夫婦情感

收藏本版
發帖
返回列表
跳至頁

首頁
1

尾頁
   0
alphabetagamma


珊瑚宮

積分: 108855

環保接龍勳章


1#
發表於 08-6-27 16:55 |顯示全部帖子
hello, 我剛才看到你另外一個話自己記性差, 遲鈍的post, 但我沒有看完你們6頁的內容.

我只係想話我同老公由拍拖到結婚, 足足12年. 我為老公捱, 到佢事業低潮, 我一個人頂兩個家再加上一個他(當時未結婚都幫佢成家人), 一直我都有很多人追. 但自問不是貪慕虛榮的女子. 只要他有理想, 他有機會, 我願意等他有成. 但係佢一直口講無敵, 但事實份人無我咁有上進心, 鬥心. 佢份人軟弱, 不能捱苦, 面皮薄, 唔識做人..... 但份人真係好好, 好到我好有信心佢唔會有第三者, 因為佢真係好善良. 所以我一直留佢身邊. 含辛如苦. 這一點佢十分清楚.
但係佢唔係一個強人, 所以成日會有"好累""想去玩""想休息"等無謂藉口, 事業上一直沒有大突破, 也達不到目標. 簡直係強差人意. 我為了他, 放棄了很多發展機會. 考專業牌照, 進修都大部份都給了他. 但係佢份人都係懶懶行. 到結婚后半年, 我真係好吃力, 我付出太多, 但係佢都仲係傻下傻下, 我同佢吵得好大鑊. 我估佢當時的心情跟你一樣. 佢一直唔生性(但唔係壞), 我鬧佢對佢老婆好殘忍.
冰封三尺非一日之寒. 大家想一齊到白頭, 一定要生活態度/人生目標 非常配合. 若不, 那一對夫妻就太辛苦了. 說老實, 若要我再跟他過同樣的日子是沒有可能的. 因為我一直是期待佢有改變. 機會/時間 我都給個夠了. 我不能再說服自己再給多一點時間及機會. 當年, 跟他吵了, 他二個月內就改變了很多. 而當時我是以半年為限, 我說愛他是真的, 但恨他的也多, 我可以再給他半年時間, 半年內他亦是大唔透的話, 我會頭也不轉, 淚也不流的跟他分開.
其實, 那一刻我是絕望的, 因為既然拍拖9年都沒有改, 我認定佢會改的機會是零, 而自己再不想煩了, 所以瀟灑的定半年時間俾佢同自己.

樓主你自己要好好把握機會. 既然你老婆已經俾過好多機會你, 係佢立場佢未必會再俾多一次機會你. 機會有時係自己爭取的, 你可以做的是快快快, 有決心的改變自己. 佢想你係點, 你無必要再去問佢, 因為我相信你自己好清楚明白. 明白就去做, 去表現俾你老婆睇. 亦都唔好迫佢, 因為佢都就左你咁多年, 我估佢內心都會好鬱.
最后, 祝你好運.

