親子旅遊 今日: 40 | 主題: 160895

積分: 3867

21^#

發表於 24-5-19 16:19 |只看該作者

MissMaMa 發表於 24-5-19 16:08
我從未試過淡季旅行，一定係長假期。個人經驗，free cancellation 幾乎係必須，明白的人就會明白。
...

咁只可以講每個人認為既“必須”係唔同既，差在自己有無了解過當中既風險、願唔願意去承受呢D風險。

對我黎講free cancellation有係好，但絕對唔係必須。

私人傳訊回覆引用

積分: 42268

22^#

發表於 24-5-19 16:30 |只看該作者

本帖最後由 MissMaMa 於 24-5-19 16:31 編輯

CathyLss 發表於 24-5-19 16:19
咁只可以講每個人認為既“必須”係唔同既，差在自己有無了解過當中既風險、願唔願意去承受呢D風險。

對我 ...

你覺得唔係必須，咁咪用自己方法訂囉，使乜抝，我咪話係我個人經驗囉，又唔係話你。最緊要平靚正，自己承擔到風險，我冇話你唔啱喎。

私人傳訊回覆引用

積分: 3867

23^#

發表於 24-5-19 16:43 |只看該作者

MissMaMa 發表於 24-5-19 16:30
你覺得唔係必須，咁咪用自己方法訂囉，使乜抝，我咪話係我個人經驗囉，又唔係話你。最緊要平靚正，自己承 ...

唔係想拗D咩，樓主歐遊經驗唔多，回應你其實都係想俾樓主知道，唔係每個人都覺得呢樣野係必須既，樓主可以參考唔同人既意見，綜合樓主自身情況再自己作出判斷。

私人傳訊回覆引用

積分: 42268

24^#

發表於 24-5-19 16:45 |只看該作者

本帖最後由 MissMaMa 於 24-5-19 16:48 編輯

CathyLss 發表於 24-5-19 16:43
唔係想拗D咩，樓主歐遊經驗唔多，回應你其實都係想俾樓主知道，唔係每個人都覺得呢樣野係必須既，樓主可以 ...

就係佢經驗唔多，同埋行程未作實，先建議佢唔好急住訂 non refundable ，以免訂錯冇得改，你咁都要抝

咁佢聽你建議，訂 non refundable ，訂完先發覺要改，咁係咪你賠比佢丫？既然唔係，係咪訂free cancellation 好d 呢

私人傳訊回覆引用

積分: 3867

25^#

發表於 24-5-19 17:02 |只看該作者

MissMaMa 發表於 24-5-19 16:45
就係佢經驗唔多，同埋行程未作實，先建議佢唔好急住訂 non refundable ，以免訂錯冇得改，你咁都要抝 :hap ...

請問你邊度見到我建議樓主訂non-refundable呢？我第一個post已經係講要唔要訂non-refundable係睇樓主自身。反而我淨係見到你主張free cancellation係必須，講到好似訂non-refundable連諗都唔好諗咁。

坦白講我第一次歐洲自由行就已經有訂non-refundable，咁啱又係去瑞士，買機票後一個月內出發，自己接受到個風險就得。

我重申，我淨係想同樓主講，要唔要訂non-refundable睇返自身需要、睇返自己承受既風險。講完了，唔想再回了。

私人傳訊回覆引用

積分: 42268

26^#

發表於 24-5-19 17:11 |只看該作者

CathyLss 發表於 24-5-19 17:02
請問你邊度見到我建議樓主訂non-refundable呢？我第一個post已經係講要唔要訂non-refundable係睇樓主自身。 ...

已閱，謝謝

私人傳訊回覆引用

chun媽

積分: 2282

27^#

發表於 24-5-19 18:51 |只看該作者

chun媽發表於 24-5-18 19:47
多謝各位回應
7月19日早上到蘇黎世，初步的行程如下
19/7 ~21/7 琉森

多謝各位真誠的分享

我定行程主要是跟上面兩個旅行日誌。我見佢地都係3日2夜一個景點，所以才作此安排。

我好後悔唔事先問你哋，我定行程的時候，已經book了Luzern 及Grindelwald 的酒店，而且係non -refundable .
Miss Mama 介紹的Hotel Cascada , 2人要成3000多一晚，最後在永安book 了Ibis Style Luzern, 包早餐， $3500 兩晚。評分不高，ok 啦。
之後在booking.com 訂了Grindelwald hotel 兩晚，也是不可退款，Hotel Hirschen, 包早餐， $4200 兩晩，但可以改日子(最終要酒店肯改），訂了兩晚之後，本打算book 23-25/7 Zermatt 的酒店，見到refund 跟non- refund 酒店相差$600 多元，同時唔知行程是否ok, 才上網問下大家的意見。

如果先問各位達人的意見，可能第一站先揀Grindelwald, 因為坐了10多小時機，第一天真係要唞一唞。

我都係揀Hea 遊，如果booking.com 可以改日子，我會在Luzern 及Grindelwald 各留多一日，之後應否留一日interlaken 呢？

之前有諗過瞓夜火車由Zurich to Amsterdam, 發現全full 了，只好坐一程飛機到Amsterdam.

