吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› 微創割眼袋手術分享 (有相，慎入)

美容扮靚今日: 20|主題: 136627

收藏本版

回覆發帖

返回列表

跳至頁

查看: 43532 | 回覆: 43

微創割眼袋手術分享 (有相，慎入) [複製鏈接]

12 3

CVC2007

大宅

積分: 3448

1^#

發表於 21-11-20 22:02 |只看該作者 |倒序瀏覽 |打印

本帖最後由 CVC2007 於 21-11-20 22:31 編輯

我一直想處理咗個眼袋去, 上網搵咗好多資料，包括醫美同埋一個收好平嘅醫生。
好努力搵資料嘅呢段時間，又喺facebook嗰度見到有個眼袋手術嘅廣告，於是就 whatsapp問咗佢有關做眼袋手術嘅資料同收費，佢就話畀我聽話佢地收費好合理嘅，都係最多去到二萬蚊左右嘅啫，佢話可以約時間上去講解返，但係如果唔做嘅話，就要收番500蚊嘅費用。咁我見到嗰個價錢都尚算合理嘅，於是我就決定想去問有關嘅詳情，同埋如果ok嘅話就會即場去做埋呢個眼袋嘅手術。
待續。。。

0 0 0

私人傳訊回覆引用

CVC2007

大宅

積分: 3448

2^#

發表於 21-11-20 22:05 |只看該作者

CVC2007 發表於 21-11-20 22:02
我一直想處理咗個眼袋去, 上網搵咗好多資料，包括醫美同埋一個收好平嘅醫生。
好努力搵資料嘅呢段時間，又 ...

本帖最後由 CVC2007 於 21-11-20 22:06 編輯

待續

私人傳訊回覆引用

CVC2007

大宅

積分: 3448

3^#

發表於 21-11-20 22:06 |只看該作者

CVC2007 發表於 21-11-20 22:05
本帖最後由 CVC2007 於 21-11-20 22:06 編輯

待續

當日星期五去到有好多病人，佢除咗做割眼袋仲有做植髮啦，同埋好多其他嘅美容項目。
我仲有好多嘅女職員，但係唔知道係咪姑娘嚟嘅，其中一個叫咗我入房睇下嗰個眼袋嘅狀況，咁跟住我問咗佢大概係點樣做，佢就話畀我聽就有三個收費，其中一個就係一個舊式嘅割眼袋方法，就咁將啲脂肪角走，而另外一個呢就係將包住脂肪嘅脂肪膜都割走埋，咁再另外一個就係割走咗脂肪膜之後，再用返呢D脂肪填番你自己個淚溝。第一個最舊式嘅方法就大概萬零蚊左右，咁第二個方法就係二萬五蚊，如果要再用自體脂肪填補淚溝嘅話，割眼袋連填補淚溝手術就係三萬五蚊。
待續。。。

私人傳訊回覆引用

CVC2007

大宅

積分: 3448

4^#

發表於 21-11-20 22:07 |只看該作者

CVC2007 發表於 21-11-20 22:06
當日星期五去到有好多病人，佢除咗做割眼袋仲有做植髮啦，同埋好多其他嘅美容項目。
我仲有好多嘅女職員 ...

咁當時已經請咗假同埋見有咁多病人，都對醫生有信心。雖然價錢同喺 facebook上面提及嘅完全唔同，但係手術都應該係可靠嘅。
咁畀咗錢之後就見醫生，見完醫生開始準備做手術，首先要用過冰袋敷對眼，唔知呢個作用係做乜嘢，但係我敷咗成大半粒鐘，跟住醫生見我敷冰袋敷到咁上下，望一望我對眼，就話可以去準備做手術啦，跟住叫我入去手術室，我只需要帶咗頂帽遮住頭髮，唔需要換手術袍，因為姑娘話只係做頭上面嘅部分，咁醫生就用消毒布幫我遮住咗面，淨係留返要做手術嘅地方。

私人傳訊回覆引用

CVC2007

大宅

積分: 3448

5^#

發表於 21-11-20 22:08 |只看該作者

CVC2007 發表於 21-11-20 22:07
咁當時已經請咗假同埋見有咁多病人，都對醫生有信心。雖然價錢同喺 facebook上面提及嘅完全唔同，但係手術 ...