[ 本文章最後由 alphabetagamma 於 08-6-27 16:58 編輯 ]
私人傳訊

alphabetagamma


珊瑚宮

積分: 108855

環保接龍勳章


2#
發表於 08-6-30 15:01 |顯示全部帖子
我老公在同我關係差的時候, 會有你這種想法. 因為我見到佢個樣. 做錯野(或是做得有問題), 仲要個樣好不順氣. 我就係咁問佢點解會咁"樣衰", 我要迫先至迫到佢講. 佢一咁講就知佢諗野負面. 以前拍拖時會炳多佢一鑊, 因為好嬲佢又諗"當佢無到""當佢垃圾" 之類. 因為"唔好屈我", 我無咁諗過..... 我老公現在一年都無一次會咁.... 但有時有爭執, 佢已經改左, 會主動開口問我有否這想法, 我都改左, 我欣賞佢變得坦白表達, 我會平伏自己心情, 冷靜再講問題是什麼.
我估你同我老公好似, 似同一類人. 但你老婆同我唔係好似.
希望你唔好嬲我咁講, 我覺得你eq低, 記性差, 反應遲鈍, 死牛一面頸. (我老公係)
但我老公肯接受, 而我又肯就佢, 幫一幫佢.
十次有九次, 我嬲佢, 講到明係嬲佢咩..... 佢都會只說"對不起", 然後, 會講左一d我一d都唔嬲的東西, 仲問我係咪嬲佢咁樣. 佢果類人越講越錯. 當我話佢知我並不是為了他說的而嬲, 以前會講講講, 兩個鐘都吵不完, 雖然只有我吵. 佢都係同你一樣唔易同人吵. 有時就佢算啦, 同佢講下次唔好, 佢下次又係咁, 因為佢遲鈍唔知自己錯咩, 一定會再犯. 為了佢, 我好多野都算, 講真當有50%係我要求高, 我改變大家就會開心點, 佢又肯改.
你今朝即是你又無送到gift. 我老公為了唔開心, 唔做有d事, 機會過左, 無可能再有. 點解要為左心情差將自己個plan改左(eq低囉)....... 我嬲我自己老公就係這些, 情緒大過一切.
仲有好明顯, 你好唔精靈, 唔識氹人(我老公係咁).

[ 本文章最後由 alphabetagamma 於 08-6-30 15:03 編輯 ]
私人傳訊

alphabetagamma


珊瑚宮

積分: 108855

環保接龍勳章


3#
發表於 08-6-30 15:50 |顯示全部帖子
timing問題. 你老婆個心會甜一點點, 又甜唔夠. 俾著我, 我仲會忟老公又係咁懵. 如果老公當時開口說"我真係好愛你, 我願意為你做所有野" 女人想聽的. 我提一提你, 我記得韓刻浪漫滿屋, 阿rain在劇中一句話, 我真係好想老公同我講的. (我老公都仲未知的). 係佢再一次向"智恩"求婚那一幕. 意思係說自己成日做錯事, 成日惹智恩生氣, 說為了她開心, 你要佢跳舞就跳舞, 唱歌就唱歌.
其實我真係變左好多, 我老公好傻仔的, 佢唔識氹人, 我是知道的, 我是他的初戀. 我成日同老公講"你唔學下氹下我, 到第時四十歲, 人又悶悶地, 我肯定俾人氹走左."....... 你老婆真係俾人氹繄, 你趕緊快快學下點氹佢.
私人傳訊

alphabetagamma


珊瑚宮

積分: 108855

環保接龍勳章


4#
發表於 08-7-1 15:35 |顯示全部帖子
原文章由 IaMMoYY 於 08-7-1 02:02 發表


I think you tend to blame yourself TOO OFTEN. Why didn't your wife work to help out, knowing that you have been working so hard to support the family? You blame yourself spending less but saving mu ...


我老公同樓主真係好鬼似的. 連唔想我出外打工, 我估佢地的反應都好相似. 我都係無打工的. 我老公都好支持我. 我老公的意思係"一切隨我喜歡", 想做工就做, 唔想做佢一個人頂都得. 尤其係結婚后剛巧我公司結業, 我老公就話想佢老婆做人要開心, 做一些自己喜愛的工.
其實我老公係辛苦的, 工作上面對極大的壓力. 就算我問佢, 佢都唔識講自己辛苦. 佢就係不懂表達, 做老婆的會好辛苦, 是他嫌我不打工嗎? 又不太像! 佢唔開心是為了工作, 家庭, 婚姻???? 佢地講唔到, 做佢身邊的人會有壓力.
既然係佢開口支持我不打工, 我說要再出外打工, 他又支吾以對, 我明.... 佢地大男人心態作祟. 我老公個樣會即刻我好似當佢垃圾嫌自己搵得少, 個老婆頂唔順要做工. 到最后問下佢我真係打工好唔好, 佢就會話"最重要你真係好想". 我寧願佢同我講叫我出外打工, 咁家庭會穩健一點, 至少我唔會hurt到佢.
我老公的情況係, 佢爸爸都好唔鍾意佢媽媽打工, 話會跟外人學壞. 而我呢... 一向都好多人追, 以前係同學時, 佢d朋友都有幾個追我. 我知我老公好怕我會變心的. 有時大家打開心扉談心, 佢都講好怕有人搶左我. 所以佢好就我, 他是一個不懂表達的人, 但就唔識氹人
所以我同樓主講, 做人唔洗咁緊張, 越緊張越做得唔好.
如果同我老公果類人講, 唔好怪自己, 你老婆應該點點點..... 我老公係會生氣的, 佢覺得自己老婆係最好的, 為佢做所有野都係值得的. 那當然一對夫妻點解會咁深愛, 就係有d位其他人睇唔到, 講真以前打工, 我有十萬元, 我會借十萬元給他做生意, 自己仙都唔仙下, 再問父母借, 我一個人打工還. 又知慳識儉. 又唔會要求鑽介皮包等"奢侈品". 我都有怪老公唔送野氹下我, 我都有童真, 送粒得意一點的糖, 我個心都好甜. 但到了有錢后, 仲要同我為小小錢計較的話, 做老婆都會覺得hurt.

