chingching_ma 發表於 12-3-23 20:18
本身我同我老公拍拖果陣都唔算中意我99 ga喇..
自從意外有左之後..我更加唔中意佢..
首先..佢同我屋企人見下面食下飯飲下茶果個令中..都已經令我屋企人覺得佢思想有問題..
因為本身我未有之前都無野做..甘當然有左之後更加搵唔到野做啦..
甘我屋企人見係話有朋友介紹份pt俾我做..
當儲多幾個錢傍身都好丫..點知佢懶係野話唔好!!驚我會整親呢樣整親果樣..
叫我留係屋企安胎好過wor..呀99丫..試問做酒店電話接線生又點撞親呢??
之不過甘我老公都唔係甘想我做..事關我陀囡囡果陣真係好辛苦..所以最終都無做到..
唉..佢講就講得好聽呀..叫我安胎..唔做野邊有錢呀??
都算啦..屋企又養狗wor..又唔肯同佢清潔wor..
隻狗真係超級污糟ga!!老公好聲好氣甘同佢傾..又話我老公係針對隻狗..
好喇..到左有一日無啦啦有房署d人上黎巡查..最終發現隻狗話唔養得..
因為我地住公屋又無申請過狗牌..所以俾人出信要佢搬走隻狗..
諗住終於屋企可以乾淨番d..企理d啦..原來都係發夢..
點知過幾日佢話等房署d人上黎check完就會搬番隻狗番黎wor..
我老公同大伯咪同佢傾下lor..話如果再有人上黎check甘即刻扣分ga喇wor..
傾多2傾..佢就發脾4..話總之死都要養隻狗..因為隻狗又有其他問題愈搞愈煩..
最終我大伯話一係佢同我99搬出去搵d唐樓住..而依家住緊個度就俾我同我老公&囡囡住..
不過所有野d租呀..水電煤要自己俾..當然如果間屋係爬地自己ge..自己俾無所謂..
講真..我都申請緊公屋等上樓..知道將來間屋ge野係我同我老公負責..
但係我點解依家要同你住姐..係因為想係呢段時間儲多d錢姐..
講真我同我老公都無咩積蓄..依家唔儲第時更加儲唔到啦..
遲d間屋d野咩都要我地自己俾ga wor..果d唔係錢呀??
我打死都唔制呀!!咩都係假..我個囡最重要..
仲無啦啦話叫我出去做野請工人wor..傻ga..我點會放心掉低個囡俾工人呀??
依家甘難請個好工人..請個唔好ge..咪即係我個囡受罪??
連我大伯聽到佢愈講愈遠都話佢..
我大住個肚果陣都已經唔care我ga喇..我幾時檢查又唔知..個孫係仔定囡又唔問..
問親佢咩..就話咩都唔識..講真你自己都生左2個啦..點會唔識??
之後就會話你d野係點整點整ga wor..
我坐月個陣都咩都無煮過俾我食lor..搞到我屋企人日日黎照顧我..
山長水又遠甘走出黎..就係為左煮餐飯仔俾我食..
仲有佢份人真係好黑人憎..要番工煮唔到飯我都算啦..
但放假果陣佢仲可以話送我就買左ga喇..但我唔煮ga..我only等食..仲要奉旨唔洗碗ga..
咩都叫我老公做..連起身熄個燈熄個風扇都要特登叫我老公係房走出黎幫佢熄..
其實佢起身去熄只係行幾步ga咋..但佢反而係不停大叫叫我老公去做..
仲有呀..佢隻狗就勁污糟..成日番黎同隻狗玩..但又想同我個囡玩wor..
我就叫我老公叫佢洗左手先..始終狗都會有菌ga ma..但佢就好似好有怨言甘lor..
覺得好麻煩..無ga..ok!!你唔洗咪唔好抱個孫lor..我都唔想俾個囡佢抱..
仲成日話我將個囡放係房唔拎佢出廳..大佬呀..你隻狗一見到你就撲落你度..
我點知佢會唔會整親我個囡ga..而且佢成日成日失驚無神吠wor..嚇親我個囡甘點計先??
抱住佢又輕搖我個囡..我大伯個女朋友話唔好搖佢甘多..
佢慣左就麻煩..點知佢可以話車..都唔關我事..唔係我湊..
fine!!我都唔會再俾個孫你抱呀!!
好在我老公對我真係好好..成日肯聽我呻..如果唔係我真係痴線..
P.S: SORRY..太長篇了..但我實在好想呻..><
仲有ga..遲下再post啦..
發表於 
返回列表
