吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 見睇樓02鋪，不如講下酒店02野！

自由講場今日: 2341|主題: 1303896

收藏本版

發帖

返回列表

跳至頁

樓主: 大少拉

積分: 2785

1^#

發表於 15-3-14 16:18 |顯示全部帖子

回覆：見睇樓02鋪，不如講下酒店02野！

我間唔鐘會feel到，所以一入酒店唔舒服嗰晚一定會有野。
我有一次特別驚嘅經歷，有年同c6去歐洲，唔係住酒店嘅，係類似渡假屋咁嘅building, 三層高嘅古老building, 歐洲依類型嘅住宿係無reception嘅，所以個owner比左key我地就會走。喺嗰帶都係好古老嘅街景，小河，民宿喺一個類似後街咁嘅地方，入口係一個好古老，嘅木門，木門有少少爛而且濕濕地，我推下度門，竟然係無鎖嘅，一打開入面好暗，有少少黃色燈光，見到牆上有“支豬”網，而且有陣咸臭味，地下只係一條走廊係乜都無嘅，owner比左key走左後，我地自己上二樓嘅房。
房嘅樓梯係木造嘅，行嘅時候會發出聲音，好似就爛咁。二樓有四間房，我地係唯一住客，廁所喺房間外面，內外都要用key先開到嘅，廁所塊鏡係列左，洗手盤有d紅色顏料咁嘅野，好舊好舊。我其實已經有不安感，但係周圍都無房，唔想再麻煩就硬住頭皮住入去。一入到房，有個好古老嘅書櫃，有好多好厚嘅書，天花係用實木佈成的，房有兩塊長身鏡，c6話幫我影下相，但影左幾張，d相都係濛濛地化開咁，我眼尾就喺依個時候望到鏡內有野晃動，我唔想嚇自己，諗可能係我自己嘅影。

到訓覺時間，我半夜突然醒左，發覺自己成身出冷汗，個心好驚跳得好快，我聽到樓上有人行緊，因為d木“壓壓”聲，一下一下咁，行下停下。我叫醒c6，佢話可能上面嗰層人地未訓，我又半睡半醒間聽到二樓嘅樓梯有人行，因為d木樓梯發出嘅聲，我肯定係有人行緊。到早上，我地出去玩，我想上三樓睇下會望到乜野景觀，我好意外，發現通住三樓嘅樓梯維修中，樓梯係爛嘅，有條鐵鍊欄住，啫係話樓上根本就無人。

玩完一天又回到民宿，好不願意。。。我去廁所沖涼，望住塊列左嘅鏡已經好不安，我喺洗手盤洗面，一洗完，我發現去水位有d長頭髮塞住，好恐怖，我大叫c6, 想開門，但轉極條key都開唔到，情況真係好驚好驚，因為個廁所好大，我型住有野會喺我後面，我c6喺出面叫我冷靜d，佢喺外面轉條key,就開到門。

中間我有幾驚恐嘅感受唔多講了。又到好不安嘅睡眠時間，我一直都同c6講好驚，因為上面無人，但佢就覺得無乜，只係物理反應。到半夜，我又醒左，三樓依然有人輕力咁行緊，最恐怖嘅事發生，有人抓緊屋入面d鏡同牆，大家應該都知係乜野聲，我唔形容了，總之係一下一下慢慢抓。我好暈好凍，我c6比我整醒左，因為我係咁震，佢攬住我，我慢慢訓左。天光左後，我立刻收拾，我知一定要走，間屋唔止得我地，有野唔想我地喺度，我望下周圍有無漏野，發現牆腳有d牆灰喺地下，一定係有人抓過㴝。。。我c6去廁所，今次我叫佢唔好關門，佢出㴝後，話塊列左嘅鏡個角甩左落洗手盤，洗唔洗call owner話比佢知，我叫佢唔好咁多事，快d走。我call owner, 話我地要走了，行李想黃昏左右㴝拎同比返條key佢，佢答我，佢入黑係唔會過㴝依間屋，條key就咁放喺房，佢會日頭先入房拎，因為晚上唔係咁方便，依個答案令我好驚，我問佢三樓有無人，佢話三樓係無野嘅，仲維修中。。。

點評

PCMW

發表於 15-4-6 07:47

spen@sa

發表於 15-3-27 17:34

mixmos

發表於 15-3-20 01:10

Dwmn

發表於 15-3-19 15:47

Angel_BB

發表於 15-3-19 09:27

是是但但

發表於 15-3-19 09:14

Leeleelau 勁恐怖發表於 15-3-19 03:27

櫻花bb

發表於 15-3-18 07:39

pppsze

發表於 15-3-17 19:38

littleredhat

發表於 15-3-17 05:51

Yeungkarrie

發表於 15-3-16 23:23

wandada

發表於 15-3-16 14:59

mei_

發表於 15-3-16 01:04

十年

發表於 15-3-15 20:24

FujiiYobe

發表於 15-3-15 10:28

Miccchellle

發表於 15-3-15 08:15

私人傳訊

mrsw

大宅

積分: 2785

2^#

發表於 15-3-14 16:36 |顯示全部帖子

引用：Quote:mrsw 發表於 15-3-14 16:18 我間唔鐘

原帖由 大少拉 於 15-03-14 發表
嘩!!!! 你經歷真係好得人驚....
如果係我, 我第2日會再搵下有無第2D地方可以住. 我都唔敢再入去.

因為我係bugdet traveller, 諗住無乜野就唔想浪費左住宿，而且即時訂係會貴架麻。。。歐洲有好多地區好古老，d民宿好多都係百年建築，所以有真係唔出奇。我係經booking.com訂房可以睇到其他人comment, 無為意原來我嗰間之前已經有住客話有鬼，連鬼佬都話有鬼就一定有啦！

我個朋友仲恐怖，佢去東歐地區，訓到半夜，聽到有女人聲喺腦入面講野，但唔係英文，應該係當地方言，嚇到抽根