私人傳訊

alphabetagamma


珊瑚宮

積分: 108855

環保接龍勳章


5#
發表於 08-7-15 14:05 |顯示全部帖子
女人真係心果句同口果句唔係好同架...
我以前成日同老公嘈. 我唔滿意佢, 佢就垂頭喪氣, 我黑面佢塊面就會黑得仲勁過我. 以前對佢冷淡, 佢仲down過我, 拍拖時我仲去氹下佢. 之後佢又係成日錯, 我條氣唔順, 我就直頭唔理佢. 有一次, 我老公係我父母面前垂頭喪氣, 我媽咪話我老公, 你想你老婆唔嬲就唔好"死死下", 你越係咁, 你老婆仲嬲多幾錢重. 既然我媽都同老公咁講, 我好老實同老公講, 有時耍下脾氣, 你仲down過我, 即係e一世我唔洗有人氹下我啦? 我寫左張紙俾老公, 佢現在仲放係錢包, 內容係.... 1)大家有傾有講, 唔好將事擺係心. 2) 無反應我會更嬲 3)主動同我講野... 之類.
我試過鬧過我老公叫佢收聲, 其實係因為果刻好嬲, 佢真係收聲會覺得佢唔care我嬲同唔開心, 佢仲咁忍耐咁同我傾, 我就會無咁嬲. 佢現在仲叻左好多, 講笑話我聽, 我一忍唔住笑, 怒氣就消了一半. 又試過佢同我一鬧, 佢就立即換衫出門口, 同我講佢落街買棉花糖氹返我開心... 女人做好多野, 都係想證明男人愛自己... 但係老公咁鈍, 只有這種方法, 才會知道男人有幾緊張我. 我爸爸都係咁老實, 所以我就似足我媽咪. 我以前又係有個男仔追我, 我以仲會關了電話, 同個男仔出下街; 我會直頭同老公講, 我同那男仔出街, 好想聽到老公講: 我唔想無左你, 我真係好愛你, 你想點我都會盡力做....

你老婆同得你講未決定同個男仔去旅行, 你不如直接同佢講.. 你唔想無左個老婆. 睇戲都睇得多, 女人都係想聽親口講. 女人想身邊的男人有勇氣留佢係身邊.
私人傳訊

alphabetagamma


珊瑚宮

積分: 108855

環保接龍勳章


6#
發表於 08-7-16 14:26 |顯示全部帖子
勇敢一點吧!!!!
開始左, 可能係因為她一時意氣用事同你講的大話, 也可以係佢一時心亂如麻的跟那男人講"開始"的.
我同老公拍拖時, 中間都有段半分半離的尷尬時期. 但我老公都無因為我動搖而放棄, 無因為我曾想放棄而嬲我.
你現在可以做:
坐低同佢講你想同佢重新開始, 告訴她這一生你只會愛她一個, 無人可以比你更愛她及囡囡. 你要給她及囡囡最完美的家. 睇佢點回應 -
1)應承
2)拒絕 (問佢點解? 見招拆招....e.g佢對你無期望, 你反問佢佢真係睇唔到你改變想轉好嗎?)
3)不置可否 (問她可否暫時不跟另外一個男人再進一步發展?)

