基督家庭今日: 0|主題: 9938

收藏本版

發帖

返回列表

跳至頁

查看: 4003 | 回覆: 1

天主教弟兄姊妹請進 [複製鏈接]

beaclem

大宅

積分: 2552

1^#

發表於 08-4-1 14:11 |顯示全部帖子

昨日天主親自帶我到聖母領報堂

好開心, 好感恩, 因為天主親自帶領我奉獻給聖母

經一位朋友介紹, 由二月中開始我準備了三十三天奉獻, 到昨日是奉獻日, 我一早已問定朋友到那間堂區做彌撒, 問完便上網睇地圖, 更print了該地圖, 預備昨日帶去, 點知張地圖忘記帶返工, 漏係屋企, 返到公司又掛住做野, 唔記得再上網print多一次, 到記得既時候, 又因要趕船期(我在離島工作), 所以, 唯有打電話向我老公求救, 老公剩係比咗個聖堂電話我就算......

係坐緊船途中, 向天主祈告說:天主呀!求你帶我去荃灣聖母領報堂啦, 我唔識去呀........一路祈禱, 重有少少諗緊去到荃灣地鐵站應該行邊個出口, 因為隱約記得好似係A, 又好似係D.......

祈禱完畢, 咁搭緊船期間, 一路聽緊幾首歌, 但唔知點解成日轉黎轉去都係聽"我信愛是恆久", 不過, 都無所謂啦! 我真係好鍾意呢首歌, 成日默想耶穌基督為我地釘在十字架上的情形.........

搭完船跟手去機鐵站搭去荔景, 再轉車去荃灣, 去到大窩口時因坐係隔離位男士好大隻, 又成日郁, 咁我見就黎到荃灣, 就起身向車廂前行咗約兩卡車, 個心重諗緊應該點去聖母領報堂......

一見到荃灣站三個字, 重諗住上電梯係天橋出, 點知有一個地面既出口, 呢個出口就係我企緊既車廂門口, 一開門, 出口個牌寫住其中一個地方係"荃景圍" ..... 聖母領報堂就係荃景圍.............

其實, 我已經覺得好奇妙, 出咗地鐵站, 沿路有一個個巴士站牌, 又有小巴站牌, 我記得好似係搭巴士39M就可以直達聖堂門口, 但又好似唔係, 咁車站個牌只係寫住39M係荃灣地鐵站同荃景花園既循環線, 當時我腦裏面想要搭39M, 但又唔明點解唔去睇下其他路線係點搭, 剩係諗我要跟住天主既帶領.....

上到車, 又唔知點解唔問司機呢架車係唔係去聖母領報堂, 坐低之後重好擔心架車唔知去咗邊, 荃景圍我幾年前去過一次, 咁見架車一路駛上山, 司機位前面有個顯示屏, 諗住開口問人之際, 顯示屏已打着"聖母領報堂", 有巴士廣播說:下一站係聖母領報堂....

當時, 我既眼淚差點流出來, 好感恩........

彌撒前一小時, 司琴練歌, 竟然係我最愛既"我信愛是恆久"........

可能天主要我知道, 要我感受祂有多愛我, 主, 希望我盡力效法你, 像你愛我一樣

[ 本文章最後由 beaclem 於 08-4-1 14:14 編輯 ]

私人傳訊

beaclem