SandyKL 發表於 21-3-28 18:08 
上樓梯冇落樓梯咁易出意外，老咗腳冇力，落樓梯好易滾落。
至於煮食，馬死落地行，會得嘅，問題係好唔好 ...
上樓梯落樓梯都可以有意外，有親戚就係上樓梯時扑倒，口鼻都要縫針，佢住果度係三層樓嘅公寓，樓梯比較直，同埋有金屬包邊喺樓邊，所以一扑落去就爆缸，好彩係好多人住嘅公寓，一聽到聲左鄰右里好快出嚟睇佢，之後送佢去醫院。我爸爸都試過過馬路，隻腳唔夠力踩上路邊個curbside果級，結果扑落地，街上有行人，即刻打911叫救傷車，咁啱果日我老公請假有嘢整，整完準備返工，經過果頭見到有一堆人圍住一個阿伯，望真D原來係佢外父，於是就即刻去公司接我去醫院。
馬死落地行呢樣唔只係煮食，基本上咩嘢都係，如果下下靠人整唔係唔得，但有時要等，不過等都已經成為生活上一部份，去銀行排隊要等，開個戶口兩個火鐘，等排去teller櫃位半個鐘，超市排隊俾錢睇你好彩定唔好彩，不過買唔過10件嘅可以去express line，而家又有好多設有自助付賬。。。我最初移民都唔係好慣，點解銀行職員同D客咁多嘢講，點解Starbucks買個咖啡要問我叫咩名，點解巴士司機請假唔會有下一班嘅可以頂替早D開工，點解紅燈過馬路司機仲要讓行人，點解。。。住得耐咗就發覺不如著眼欣賞下慢活同種種點解後面嘅意義。
花旗太太生活在花旗國，留意時差，你問我未必即時答到。
發表於 
返回列表