其實我以前真係有試過好嬲我老公而同佢講自己同另一個男人開始.... 我好嬲想折磨佢.... 佢當時聽到佢立即大喊. 佢喊住咁同我講"你講大話....我唔信, 你唔會架...我真係好愛你架"...
佢一個大男人喊住同我講, 我個心都軟化左一大半啦.
我妹夫以前同妹妹都係咁, 我妹話我知中間分開過, 我妹真係同佢"夢中情人"開始另一段, 我妹夫想再一起, 我妹告訴他, 他都係因為喊....喊到阿妹覺得原來自己係care佢, 唔想佢太受傷. 最愛都是我妹夫.

我唔知道你老婆的case, 但係你真係愛你老婆就試一試囉.

仲有千其唔好諗傻事, 你的人生仲有好多個選擇.
私人傳訊

alphabetagamma


珊瑚宮

積分: 108855

環保接龍勳章


7#
發表於 08-7-16 16:42 |顯示全部帖子
睇你女人咁答你.

你最好同佢講" 我無變心, 變心的是你" "可否同女女咁講???" "直接同個女講, 你媽媽不再愛我"
你可以同你老婆講, 唔肯努力維持關係的是她, 是她逃避. 你仲可以同佢講 "如果你認為世界上只有我一個男人係咁, 而剛剛咁橋你又可以搵到個世界上唯一一個咁好的男人, 我祝福你, 你真係好好運.
希望她下一次觸礁時, 都係可以搵到個水泡.
講真, 我覺得個女要跟你. 你個女跟住佢"性格""人格"一定出問題. 不面對現實的, 選擇逃避是她. 她沒有資格教出好孩子. 你之前有勇氣承認錯誤想補救, 這對孩子有幫助.
私人傳訊

alphabetagamma


珊瑚宮

積分: 108855

環保接龍勳章


8#
發表於 08-7-25 13:15 |顯示全部帖子
原文章由 abcde_song 於 08-7-24 22:12 發表
多謝大家鼓勵!!
今日都算忙, 但唔知點解百忙之中, 都好多時間係度諗野..........
我不停諗佢同我講有新男朋友係唔係假呢??呢個答案真係要佢自己先知, 其實我一向都覺得係假, 覺得佢係度考驗緊我, 或者我諗得真係太多 ...



我對我老公好燥, 但我對其他人不是這樣的. 像前天我老公在我好煩煮餸時, 同我講"我剛才俾錯了鹽給你", 就咁呆鬼左企係到. 我就忟到爆咁同佢講"咁現在可以點呀?" 唔落都落左. 講來都多餘.
在好忟, 忟到爆時, 你唔會明一個"懵人"在好忟的時候, 不但不會給我安慰, 不但不會幫手, 成日都係講左d無聊的話題.... 試過忟到cut佢線, 會即刻走人. 唔想再俾機會佢講任何野. 因為經驗告訴我, 佢講d野係多餘野.
我老公一向都好鈍, 鈍到我會忟. 佢當時俾我鬧, 我都知佢會覺得自己好無辜, 但佢就絕對唔會鬧返我轉頭. 如果佢好似以前咁, 因為情緒差就改自己個plan, 即係唔正正常常做手頭上的事, 我會嬲爆. 我老公前晚就如常咁繼續開飯.... 我就反而因為佢控制得咁好而欣賞佢, 而且仲覺得自己太燥對佢唔住. 我同佢say sorry.

你的性格跟她並不完全配合到. 大家都要為對方改變.是可以看成她與您結婚大家相處會今大家有此種反應，所以該檢討的是當事人所建構出的環境氛圍, 是否此樣行為/性格/態度是養成配偶的不當反應的原因. 如果真的很愛她, 要好好想想深層一點的事. 要認真, 平心而論, 將心比己的去思考; 如果大家互動得這樣吃力, 又是否合適再一起呢? 如果你老婆真的想快快樂樂活這一世, 我相信你原本的性格並不是可以跟她一世的男人. 大家一起不愉快, 你帶不到愉快給她. 有時你覺得A最好, 你給了A給她, 但她可能最憎A. 她喜歡B, 而你想也想不到她喜歡B吧..