本帖最後由 CVC2007 於 21-11-21 07:56 編輯

醫生同我查咗呢個眼嘅麻醉膏，呢個過程都已經有啲唔舒服，咁搽完之後就開始做手術啦。
醫生用laser係眼裏面開一個細窿，同我攞脂肪膜連脂肪出嚟，先做右眼，只係有少少唔舒服，唔知係咪因為做右眼嘅時候係啱啱踩完麻醉膏嘅時候，所以藥力最強勁，於是感覺唔係太大，淨係喺用laser切割嘅時候問到有啲燶味比較緊張，右眼嘅手術好快做完。
之後就到左眼喇，呢隻眼嘅感覺就比較大啦，割嘅時候我未覺得痛，但係佢撬開我隻眼割個眼袋啲脂肪時，就真係覺得痛啦，痛到要雪雪聲，連個眼球都覺得痛，醫生解釋係因為我左眼嘅脂肪比較多，卒之好辛苦咁樣就完成咗呢邊眼嘅手術。

私人傳訊回覆引用

CVC2007

大宅

積分: 3448

6^#

發表於 21-11-20 22:09 |只看該作者

CVC2007 發表於 21-11-20 22:08
醫生同我查咗呢個眼嘅麻醉膏，呢個過程都已經有啲唔舒服，咁搽完之後就開始做手術啦。

醫生用laser係眼 ...

做完手術，醫生會貼咗一個好厚嘅膠布喺眼袋下面嗰個位置，應該就係用嚟承托返嗰個傷口嘅，嗰塊紗布好立體，成個突咗出嚟，其實戴太陽眼鏡都係遮唔到，而且仲帶住做個口罩於是就將成個focus擺咗喺個塊立體紗布，戴唔戴太陽眼鏡都已經冇乜分別，於是我放棄咗戴太陽眼鏡。手術完後我要喺出面休息喺呢個休息嘅時間等麻醉膏個藥力發散，剛剛做完手術啫對眼未有咁腫，坐多一陣開始越嚟越腫。休息咗一段時間之後，姑娘就將抗生素同埋眼藥水交畀我，教我嗰個手術後要注意嘅地方同埋點樣食抗生素，點樣係去避免整到眼嘅傷口。

私人傳訊回覆引用

CVC2007

大宅

積分: 3448

7^#

發表於 21-11-20 22:10 |只看該作者

CVC2007 發表於 21-11-20 22:09
做完手術，醫生會貼咗一個好厚嘅膠布喺眼袋下面嗰個位置，應該就係用嚟承托返嗰個傷口嘅，嗰塊紗布好立體 ...

本帖最後由 CVC2007 於 21-11-21 07:56 編輯

姑娘話有病人去就係帶泳鏡去沖涼，避免眼部嘅傷口入到水。仲有係喺做手術嘅前一日，姑娘有提醒過我要買個冷熱兩用嘅冰墊用，係喺手術之後凍敷隻眼消腫嘅。其實我記得姑娘話要買冰墊，但係就唔記得佢話要預先放喺冰櫃裏面。於是離開診所之後，就立即去屈臣氏寺度，買咗兩個冷熱兩用嘅冰墊。
返到屋企第一時間，就將個冰墊放落去冰箱度。用毛巾包裹住冰墊嚟敷眼。

私人傳訊回覆引用

CVC2007

大宅

積分: 3448

8^#

發表於 21-11-20 22:10 |只看該作者

CVC2007 發表於 21-11-20 22:10
姑娘話有病人去就係帶泳鏡去沖涼，避免眼部嘅傷口入到水。仲有係喺做手術嘅前一日，姑娘有提醒過我要買個 ...

本帖最後由 CVC2007 於 21-11-21 07:55 編輯

診所嘅follow-up確實係幾好，你可以隨時whatsapp 美容師，去問佢要注意嘅地方，佢好有耐性喺whatsapp度解答。
第二日對眼又腫又瘀，我不斷冰敷。
第三日繼續冰敷。
第四日係星期一所以要返工，嗰一日隻眼已經消咗腫，但係仍然係好瘀，我前一晚去屈臣氏買咗一隻超強力嘅遮瑕膏，遮對眼瘀痕，再戴返副眼鏡。公司啲同事冇人發現。

私人傳訊回覆引用

CVC2007

大宅

積分: 3448

9^#

發表於 21-11-20 22:13 |只看該作者

CVC2007 發表於 21-11-20 22:10
診所嘅follow-up確實係幾好，你可以隨時whatsapp 美容師，去問佢要注意嘅地方，佢好有耐性喺whatsapp度解 ...

因為我對眼確實係好瘀，於是美容師教我要熱敷，而且可以上去診所到做一個散瘀嘅療程。呢個散瘀嘅療程就好似係啲bb 有黃疸去照燈一樣，照完第二日確實係有燒咗啲瘀。
手術後嘅第九日，D瘀先差不多完全消失。眼袋亦都平哂。
個人覺得呢啲創傷性嘅手術，真係做一次就夠，而且心理壓力都好大、又痛，好彩醫生手勢真係十分之好，而且好快手，所以你唔需要忍受太耐就可以完成手術，慶幸搵啱醫生，雖然比心目中嘅預算貴咗啲，但係始終微創手術，相信復原得比較快。