吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 1-3歲› 去大口環兒童醫院做評估既分享

1-3歲今日: 1|主題: 19380

收藏本版

發帖

返回列表

跳至頁

查看: 44200 | 回覆: 40

去大口環兒童醫院做評估既分享 [複製鏈接]

12 3

BerniceL

大宅

積分: 1387

1^#

發表於 21-10-9 02:14 |只看該作者 |倒序瀏覽 |打印

本帖最後由 BerniceL 於 21-10-9 02:58 編輯

因為bb既情況，我呢一年都keep住四圍搵多d關於自閉/發展遲緩/治療呢d既資料，睇好多blog, website, forum, 政府出既文章，私人機構出既廣告都好，好想幫自己惡補多d知識，因為唔好講話辨別，我根本係零認識，直到bb出現以下情況...希望分享出黎幫到同路人，順便齊齊圍吓爐，互相加加油！小朋友岩岩2歲，但佢既情況係：識發音唔係啞巴但唔講野（唔係少，係冇講過，只係講外星話，當然我本身係好似其他父母咁，6個月開始教爸爸媽媽波波飲奶奶呢d疊字，但冇成功過）；教乜都唔太明，例如比比，拜拜，過黎，呢d用body language教既動作；唔望你，你大叫佢個名都唔望你，雖然你叫佢個名已經一日叫幾十次，叫左好幾個月至1年，佢都似乎唔知你叫緊既係佢；一落街就跑，好少好好地慢慢行路，認路好叻，反方向行幾遠都識得去返上次玩既lift同門，入lift唔肯出黎，玩門唔肯離開；鍾意睇住會轉圈既野，佢自己都鍾意自轉然後就好開心...
仲有d細微既習慣/喜好，總之係會令一個一向抱住「人人成長既時間表都唔同，自然成長唔好比較太多」做宗旨既天生天養型hea媽媽都覺得bb似乎唔簡單...

1歲半時返健康院打針同姑娘講左bb既情況，姑娘安排電話問診（問主要照顧者，即係我），可能因為疫情，佢地得閒左（？！），第二日就收到電話（我冇預計咁快，收到電話時仲係思考緊係咪果d無聊推銷電話，所以我miss左對方第一句既自我介紹，收左線都唔知對家係姑娘定醫生），佢問我答左一輪，最後幫我排大口環根德夫人兒童醫院做評估，佢都唔知幾時排到，有消息大口環會搵我。我多謝左之後都預左有排喇，好多媽媽都話排年幾...