多了解她喜歡什麼~ 當然不可能給她清單要她填給你, 那對她來說太沒意思了. 是誰都不喜歡機械人吧?!

她最愛那些愛情片? 多看, 那一定是她最憧憬的愛情生活. 你清楚她希望自己的丈夫要怎樣嗎? 當然並不是要你做完美情人, 零瑕疵. 但是你也不可能當個不合格的老公.

你要努力呀~ 如果大家不太配合, 一定要努力去越過這一關. 努力! 努力過後一定會嘗到甘甜的味道的.

[ 本文章最後由 alphabetagamma 於 08-7-25 13:19 編輯 ]
私人傳訊

alphabetagamma


珊瑚宮

積分: 108855

環保接龍勳章


9#
發表於 08-7-26 00:57 |顯示全部帖子
原文章由 abcde_song 於 08-7-25 22:17 發表


佢D 性格有D 似你, 好忟時邊個都發脾氣..........不過佢永遠唔會講對唔住的..........
我真係唔知佢鍾意睇邊套愛情片, 因為佢最鍾意睇恐怖片...........


我成熟左才會學識講對唔住. 最大突破係發我爸爸脾氣, 我爸爸無嬲, 我好內疚, 在發完脾氣後3秒內, 我喊住咁同我阿爸講對唔住, 那一刻我全家人都哭了, 說我大個女了. 那一次之後, 我發覺自己好意氣用事, 從此才改變了不少.

我老公做事懼首懼尾, 想做又怕人地唔鍾意, 一丁點都不可愛, 到最後咩都無做過. 你要人信你係愛佢, 你都要表現出來, 但又怕某些行為會令愛人不滿, 那就又不去做, 就算做錯了又有咩問題, 做得唔啱心意又有咩問題, 只要你真係想表現你的愛, 有誤會都可以化解.
我老公次次點菜都唔肯點... 因為怕我唔鍾意食, 出食邊間都要我話事, 就算叫佢幫我買外賣都唔知點叫....真係好忟. 我忟係, 你買得唔好, 我係衰格d會哦下, 但不會嬲佢囉.. 但係怕到唔敢買, 係咪男人來呢?? 我去到新餐廳試, 我都未試過啦... 邊個想食咩, 咪點咩囉... 唔試又點知呢? 又要我做決定... 想就下佢都唔得. 如果我又好似佢咁, 又怕佢唔鍾意, 又唔點, 咁唔洗點啦唔洗食啦~~ 跟住佢, 實餓死. 做咩事都怕錯, 佢自認內心係大男人唔想人話佢錯, 所以唔做決定. 我話人地有不同的意見, 唔想聽, 即係唔進步. 到後來, 佢明白了, 現在情況好轉了.
開朗的人點都好過收"賣"收"賣"的人~ 好似你話你打sms, 佢話你嘈瞓佢. 佢係直d啫, 都係表達下實際情況, 我成日都係咁同老公講, 下下都驚真係好無癮. 見你驚又要下下解釋俾你聽返, 真係會好煩好忟.
私人傳訊

alphabetagamma


珊瑚宮

積分: 108855

環保接龍勳章


10#
發表於 08-7-27 17:11 |顯示全部帖子
原文章由 abcde_song 於 08-7-27 08:05 發表


睇見你每次既回覆好次比我更加激動!!!
沉晚佢終於都係同朋友去睇戲, 可能一切都係我既錯覺!!
返到屋企十二點幾佢仲未返屋企(我知佢同個男人一齊, 但我既位置又有乜權去過問呢), 不過佢居然同我講星期一同我一齊同 ...


