吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 不如講下你哋喜歡偶像d咩

自由講場今日: 143|主題: 1304371

收藏本版

發帖

返回列表

跳至頁

查看: 950 | 回覆: 11

不如講下你哋喜歡偶像d咩 [複製鏈接]

may.bb

子爵府

積分: 12534

1^#

發表於 13-5-24 17:08 |顯示全部帖子 |倒序瀏覽 |打印

我喜歡beyond，因為家駒真係一個人才，唱歌又好聽！

我喜歡MJ，因為MJ我覺得真係一個音樂天才，而且好有愛心！

另一個我好欣賞的偶像係馬X偉！尋日睇到無記6點番做佢嘅戲，好多往事即刻浮哂出嚟好想同各位jm分享下！

記得十幾歲時我做義工，帶祥仔(玻璃人)去港台返工，佢做接線生，當入到房，我見到錄音室內就是訪問馬X偉(後稱馬仔)，那時他出第一隻碟做宣傳，當時正在播放佢的歌，我見佢不停係錄音室的櫃內搵嘢，那DJ問佢想搵咩？馬仔「無！我有個FANS病咗係醫院，我知佢好中意聽一隻歌，所以想搵嚟送比佢聽，希望佢快D好番」DJ「咩歌呀？我幫你搵啦！」馬仔「唔好！我要自己親手搵」可惜到最後都搵唔到，就送咗第二首歌比個FANS聽。到節目完結時，佢仲好親切同我們揮手道別，從那刻開始，我喜歡了他！

點評

moonlight9198

發表於 13-5-25 13:42

yuexu

發表於 13-5-24 17:10

0 0 0

私人傳訊

may.bb

子爵府

積分: 12534

2^#

發表於 13-5-24 17:12 |顯示全部帖子

我做咗佢FANS後，我發現我沒有喜歡錯佢，記得有次很凍，幾個FANS係商台門口等佢，佢會叫助手買些熱維他奶我們飲！我有朋友話，原來飲過馬仔阿媽煲的湯水，佢阿媽話多謝佢哋支持馬仔，可惜我無飲過，因為馬仔媽媽過咗身！

有時馬仔上去無記玩遊戲，以前好興送S牌手錶的，有次馬仔贏咗一大盒手錶，佢會比FANS每人選一隻，其他如餅咭那些，都會同FANS分享！

就咁，我一直做佢FANS支持佢，後來變成朋友般，可以說下心事，佢一有新歌亦會係錄音前唱幾句我們聽。
有次佢生日，去咗麥包開的bar開生日會，那天有FANS有明星(其中一個係陳豪，不過當時未出名，我都有同佢影相，超nice)，後來所有其他FANS走了，只剩那些明星朋友及我們幾位資深FANS，佢同我們講心事，當然關於工作，我們亦答應一直支持他，無論佢有什麼決定，我們都會支持佢！到最後，我們幾個FANS走時已大約1點，當年我們都二十幾歲，有幾個FANS住得近，所以一齊乘的士走，剩下我一人，當時，馬仔竟叫助手送我返屋企，我話唔洗，佢「你哋爸爸媽媽比你哋做我嘅FANS，我有責任保護你哋嘅安全，唔係我點向你父母交代？」那刻真係超感動，所以佢助手就同我一齊坐的士送我回家！

私人傳訊

may.bb

子爵府

積分: 12534

3^#

發表於 13-5-24 17:14 |顯示全部帖子

後來，我已同C6拍拖，我C6唔介意陪我去搵馬仔，每次C6一陪我們班FANS一齊大叫「馬X偉」時，馬仔都會係台上望住我C6笑，因為C6把聲好響。

有次馬仔生日，我們去無記飯堂同佢慶祝，當時我們只有5-6人(連埋C6)，原來當日有記者朋友係度為馬仔影相，話有FANS入電視城同佢慶祝，當要影大合照時，我唔影，馬仔知道我的工作係唔方便露面的，所以馬仔即時醒目，叫記者朋友唔好影我同C6，記者當然唔制，佢話「得咁少FANS，唔影佢兩個就好似無咩人啊！」馬仔「無人都唔緊要，總之佢兩個唔可以上鏡」最後，我同C6就企係佢哋後面遮住，然後舉起「馬X偉」的紙牌，我見呢張相出街時，真係見唔到我同C6！

私人傳訊

may.bb

子爵府

積分: 12534

4^#

發表於 13-5-24 17:16 |顯示全部帖子

後來我結婚，生咗個女，我少咗出去見佢，有次佢生日搞BBQ，我帶埋阿女去，當時阿女2歲，依家阿女6歲，佢仲記得 “STEVEN哥哥”(馬仔)，因為當日馬仔抱咗阿女幾次，佢同D記者講「呢個FANS，我由細睇到佢大，依家仲結埋婚生埋仔添」真係好感慨！

我知佢做戲唔係咁好，但佢已好比心機，有次有套同鍾嘉欣拍的，講嘉欣要生個已死的BB出嚟那場戲好感人，亦好多人讚佢，佢不知幾開心，佢同我們講有前輩教佢做戲，佢已知道做戲嘅精髓，佢會再努力研究！

上幾個星期，我無意中聽收音機講，馬仔自己作咗幾首歌出碟，那刻我超感動，因為原來佢從沒放棄自己的理想，佢係一個唱作人，呢隻碟出，我會買一隻支持佢！自從有咗阿仔，我已沒有再見他，我真係有些掛念佢，我雖然沒有遵守當年的承諾，但我真係會永遠支持佢，我不知佢依家有沒有變，但我仍然喜歡這個其貌不揚(我覺得佢唔係好靚仔咋)，但充滿理想的人。馬仔，加油！