夫婦情感今日: 12|主題: 42455

收藏本版

發帖

返回列表

跳至頁

查看: 1858 | 回覆: 1

老婆+家庭都唔夠錢重要？！ [複製鏈接]

love_dreaming

別墅

積分: 731

1^#

發表於 08-12-23 10:32 |顯示全部帖子 |倒序瀏覽 |打印

個老婆一向克盡婦道，從來唔扮靚唔大洗，儲埋d$都係為頭家，個老公咁多年都知架喎。

現在老婆大約有廿萬都係以防裁員，所以所有錢用作家庭儲備。而老公亦大安旨意，呢筆儲備用作家庭總開支，如：小朋友將來的讀大學等。

個老公舊年轉工取回舊公司退休計劃的款額，由於他一向不擅理財，老婆要求款項注資入家庭儲備，老公唔肯，話這是自已的私已錢，各位，我唔明點解老婆的錢就全數當係家庭儲備，而男人的錢就係私人既？

事件沒有完結。個男人走去買股票，直至現在跌足六七乘。尋晚，老婆只輕輕帶過一句，話將來股票返返家鄉，$入一半入儲備金，其他你點玩都算。點知個老公發惡鬧人！係好惡果種！

好心啦，莫講話果筆數有排都兌現唔到，就算係實數，一半都係五萬遮！而且錢又唔係比老婆花費，都係為家庭遮！

真係估唔到挨生挨死十幾年，自已乜錢都為個家庭、小朋友付出，到頭黎咁既待遇，心都淡晒，覺得一齊都冇意思，甚至有離婚的衝動，反正咁既人，都未必有機會白頭到老！個男人老來就算有錢都未必選擇同個老婆分享，同個後生女咪仲快樂？！

唉！唔想諗咁多啦，最重要捱大個小朋友，完成左自已的人生責任就算。至於老左之後有冇伴？我真係唔敢期望！

做人好心淡呀！