論盡家傭今日: 0|主題: 133741

收藏本版

發帖

返回列表

跳至頁

查看: 1081 | 回覆: 1

菲姐有主婦手，原來已經有咗好多年，點算？ [複製鏈接]

may.bb

子爵府

積分: 12534

1^#

發表於 11-8-28 18:11 |顯示全部帖子 |倒序瀏覽 |打印

菲姐係拿身份証(之前在港已做咗7年)嚟搵工，剛我係agent度搵工人，見佢之前同一僱主做咗7年，又有照顧nb加小朋友經驗，又識煮飯，我同佢講我預備會生bb，問佢可否照顧到nb加一個3-4歲小朋友，佢話ok！
好嘞！到佢嚟到我家工作，我剛有咗！佢做咗2、3個月就同我講周身骨痛，有隻手指公嘅指甲又爛咗，佢已經係做咩都要求戴手套，洗碗抹地都好污漕，因無用力，同洗碗過唔清d水，都算！我同佢睇醫生(普通科)醫生話天氣凍，凍傷隻手，所以指甲爛，要用手套工作及用暖水洗碗洗衫，到夏天就ok啦！點知到夏天都一定要用手套洗碗，我同c6叫佢過水時唔好帶手套，要feel吓d碗乾唔乾淨，因為真係好污漕，佢唔理我哋！到bb出世，我同佢講bb6個月我就返工，佢要照顧4歲女同bb，佢話唔得，一定要我搵人幫手，我問佢當初話ok？佢話上一個僱主有婆婆同嬚嬚幫佢，所以以為我都有，佢叫我bb大d先返工！ok！
但幾日前，佢比佢對手我睇，OMG，10隻手指有5、6隻指甲已爛，佢話好痛！我即刻同佢睇醫生，醫生要佢睇皮膚專科，佢知我要帶佢睇另一個醫生，佢好驚，唔想睇，我一定要佢睇，點知去到，原來佢01年已睇過呢個專科！我問佢「你話你之前未試過爛手？」初時佢唔認，之後見我問姑娘佢先講話以前對手脫皮，所以睇過！之後見醫生，醫生話佢d皮膚已傷哂，係主婦手，建議小濕水，帶膠手套前要帶多對棉手套，工作每20分鐘休息一會，但唔保証食藥塗藥膏會好返！咁即係點？
之後佢當無事咁繼續工作，我問佢「你之前唔知自己對手有問題嗎？」佢話知但未試過爛指甲，我話你呢d病唔係係我度先發，而係你做得太耐清潔工作引致雙手已受傷，佢即黑面問我「你咁講咩意思，你想點？」我無出聲！
一. 當初佢唔肯比前僱主電話號碼比agent，之後話唔見咗no.，因佢知我想問前僱主佢手指嘅情況！
二. 佢一嚟就要求所有工作要用手套保護對手，即佢其實一早自己知自己事！
三. 佢當初應承照顧2個小朋友，依家又唔肯，就算我話照顧小朋友時，早上只抹地及座廁已足夠都唔肯！
咁我應該點做？冬天快到啦！上年一隻手指公已痛到做唔到嘢，今次咁多隻手指未痛死，仲要一定有傷口(因會爛及爆開)，咁點算？佢工作其實都ok，都好錫我對子女，咁我應該點做？
唔好意思，咁多字，但我真係感到好煩呀！