我有諗遇完成呢趟行程後，寫返啲有用的資料俾後來的用家，但係這裏猛人如雲，實在不敢班門弄斧。

私人傳訊回覆引用

積分: 3867

28^#

發表於 24-5-19 19:35 |只看該作者

chun媽發表於 24-5-19 18:51
多謝各位真誠的分享

我定行程主要是跟上面兩個旅行日誌。我見佢地都係3日2夜一個景點，所以才作此 ...

其實如果你去曬3個地方其實都可以的，例如2晚Lucerne、3晚Grindelwald、2晚Zermatt。明白第一次去係會想去多少少地方，我自己第一次去都係2-3日轉一個地方，12晚停左5個地方。我係因為近年鍾意慢玩、同埋知道自己唔鍾意Lucerne先話會選擇skip Lucerne。而我係好鍾意Zermatt，如果話最多只分配得兩晚我應該都會選擇去。

我自己玩既時候中間係有D地方係無自己帶大行李，用station to station luggage，例如去ABC三個住宿地方，會將行李由A寄去C，係B既時候就淨係帶背囊。然後A去B途中、B去C途中都會去下其他地方。例如Grindelwald去Zermatt，可以順路去下Blausee/ Oeschinensee，又唔使一次搭咁耐車咁。

如果最後一站係Zermatt，可以Geneva/Zurich飛過去Amsterdam都得，睇下你會唔會想不走回頭路。

私人傳訊回覆引用

積分: 3867

29^#

發表於 24-5-19 20:53 |只看該作者

突然諗起，上年有位JM出左個七日瑞士之旅既post，有提及佢有唔好既經歷，例如唔止一次買野收多錢、建議大家要check單，或者你可以去睇下，雖然我自己未遇過。個位JM無寫日子分配，不過應該都有去到你最初預計去既3個地方，都有少少Zermatt既相。

私人傳訊回覆引用

積分: 42268

30^#

發表於 24-5-22 07:23 |只看該作者

本帖最後由 MissMaMa 於 24-5-22 18:20 編輯

chun媽發表於 24-5-19 18:51
多謝各位真誠的分享

我定行程主要是跟上面兩個旅行日誌。我見佢地都係3日2夜一個景點，所以才作此 ...

如果你已訂了頭4晚的酒店，就依照預訂的酒店準備行程吧。Luzern 有很多不同的旅遊元素，無論山區和湖泊，古蹟或博物館，都值得留兩至三晚。如果2晚時間，推介買Golden round trip 票，上Mount Pilatus 。另外的時間就去著名景點打下卡，例如花橋和垂死獅子像，又或者去博物館或古蹟，例如穆西格城場，喺唔同方面感受下呢個城市。

私人傳訊回覆引用

積分: 42268

31^#

發表於 24-5-22 07:48 |只看該作者

本帖最後由 MissMaMa 於 24-5-22 07:58 編輯

chun媽發表於 24-5-19 18:51
多謝各位真誠的分享

我定行程主要是跟上面兩個旅行日誌。我見佢地都係3日2夜一個景點，所以才作此 ...

至於最後兩晚，視乎自己的喜好。不過如果兩晚Grindelwald ，我覺得係唔足夠，一天去First，一天上少女峰，最少都四日三夜。有些人鍾意去少女峰行山，甚至會買pass，少女峰除了上山頂睇雪山和冰宮之外，其實山腳的風景更加靚，不過好多人都忽略了。

溫馨提示，如果上少女峰，買half fare card係抵過買Swiss pass。

私人傳訊回覆引用

積分: 42268

32^#

發表於 24-5-22 15:11 |只看該作者

chun媽發表於 24-5-18 19:37
睇咗幾日資料，有些眉目
好在好多人寫了旅行日誌，可作參考。

呢度講漏咗一個城市，我覺得沙夫豪森都值得去，萊茵瀑布都好靚，仲有米諾城堡

私人傳訊回覆引用

chun媽

積分: 2282

33^#

發表於 24-5-23 19:07 |只看該作者

回覆樓主：

本帖最後由 chun媽於 24-5-23 19:12 編輯

謝謝各位幫忙，初步已book 完酒店
19/7-21/7 琉森
酒店：Ibis Style,包早餐，不可退款

21/7~24/7 Grindelwald
酒店：Hotel Hirschen ,包早餐，不可退款，住兩晚
Hotel Gletscherbluck,包早餐，14/7前可退款，住一晚
24/7~26/7 Zermatt
住La Perle Apartment ,不包早餐，可煮食， 7月11日前免費取消

26/7 晚上由日內瓦坐飛機到阿姆斯特丹
26/7~28/7 住Holiday Inn Express,包早餐，可退款

到荷蘭之後，到親友家居住，可以慳一筆

瑞士真係好貴，到目前為止，包機票、酒店、保險，已經花了$35,000,

所以希望book到一些Apartment可以煮食，慳返晚飯錢，但係可能太遲book，未能搵到心儀的Apartment

雖然係貴，但係在預備的過程中，看到不少瑞士的美景，個心已經飛咗去瑞士

多謝CathyLss提醒，可以在日內瓦買機票去阿姆斯特丹，剛好剩返三張廉航機票，立即買咗，加埋行李，比去蘇黎世平好多，差不多每一張平咗$1000

行程方面未決定，多謝Miss Mama 建議，在琉森可以去Mount Pilatus, 或者去沙夫豪森，我對後者的興趣大一啲，因會去少女峰及Zermatt.