好快收到通知，排到小朋友2歲生日後2日，真係比想像中快左超多（我總係覺得同疫情有關），當時我仲未分到排緊乜，仲以為係做一個test可以評估曬所有野。
好耐之後又打黎，又幫我排多左個期，係生日前1日，我R曬頭，又話唔同一座大樓做，咁做咩架...不過本住就算火坑我都會去既心態，去左先算，到時就會知道了。
等左半年之後，做左好多交通資訊既功課，帶住個眼訓既小朋友，同所有用品（因為唔知攪幾耐）,終於轉左3次車，去到了大口環根德夫人兒童醫院。（我真係覺得好"隔zip")
響主院填左健康申報表，冇得用安心出行（雖然我都冇），各人都得到一個貼紙（通行証一樣），就可以去其他地方。
我地（之前問清楚係可以2個大人陪，所以我地2公婆都去）去左指定既大樓，比診金（公院價，百幾蚊），去左相關既樓層報到，等左都唔夠10分鐘，就到我地（等候既地方連埋我地得3組人咋）。
原來今日係做言語評估。
治療師（？！）（我今次好留心，但佢冇做自我介紹啊，我又唔好意思問佢咩title) 同小朋友玩左一系列既小玩具，我睇得出每組玩具都會比佢評估到某d能力同反應，例如聽指令，生活聯想，模仿能力etc，治療師一路mark評估紙（好似tick格仔咁），一路同佢玩。間中會問我地問題，了解吓小朋友平時既行為同反應。
最後佢同我地講，2日之後果次既診症醫生會一次過講點安排訓練同其他野，不過小朋友既言語能力好遲緩，佢安排左2個月之後返去覆診。仲暗示話，政府既期比較緊張，坊間都有相類似既專業訓練，可能會多d選擇（我明既我明既，其實你都好無奈）。
2日後去第二次，今次比上一次耐好多，因為做左好多野。基本野同上，去到另一座大樓，明顯多左等候既大人同小朋友。去唔同既室做驗眼/驗耳/度高（小朋友咁細個真係好難做，何況佢係唔聽指令既，所以都係可能唔係太準確），之後見醫生。
醫生今次同佢玩左好耐，行埋樓梯踢埋波，又問左我地唔少野。佢都係tick一張計分紙咁既野，不過大份d既，所以完左之後佢係叫姑娘入黎計分數，仲叫我地去換尿片因為計分用既時間係足夠我地去個廁所...
有左結果，佢同我地講返頭先評估左d乜。係響有限既時間同情況下評估左大小肌肉，認知，社交，情緒。小朋友每項都below age, 言語同認知尤其，肌肉方面就好d不過都係唔足齡。小朋友既評估結論係有整體發展遲緩同自閉症譜系。
佢提議排S位比小朋友，因為佢需要既訓練比較多，S位比較合適，不過都要排到3歲入K1時再做一次評估（大口環同人地學校各做一次），大口環係本身醫院呢邊做階段性評估，學校果個就係睇吓小朋友仲合唔合適（佢既意思係，首先你地都要同意and接受，先會幫你排S位，因為好多家長都唔願意比小朋友入特殊幼兒中心，可能會影響升小學，同埋過唔到自己心理果一關。其次係，人地學位都緊張，如果小朋友響呢一年有大進步，冇咁嚴重了，可以安排返E位I位果d, 留返個S位比更需要既小朋友），佢話會將我地個case pass比社工，社工會教我地之後點做同排咩，不過社工係單方面聯絡我地，我地而家係冇得做主動搵佢，而社工會2個月內/左右搵我地。
之後出返去排期，一星期後返去驗血驗尿（check有冇先天性問題）, 仲排左3歲果個大口環評估響1年之後。後來又排到肌肉訓練係同抽血同一日，好似話半小時左右only。
今次逗留左超過2個半鐘..

呢個就係小朋友2歲生日週比我地既經歷...無話係咪好唔開心定點，其實反而有d鬆左一口氣既感覺，好似終於有方向知道之後點行咁。做父母既從來都唔係考慮自己，所以冇話開唔開心，我只係肉赤小朋友要用比其他人更多既努力去做人地好輕易就做到既事，將來既路比較難行，可能會孤獨一d, 無咁容易被身邊既人理解。我希望自己不斷進步，足夠強大，能夠一路都陪伴同保護小朋友。媽媽唔需要你好叻，我淨係想你活得健康同開心。

因為經濟所限，而且小朋友岩岩返n班，我預計佢會有少少進步（有同伴同老師點都好過對住菲傭），我就未打算同佢搵私人機構做訓練住，想睇吓n班既反應先，同埋等埋社工聯絡我睇吓排E/I/S位到底係點樣一回事，事關果日有個姑娘又同我地講「唔洗好耐既，你地好快就有架喇（係咪暗示我地係嚴重所以快d會有位）-_-」

比較難應付既係長老們既懷疑...因為呢個孫同其他孫既同齡表現太不一樣...紙都係包唔住火...不過老人家好忌呢d, 我會拖到最後先講，而途中會比好多心理準備/建設/言語藝術佢地慢慢接受。
父母既態度，好影響身邊既人對小朋友既態度，尤其親人。我覺得正面同積極面對，係必須既，2公婆之間都要互相鼓勵同支持，各人總有心靈軟弱既時候，夫妻關係好，同行，係好重要。

總要提醒自己：你愛佢唔係因為佢既外貌同技能，唔係要佢同人地一樣先愛，唔係因為你養佢等佢將來回饋返比你，你愛佢只係因為，你愛佢。

0 0 0

私人傳訊

靛青女

大宅

積分: 3225

2^#

發表於 21-10-9 09:01 |只看該作者

回覆 BerniceL 的帖子

媽媽你好積極，一路睇一路feel到你嘅正能量

希望你小朋友早日得到適當嘅治療

點評

BerniceL

發表於 21-10-9 16:53

私人傳訊

Nbs

水晶宮

積分: 56469

3^#

發表於 21-10-9 13:06 |只看該作者

加油

點評

BerniceL

發表於 21-10-9 16:54

私人傳訊

wongfayu

大宅

積分: 4554

4^#

發表於 21-10-9 13:50 |只看該作者

BerniceL 發表於 21-10-9 02:14
因為bb既情況，我呢一年都keep住四圍搵多d關於自閉/發展遲緩/治療呢d既資料，睇好多blog, website, forum, ...

