老公交, 我老公唔知點解好孝順, 俾著我老豆老母係咁我睬佢都有味. 新年我老公出雙糧俾奶奶（我老公自己都無雙糧）, 計漏咗$500俾奶奶佢都出聲要老公過返俾佢. 最近奶奶陪老爺睇醫生, 喺佢哋自己個群組呻用咗幾多$, 大仔都無出聲, （大仔人工多老公成倍有多）得我老公自己撲出嚟話嚟緊生日俾多啲$佢. 而家奶奶每次睇完醫生都私下whatsapp老公醫生費$, 的士$, 食飯$用咗幾多錢, 老公都豪不猶疑過多幾千蚊俾佢.

奶奶個人又懶又貪玩又要面. 我小朋友係SEN, 每個月訓練洗好多$奶奶都知. 我小朋友生日食自助餐佢乘機請同佢好friend嘅親戚嚟, 啲親戚個個唔俾錢, 奶奶同老爺兩個夾埋俾$1000. 次次請親戚食飯都叫老公扣返錢, 老公當然次次都無扣佢錢.

奶奶自己唔洗頭, 個頭一定要出髮型屋洗. 又鍾意打麻雀. 而家個個星期出去打麻雀都whatsapp啲仔叫佢哋買飯俾老爺. 上次新年重喺度呻唔想照顧老爺（老爺行得走得）“俾你哋, 你哋要”. 我回佢我已經有個SEN小朋友搞唔掂, 大嫂都話奶奶“呢啲嘢無得俾人, 最多送去老人院”.

我大肚嗰時奶奶一句問候都無, 淨係驚死要做走過嚟同我講“我哋唔興整薑醋, 我哋興買薑醋卷”. 最後當然無買到啦！我同老公講佢反而話我食唔食薑醋好少事！我大嫂生嗰時都有向大仔投訴老爺奶奶唔幫手, 請教奶奶揍仔, 奶奶回佢“交俾工人得啦”, 大仔無我老、公咁愚孝, 有時都會潤下奶奶得把口唔做嘢. 仲有大仔大嫂結婚嗰晚, 婚禮完結奶奶自己喺我面前講“好嘢！可以去玩！”其實婚禮都唔洗佢幫手, 淨係要佢試衫, 彩排一次同當日出席, 嗰時已經覺得佢好自私.

我小朋友係SEN, 日日都要揍出去訓練, 工人信唔過成日喺條街嘹賓妹傾計無睇實小朋友, 而家日日都係我阿媽同工人一齊揍, 返到屋企我阿媽又留耐啲教小朋友寫字. 奶奶次次都要叫先幫手揍, 一個星期都揍唔到一次, 又唔會教小朋友趕住走人. 我老公寧願有時用lunch時間自己揍都唔叫佢阿媽幫手. 奶奶親戚話奶奶“好心你唔好成日掛住去玩, 理下個孫SEN細個有機會醫返好”. 奶奶覺得親戚講得唔啱, 同老公呻“豈有此你咁話我”

老公好鍾意做孝子, 之前一放假有時間就會去老爺奶奶屋企洗冷氣執屋做呢樣做嗰樣, 留返個SEN小朋友同工人兩個喺屋企, 我要返工無得放紅日. 俾我鬧完之後而家老公呢排無咁做.

次次同佢哋屋企人食飯, 大仔一家都走先, 得我老公要留到最後堅持送兩條老嘢返屋企, 我對住個無耐性唔等得嘅SEN小朋友要不停揾嘢安撫佢, 喺度等我老公做孝子.

SEN訓練每個月用好多$, 我老公每個月都喺我戶口攞錢, 佢自己又無錢剩, 平時食飯幾十蚊都度住度住, 試過慳晚飯$要我放工買麥記俾佢. 奶奶明明自己銀行有$做定期, 一洗多少少$都要whatsapp老公, 個大仔搵多咁多$又唔問, 明知我哋有SEN小朋友無錢剩, 因為老公順攤就問佢, 原全無考慮我哋苦況, 老公又死闊佬俾多幾千蚊佢.

真係好憎我奶奶, 好想佢快啲死. 咁多人死唔見佢死, 喺度獻世, 仲要將自己嘅死好命建築喺我哋身上.

