美容扮靚今日: 9|主題: 136721

收藏本版

發帖

返回列表

跳至頁

查看: 53360 | 回覆: 1

積分: 919

1^#

發表於 14-3-22 00:54 |顯示全部帖子 |倒序瀏覽 |打印

我有面疣都2、3年，最初排過政府皮膚診所，一等就係9個月，原本得10幾粒，等到睇政府皮膚科已經多到40幾粒，不過諗住皮膚科一次過幫我做晒，點知個醫生好求其，睇完話政府得冷凍治療，跟手叫我去第間房個護士幫我做，個護士做左十幾粒就話要分開幾次做，叫我下次再做，但我覺得冷凍效果麻麻，又容易返發，我做左幾次，d疣仲多過未做。我對政府完全失去信心，因為經常在外地工作，所以暫時放棄治療。點知3個月後，發覺d疣多左好多，連頸、身都有，腋下仲有粒好大粒，好恐怖，剛好返香港時有同事都有呢個問題，佢係呢個forum找到個醫生做激光脫疣，話效果好好，就介紹左我去做。我上個月上左去個醫生到做激光脫疣，個醫生真係幾細心解釋同幫我做。因為我身都有，個醫生係女醫生，所以方便好多。原本醫生話叫我分開做，驚太多傷口，不過我要係外地工作，難就時間，所以要求一次做晒。計埋搽麻醉都做左成個鐘。做之前醫生已經話應該有100粒，大概$3000到。最後醫生都係收左我$3000，但我之後返屋企數過，成130幾粒，醫生無收我做多個d，真係好開心啊。原本醫生話兩星期覆診免費補脫漏左d疣，不過我返吾到香港，要求兩個月覆診補脫，醫生都話無問題，我覺得醫生真係好好，好開心。衣家3個星期，d焦一早甩晒，完全無印。皮膚好滑，吾覺有返發，好開心。我覺得有疣真係考慮做激光脫疣，效果好d，返發機會應該細d，真係吾好浪費時間排政府。