哈哈~ 係呀~ 因為我feel到你真係好愛你老婆, 都想你地大團圓.
唔好意思, 因為你某d性格真係好似我老公, 我老公都係好愛我的, 我地好辛苦再配合到. 所以加了自己幾錢肉緊... 希望你唔好介意~

所以你都估到我真人性格係點啦~~
私人傳訊

alphabetagamma


珊瑚宮

積分: 108855

環保接龍勳章


11#
發表於 08-7-31 17:43 |顯示全部帖子
佢同佢父母關係唔好. 可否借機叫佢回家呢?
私人傳訊

alphabetagamma


珊瑚宮

積分: 108855

環保接龍勳章


12#
發表於 08-7-31 17:53 |顯示全部帖子
咁樣~ 你唔洗話要特別開解佢. 肯聽佢講野就ok. 多一點表示"雖然佢唔開心, 但係你聽到佢講以前細個的事, 很舒服, 好想知多d.". 多一點認同佢, 話明白佢點解咁唔開心, 如果佢願意聽你講心事, 你也不妨講自己兒時的事. 因為我老公唔多講野, 但有時聽到佢講兒時趣事, 我真係好開心. 仲有, 講下趣事, 令你們的對話更有趣.

[ 本文章最後由 alphabetagamma 於 08-7-31 17:55 編輯 ]
私人傳訊

alphabetagamma


珊瑚宮

積分: 108855

環保接龍勳章


13#
發表於 08-7-31 18:20 |顯示全部帖子
似乎你太太真係敢作敢為的人. 正如我老公好明白我咩都做得出.
睇緣份啦~ 我覺得你迫唔到佢, 你對住佢最好都係今朝有酒今朝醉. 你驚都無用, 不如快快活活, 你想點做就點做, 唔好諗咁多老婆, 諗多一點你自己的人生, 除了你老婆外, 你好想快快樂樂是踢場波? 大吃一場? 去旅行? 總之, 你都要為你人生添多一點色彩. 你越多姿多彩, 你才會更吸引你老婆. 你要製造一個更精彩的你才會更吸引

[ 本文章最後由 alphabetagamma 於 08-7-31 18:22 編輯 ]
私人傳訊

alphabetagamma


珊瑚宮

積分: 108855

環保接龍勳章


14#
發表於 08-8-4 10:49 |顯示全部帖子
你老婆同你講佢洗晒d錢. 而你之前亦講過佢想要禮物, 未分開住之前, 你一直唔dar唔吊. 你係點好緊張錢財之類的呢? 你家庭一向係咪你當家的? 如果俾佢當家, 佢願意回家嗎? 你有無問過這類問題?

[ 本文章最後由 alphabetagamma 於 08-8-4 10:52 編輯 ]
私人傳訊

alphabetagamma


珊瑚宮

積分: 108855

環保接龍勳章


15#
發表於 08-8-4 11:49 |顯示全部帖子
真的是嗎? 如果一個人覺得自己在家的角色一向是配角, 你覺得感受會如何? 我老公投資理財好過我好多, 因為佢係做這一行. 而我投機心態都有, 但我同老公就係, 錢係我keep的. 但係點投資完全係佢話事的. 這個我feel到我老公好信任我.
如果你真係為了幾十蚊阻止佢. 我覺得佢會覺得自己連傭人都不如, 人地做傭人都會打工賺錢自己洗得開心自如. 自己在家中的感覺會很不被重視.
某些女人有很強烈的購買慾, 或者咁講, 係女士都會有強烈購買慾的期間, 我都有, 但現在成熟了, 發現saving的重要性. 但我起碼都crazy過, 那感覺很正的. 一來看到自己長大了, 一來我為過自己花過錢.
現在很多書都教女士要活得快樂, 不要虧待自己, 愛自己多一點, 不外乎叫d女性做下facial, 做下spa, 去下shopping, 去travel, 行下街. 這些都是要洗錢的, 先不去管它是否正確的理財觀.
但這確實會令一位女士自我意識更強烈. 一個人很需要自我的.

其實你真是愛你老婆, 但你知道她愛怎麼嗎? 要知道她愛什麼, 你才可以令佢快樂.
可能未必跟當家有關係.
但感覺上, 你仲未知道她想要什麼. 要用心去感受. 請原諒我咁直.
私人傳訊

alphabetagamma


珊瑚宮

積分: 108855

環保接龍勳章


16#
發表於 08-8-4 12:54 |顯示全部帖子
可否同佢講你個plan呢?
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見