0 0 0

私人傳訊回覆引用

kapobo123

大宅

積分: 1016

2^#

發表於 24-4-30 18:33 |顯示全部帖子

回覆 babyhoi 的帖子

點解咁講？你覺得我老公太過愚孝？

私人傳訊回覆引用

kapobo123

大宅

積分: 1016

3^#

發表於 24-4-30 18:51 |顯示全部帖子

俾著你哋係我, 你哋會點？
我同老公講對奶奶嘅不滿, 佢話“老人家係咁”, 佢完全唔覺自己阿媽有問題.
有次仲無理話返我屋企人, 我老豆老母好為仔女自己好慳, 雖然唔係發達但顧得掂自己有餘仲可以幫仔女手, 我老公話“咁李嘉誠都係細細個喺大陸落嚟, 又唔見你老豆老母發達”
所以而家都好憎我老公, 嗰次直情叫佢攬住自己老母過世.

私人傳訊回覆引用

kapobo123

大宅

積分: 1016

4^#

發表於 24-4-30 18:57 |顯示全部帖子

回覆 cutebambi 的帖子

係呀, 奶奶係無責任幫個孫, 同樣地, 佢個仔都無責任對阿媽十二孝, 呢啲嘢無話唔啱, 不過係廢囉！連親戚都話佢！

私人傳訊回覆引用

kapobo123

大宅

積分: 1016

5^#

發表於 24-4-30 19:08 |顯示全部帖子

回覆 tkop 的帖子

佢憎唔憎我我唔care!不過我真係好憎佢！幾十蚊電話費都要個仔交, 佢自己唔洗做嘢大把時間都唔自己交, 咁都要麻煩個仔做, 佢唔止唔錫孫, 連仔都唔錫！

私人傳訊回覆引用

kapobo123

大宅

積分: 1016

6^#

發表於 24-4-30 19:10 |顯示全部帖子

回覆 moon_o_o 的帖子

我小朋友SEN佢大個可以照顧到自己已經好好！我無咁好命, 亦唔會將自己嘅好命建築喺自己仔女身上！

私人傳訊回覆引用

kapobo123

大宅

積分: 1016

7^#

發表於 24-4-30 19:15 |顯示全部帖子

回覆 moon_o_o 的帖子

你一定係呢啲奶奶！我襯唔起？我都好後悔搵呢啲老公！
我要返工無紅日放, 無家用收, 仲要個個月俾我老公喺我份人工攞錢走！

點評

kwhkwh

發表於 24-5-1 10:43

私人傳訊回覆引用

kapobo123

大宅

積分: 1016

8^#

發表於 24-4-30 19:38 |顯示全部帖子

回覆 summerlife 的帖子

你同佢無血緣關係，佢唔需要為你着想，你亦都無資格理佢生活點過。

其實99連為佢個仔著想都無, 老爺99嫌辛苦一早退休, 有得繼續做都唔做, 我老公個行業無得好似兩條老嘢咁玩落去, 我老公成日都擔心失業, 仲要就到兩條老嘢當年退休年紀. 99根本無為啲仔著想, 啲仔都就到佢哋兩條老嘢當年退休年紀, 仲要行業唔穩定.

私人傳訊回覆引用

kapobo123

大宅

積分: 1016

9^#

發表於 24-4-30 19:43 |顯示全部帖子

回覆幸福花海的帖子

連大學學費生活費都唔俾, 一早退休就乜都唔做.我諗好多人只要小朋友肯讀, 都會用自己$或者出去打工供個仔讀.

私人傳訊回覆引用

kapobo123

大宅

積分: 1016

10^#

發表於 24-4-30 20:01 |顯示全部帖子

回覆 Fishqqma 的帖子

因為小朋友訓練佢話我要出返啲$！

私人傳訊回覆引用

kapobo123

大宅

積分: 1016

11^#

發表於 24-4-30 20:17 |顯示全部帖子

我自己記錄哂好清楚小朋友程度, 訓練學緊乜嘢, 前排覺得小朋友需要揾個OT都係我自己俾$, ST我無嗰間銀行戶口叫老公俾$, 佢自己都唔知小朋友學緊乜, 堂堂錄音俾佢都唔聽, 話佢就話自己唔得閒鬧返我轉頭. 喺度鬧我亂洗$, 自己俾99就咁疏爽！