我都一樣不會同長老講，就算覆診都唔會講，免得煩上加煩，又唔明白，又一尾唱開去！所以有苦自己知好了….了解您

私人傳訊

honeybid2

男爵府

積分: 8127

5^#

發表於 21-10-9 14:20 |只看該作者

BerniceL 發表於 21-10-9 02:14
因為bb既情況，我呢一年都keep住四圍搵多d關於自閉/發展遲緩/治療呢d既資料，睇好多blog, website, forum, ...

JM 分享好詳細，亦好理性積極，有及早發現，小朋友有你咁好既母親點會孤獨。

私人傳訊

BerniceL

大宅

積分: 1387

6^#

發表於 21-10-9 17:17 |只看該作者

回覆 wongfayu 的帖子

老一代既人會覺得基因唔好，點解會發生響我地身上，陰功囉一世流流長點照顧之類...我明佢地因為少接觸同埋擔心，用僅有既認知去表達...不過我仲未能好文明地教育佢地（我又係後輩，好難）, 所以都係拖一拖先...

私人傳訊

BerniceL

大宅

積分: 1387

7^#

發表於 21-10-9 17:22 |只看該作者

回覆 honeybid2 的帖子

多謝鼓勵！希望自己keep得住，唔好唔小心發脾氣破壞左暫時唔錯既關係，慢慢教慢慢講...

私人傳訊

fasola

男爵府

積分: 9986

8^#

發表於 21-10-9 20:30 |只看該作者

社署社工好hea, 乜都唔識. 如果醫院社工會細心啲
我個之前係私人評估, 直接揾社署. 個社工幫我有排位就算, 好多野都無提我地, 之後轉左新社工, 乜野SEIO 位, 佢全部唔明, 要我解返俾佢聽.

我親人有個都係言語遲緩, 都好大, 升K3. 評估後本來任佢揀EIO, 結果佢揀左O 位至發覺差過之前過度性資助訓練. 我問點解唔揀i 或者 e, 佢話無人解佢知.

私人傳訊

fasola

男爵府

積分: 9986

9^#

發表於 21-10-9 20:46 |只看該作者

BerniceL 發表於 21-10-9 17:17
回覆 wongfayu 的帖子

老一代既人會覺得基因唔好，點解會發生響我地身上，陰功囉一世流流長點照顧之類... ...

老人家唔明的. 我時時同長老嘈. 佢地總係用其他孫去比較, 覺得人地做得到, 照一樣方式就教到.

我有朋友仲慘. 佢第一胎生左基因同智力有缺失, 接近唐氏不過係其他類別. 宜家T21/nifty 可以驗到, 不過當年未有T21.
明明醫生講左係唔好彩, 唔係父母自己基因有問題
但佢奶奶乜都賴晒朋友身上, 覺得個新抱基因唔好. 完全唔幫佢湊.

私人傳訊

Hehehahayeah

大宅

積分: 3503

10^#

發表於 21-10-9 21:33 |只看該作者

BerniceL 發表於 21-10-9 02:14
因為bb既情況，我呢一年都keep住四圍搵多d關於自閉/發展遲緩/治療呢d既資料，睇好多blog, website, forum, ...

最尾嗰段講得好好，呢啲真係unconditional love^^

唔係BB點點點你就愛佢，真係好有愛同智慧嘅父母先可咁樣付出。

祝BB大躍進，爸爸媽媽加油，支持你哋！

點評

BerniceL

發表於 21-10-9 23:54

私人傳訊

BerniceL

大宅

積分: 1387

11^#

發表於 21-10-9 23:53 |只看該作者

回覆 fasola 的帖子

我唔知佢指邊邊既社工，其實好可能係社署既社工！我唔熟社工界，唔知佢地係咪都有分唔同既專業，如果咁岩派中一個好hea或新入行既，真係分分鐘我地仲識野過佢。
我都倒數緊，醫生話2個月社工會聯絡，到12月都冇人打黎，唯有做潑婦打電話去嘈，冇理由比佢拖我小朋友既黃金期！