現在考慮緊買多少天Swiss Pass. 計緊數，未清楚Swiss Pass點樣運作，假設我選擇彈性日子購買Swiss Pass, 當日唔開票用Swiss Pass, 到Grindelwald坐Cable 是否依然有discount?另外，請問Miss Mama 點解在Grindelwald 買半價Swiss Pass 抵D?

私人傳訊回覆引用

積分: 3867

34^#

發表於 24-5-23 21:22 |只看該作者

chun媽發表於 24-5-23 19:07
謝謝各位幫忙，初步已book 完酒店
19/7-21/7 琉森
酒店：Ibis Style,包早餐，不可退款

你講既彈性開票係指Swiss Travel Pass Flex、一個月內彈性使用幾日果種？唔開票日子任何優惠都不適用。你既情況其實唔太適合呢款。

你可以睇下Swiss Half Fare Card同Swiss Travel Pass。STP有連續3、4、6、8、15日，8日二等pass 419CHF，其實唔係好抵。HFC 120CHF一張，之後要每程都要買票(半價買票)、買Saver Day Pass同Supersaver Ticket都有優惠。而且HFC上少女峰站有5折，STP得75折。好多時HFC+買票係會平D，不過當然要自己計下數確認，再睇下係咪想俾錢買方便買pass。

如果你只得2-3日想用交通pass，其實可以睇下Saver Day Pass，正價最平52CHF、有HFC最平29CHF，但實際價錢要睇日子，同埋平既賣曬價錢就會升高，例如啱啱睇24/7既Saver Day Pass，有HFC既價已經去到44CHF，正價依然係最平既52CHF，而正價Grindelwald-Zermatt單程車票係97.8CHF、有半價卡都要48.9CHF。

私人傳訊回覆引用

積分: 3867

35^#

發表於 24-5-24 08:47 |只看該作者

回覆樓主:

突然諗起，如果你打算去好多博物館，可以計埋入Swiss Travel Pass個價值裡面，包博物館入場的。而Saver Day Pass淨係當日交通任搭，係無登山優惠的，不過如果你有Half Fare Card用佢既登山優惠就得。

另外如果確定行程唔會變，亦都可以考慮Supersaver Ticket，但係要注意呢種票係要搭指定列車 (普通票係可以搭果條路線當日任何一班車，可以隨意上落車、再搭下一班)，加上HFC，最平可以係正價1/4價錢買票。不過實際價錢要睇路線、日子、時間 (有D熱門路線/時間最平都唔係平好多)，一樣係最平賣曬就到下一個貴D既價。

下圖係有HFC情況下Zermatt-Geneva Airport二等車廂08:37出發，Point-to-point Ticket已經係半價左，Supersaver Ticket係半價再半價左，Saver Day Pass有優惠。
attach0/tmp/phpvKE0CR

私人傳訊回覆引用

chun媽

積分: 2282

36^#

發表於 24-5-24 14:14 |只看該作者

CathyLss 發表於 24-5-24 08:47
突然諗起，如果你打算去好多博物館，可以計埋入Swiss Travel Pass個價值裡面，包博物館入場的。而Saver Day ...

謝謝你火速回應，原來有咁多種pass, 要慳錢，不能躲懶，要計數。立即問Google大佬，搵到呢個post, 都介紹清楚。

https://www.wendyjourney.com/swiss-pass-and-half-card

私人傳訊回覆引用

積分: 3867

37^#

發表於 24-5-24 20:29 |只看該作者

chun媽發表於 24-5-24 14:14
謝謝你火速回應，原來有咁多種pass, 要慳錢，不能躲懶，要計數。立即問Google大佬，搵到呢個post, 都介紹 ...

係啊，想慳錢要計下數，可以用SBB官網/app、纜車官網，資料會最update。用pass唔使每次買火車票一定係最方便既，但2nd class STP 8日要419CHF係唔太抵 (對比15日459CHF、多7日都只係多40CHF)，睇下唔同方案個差價係咪值得去俾錢買方便。不過其實買Half Fare Card再每次買票都好方便，每次用app買飛1-2分鐘搞掂。Grindelwald-Zermatt同Zermatt-Geneva呢兩日俾我應該會買Saver Day Pass，目前個價無論有無HFC都仲係平過單程車票 (或者Supersaver Ticket，睇下中途有無其他行程、想唔想俾錢買彈性)。

另外提提你登山纜車之類千祈唔好提前買飛，一定要當日睇webcam睇到天氣好先好買，如果唔係上到去一遍白就嘥錢了。少女峰站有見過話旺季多人上唔到要等下一班車，係有得淨係訂位既(無編位)，天氣唔好上唔到都淨係蝕10CHF訂位費。但俾我可能會10CHF都唔想蝕，或者一兩日前睇情況再考慮下。

私人傳訊回覆引用