私人傳訊回覆引用

kapobo123

大宅

積分: 1016

12^#

發表於 24-4-30 20:32 |顯示全部帖子

回覆 sharebuy 的帖子

唔係要佢揍孫, 只不過係跟住工人由屋企揍到去上堂地點. 99呢種人唔使止意佢做嘢, 屎片都未幫個孫換過條, 大嫂都係咁話佢, 啲親戚都話佢個人跣水！

私人傳訊回覆引用

kapobo123

大宅

積分: 1016

13^#

發表於 24-4-30 20:48 |顯示全部帖子

回覆 Onlok 的帖子

99唔係亞氏, 佢不知幾正常, 係個人只顧自己好自私, 又死要面. 亞氏點會好似佢咁死要面？咁鍾意請人食飯往自己面上貼金, $又唔俾要仔出.佢後生有做嘢, 仲同啲舊同事講好彩當年走得快, 之後咁辛苦！佢就緊係爽啦！係辛苦佢身邊嘅人！

私人傳訊回覆引用

kapobo123

大宅

積分: 1016

14^#

發表於 24-4-30 21:27 |顯示全部帖子

我同老公從來無用過apple機唔捨得, 99扭老公買apple手機俾佢, 本來99部android機都無壞仲用得, 係要老公買apple俾佢, 卒之都買咗俾佢有得喺朋友親戚面前威, 自己一個仙都唔出, 次次換電話都係老公買俾佢

私人傳訊回覆引用

kapobo123

大宅

積分: 1016

15^#

發表於 24-4-30 21:48 |顯示全部帖子

gigimo 發表於 24-4-30 20:56
其實另一半對自己父母，兄弟姊妹好有咩問題？

你生完仔女，都想佢哋相親相愛，孝順父母啩？

孝順得過哂火, 自己放假唔陪小朋友, 我要返工, 屋企得工人同個SEN小朋友. 係要走佢兩條老嘢屋企做牛做馬洗冷氣執屋, 同兩條老嘢食飯, 99又即刻call啲親戚出嚟請佢哋食飯, 我老公呢啲正一抵死自己送上門！

私人傳訊回覆引用

kapobo123

大宅

積分: 1016

16^#

發表於 24-4-30 21:51 |顯示全部帖子

gigimo 發表於 24-4-30 21:31
就係一個願打，一個願捱。
樓主不明為何老公無限奉獻給父母。
我也不明點解佢會容許老公無俾家用之餘，仲 ...

如果老公話你小朋友訓練你都要出$呢？你點應佢？

私人傳訊回覆引用

kapobo123

大宅

積分: 1016

17^#

發表於 24-4-30 22:04 |顯示全部帖子

333s 發表於 24-4-30 21:51
長者 65+
醫生費$, 有醫療卷。
的士$? 小巴/ 巴士 $2

條死老嘢咁長命間屋都唔知留唔留到, 之前仲想借間屋俾親戚住, 原全無為個仔著想.

呢頭同個仔呻完而家啲物價貴, 轉頭就出去髮型屋洗頭打麻雀, 唔會同你慳！

私人傳訊回覆引用

kapobo123

大宅

積分: 1016

18^#

發表於 24-4-30 22:13 |顯示全部帖子

gigimo 發表於 24-4-30 22:08
其實你奶奶都不似衰人，肯借間屋俾親戚住。
我自己都無咁大方，所以覺得你奶奶好人。
...

呢啲係死要面, 無諗過借咗俾親戚住個仔第日好難問人攞返, 無為啲仔著想.
等於佢好鍾意請親戚食飯一樣！

私人傳訊回覆引用

kapobo123

大宅

積分: 1016

19^#

發表於 24-4-30 22:27 |顯示全部帖子

cmcn 發表於 24-4-30 22:17
照甘睇你老爺都冇咩點呀？！吾駛兩條老嘢甘叫佢地呀！最多一條

兩個仔都口講唔鐘意老爺, （但係其他人都無佢哋咁孝順）, 話老爺買股票輸哂啲$. 同埋老爺個人其實都好廢, 乜嘢家務都唔識唔做, 連公仔麵都唔識煮, 去廁所整到啲地方污糟哂唔抹, 食嘢滴到周圍係都唔抹. 聽老公講佢哋細個時搬屋, 兩條老嘢唔搬嘢, 大仔叫啲同學嚟幫手, 同埋兩個仔搬, 99請啲同學飲維他奶, 老爺喺度自己飲！

私人傳訊回覆引用

kapobo123