私人傳訊

BerniceL

大宅

積分: 1387

12^#

發表於 21-10-9 23:57 |只看該作者

回覆 fasola 的帖子

通常都係男家有反應過女家...因為個孫係響亞媽度生出黎，就覺得有問題一定係亞媽既問題，但做得好咩，就梗係遺傳爸爸喇 -_-

私人傳訊

BerniceL

大宅

積分: 1387

13^#

發表於 21-10-10 00:04 |只看該作者

回覆 fasola 的帖子

不過有特別需要既小朋友，係好難比上一代既人照顧，一來佢地既思想係舊果一套，二來佢地亦冇相關經驗同經歷，無論身心都未ready, 老人家體力同接受新事物既能力又差d, 所以交比佢地，佢有壓力，又或者有心無力，媽媽又會暗暗擔心，倒不如比返專業人士幫手。
我都冇比我爸媽同小朋友唔用bb車落街或去室外，因為小朋友矮細靈活跑得好快，老人家跟唔到，有咩事例如衝出馬路，跑去自動電梯，都真係有可能發生，所以佢地心理壓力好大。
如果佢地想陪孫，一係黎我屋企，一係我帶小朋友去佢屋企，一係就推bb車行吓室外地方，但唔比小朋友落地行。

私人傳訊

Hehehahayeah

大宅

積分: 3503

14^#

發表於 21-10-10 00:31 |只看該作者

其實只要兩公婆齊心，又唔使靠上一輩財政支助去支持自己家庭生活，佢哋接唔接受或講啲咩唔係咁重要。

小朋友係極需要父母照顧，我囡兩歲佢同我呀姨玩緊，會突然過嚟攬吓我，嗰一刻真係了解原來小朋友好需要媽媽。有時佢訓咗我大聲啲講嘢佢會嗌，但其他人講佢唔會。

所以最緊要係媽媽堅強同付出無限耐性同無條件嘅愛，先會對小朋友之後治療同日常照顧有幫助。

長輩接受唔到係佢哋狹隘同自己問題，佢哋睇法我唔覺得好快重要，尤其是成日講負面嘢嘅長輩，影響人心情又幫唔到件事。

私人傳訊

bambam813

大宅

積分: 1023

15^#

發表於 21-10-10 07:32 |只看該作者

媽媽好正面(emoji)(emoji)
想問下BB返N班順利嗎？

私人傳訊

Rascalbaby

大宅

積分: 2603

16^#

發表於 21-10-10 09:10 |只看該作者

回覆 BerniceL 的帖子

我都係九月頭大口環assessment , 又係俾S 位阿仔，之後排到見社工，但其他訓練唔知排幾耐

私人傳訊

BerniceL

大宅

積分: 1387

17^#

發表於 21-10-10 23:42 |只看該作者

回覆 Rascalbaby 的帖子

社工咁快搵你咁好既！佢有冇話幫你再安排d 咩位會快d有training?

私人傳訊

BerniceL

大宅

積分: 1387

18^#

發表於 21-10-10 23:48 |只看該作者

回覆 Hehehahayeah 的帖子

上一代會覺得呢d係好羞既事，因為佢地果代都係咁被佢地既上一代教育。要好正面咁慢慢地同佢地潛移物化，有時候唔了解先會多誤解，要響合適時候比佢地祖孫2代多接觸，了解多d, 感受多d, 愛多d.

私人傳訊

BerniceL

大宅

積分: 1387

19^#

發表於 21-10-11 00:00 |只看該作者

回覆 bambam813 的帖子

10月第一個星期開始返，返第一日，喊足45分鐘，喊住出返黎，老師話佢四圍走得好緊要，而第一晚就病病地 -__- 第2日冇咩所以照返學，都係喊，又唔飲水，返到黎就係咁流鼻水...第三日病假（唔好害到同學仔），第4日老師話喊少左，不過都係唔受控，第五日打風唔洗返學...咁就一個星期了...而家暫時返2個半鐘咋，之後慢慢返半日，再全日，唔知點呢...尤其食野方面...
佢肌肉控制得唔好，唔識用杯仔飲水，又唔識用spoon食野，用fork又成日都吉唔中，所以一路都係用手食野...
訓覺佢又好固執，要黑同靜先訓到，仲要食奶咀同有一個玩具揸住...但學校午睡點會好靜同黑...
以佢既溝通能力同認知能力，有排都未學到戒尿片...

所以唔擔心係假既，不過唔到我唔放手，又可能放手，先係出路...（我係咁樣同自己講的）

私人傳訊

Hehehahayeah