父母之間感情疏離，最大影響一定是小朋友。一位女網友在網上發文向網友求教，指自從家姐與姐夫鬧離婚後，一對子女就變得情緒低落，經常都想找爸爸，顯然不捨得父母分開，幾乎每天都哭，「而家小朋友日日都好唔開心,唔知點算, 大人都好心痛」，因此樓主想尋求網民的意見，設法想令兩個小朋友開心起來。
一位女網友在網上討論區親子王國以「離婚, 小朋友情緒問題」為題，分享自己的家姐與姐夫鬧離婚，當中不涉及第三者，「純綷成日鬧交, 唔想再一齊落去」，這此事令到他們一對子女變得情緒十分低落。
樓主稱事情發生大概一個月，姐夫已經搬走了, 而9歲的兒子與5歲的女兒暫時由她的家姐與媽媽照顧，但是兩個小朋友都很黏爸爸，很掛念爸爸，「小朋友極度喜歡姐夫, 反而同我家姐感情無咁深。」
至於為何小朋友會比較黏爸爸，樓主解釋因為在疫情期間姐夫曾經失業, 期間有很長時間姐夫會陪伴著仔女，因此對他很依賴。當時樓主家姐為了保住工作，所以專注在事業上，「當時我家姐都FEEL到姐夫唔開心」。另外亦提到兩夫妻從前是很恩愛，想不到現在會鬧離婚，替他們感到很難過。
樓主指眼看兩個姨甥每天都鬱鬱不歡，在家中哭著要找爸爸，又要跟爸爸視頻，顯然不捨得父母分開，「以前係我姐夫陪訓覺, 而家應該係好唔習慣訓覺唔見左爸爸,分開一個月, 我姐夫都會間中同佢地兩個小朋友出街食飯,食完飯就走, 唔會留宿,星期六日會帶佢地兩個返去佢屋企訓」
身為姨媽的樓主看著小朋友的情緒大受影響，自己都覺得很心痛，但又不知道該如何是好，「而家小朋友日日都好唔開心,唔知點算, 大人都好心痛」，因此樓主想尋求網民的意見，想辦法讓兩個姨甥開心起來，「請問有冇過來人, 小朋友究竟幾耐會開心返?或者我地有乜可以做到幫到兩個小朋友開心。」
帖文引起熱議，有網民認為樓主家姐要檢討一下為何小朋友不黏自己，「樓主家姐係唔係要檢討下自己點解同小朋友係咁親呢」。對此，樓主回覆指其實家姐心裡也很難受，「我家姐話而家留住兩個小朋友喺身邊，但個心唔喺自己到， 老公又離開佢，佢唔知點捱E段時間, 唔識點開解小朋友，姐夫又無幫下口」，樓主無奈地指，大人的事她幫不了，但唯有開解家姐，可惜幫助不大。
另外有網民建議要讓小朋友明白爸爸媽媽仍然是愛自己，「小朋友都係希望爸爸媽媽陪伴，可唔可以租住附近，多多溝通陪伴，讓小朋友理解：爸爸媽媽雖然分開，但係愛著他在」、「小朋友沒有完整家庭成長對他們心理都有影響,盡快尋求專業人仕協助」
亦有大部分認為小朋友受影響是無可避免，「小朋友初時一定未習慣，俾啲時間佢。另外媽媽都用自己嘅方法，同小朋友建立新好啲嘅關係，有自己同小朋友嘅回憶⋯⋯爸爸要keep住定時搵，佢哋唔可以懶⋯⋯係需要時間的，加油！」、「離婚係個根， 小朋友唔開心係果，任何哄小朋友方式都係無用， 因為佢哋明白佢過去擁有的美好家庭無左， 所以要搞好仔女， 請男女主角搞好佢哋關係先， 如果父母生活更幸福快樂， 我相信小朋友都唔會嘈咁多」
有不少網民亦建議夫妻為了小朋友應再嘗試修補關係，「最好的方法係為咗小朋友，夫妻共同努力再投入返去建立個家。如果丈夫咁有心機湊仔，應該好錫小朋友，又無第三者，淨係呢點，你家姐姐夫會否考慮比個機會大家，忍讓吓，維持婚姻關係？」、「如果唔涉及第3者，大家仲愛對方 點解是單一方面唔作出妥協。。大家互相磨合呢？！」、「如果無小三，大家為左頭家為左小朋友會唔會嘗試忍讓 ，家姐都要慢慢同小朋友建立返親子關系。」
