自由講場今日: 167|主題: 1304734

收藏本版

發帖

返回列表

跳至頁

樓主: Fanny413

陳X誠醫生太過份喇!!! [複製鏈接]

siumuichu

大宅

積分: 1470

1^#

發表於 10-2-23 09:16 |顯示全部帖子

呢個醫生真係好差，我個女初生既時候都領過野~~話說我第一次做人亞媽，又唔識野，又緊張，見個女响醫院返黎之黎有d噴嚏，又營住營住佢條氣唔係幾順，就走去睇佢啦~~點知，同之前d媽咪講既一樣，一知道你有保險claim，就二話不說話要入院，又話又插喉，又話要驗呢樣果樣……大佬，我個幾日大b女，你話要同佢插喉，做人亞媽好驚架喎，佢又話入得院，有時d創傷性既檢查都無可避免……總之就有咁大就講咁大……最後，我地話要返去睇多晚先再決定入唔入院，佢居然講左句：『我叫你入院你唔入，到時有咩大家唔想見到既情況，我都幫你唔到架……』咁我就流住眼淚咁離開左~~~

第朝早，見個女都無咩改善，諗下諗下，雖然都唔係好鍾意呢個醫生，但係因為當時無咩醫生夠膽醫咁細個既b，個個都叫我地返出世間醫院，死死氣都打返電話比佢，話考慮左一晚，都係決定入院喇﹗點知呢個衰人十分小氣，仲猛話：尋日都叫你入架啦…… 總之講黎講去就話返你尋日唔聽佢講﹗

好衰唔衰，佢想我地去果間醫院 full 晒，咁我地話，咁不如去返bb出世間醫院啦﹗點知佢ee哦哦，原來佢話要過海咁遠佢唔去喎~~叫我地搵第個醫生……臨收線果陣，仲特登提醒我地，其實由尋日我地無聽佢話入院起，之後bb就算有咩事，都唔關佢事喎~~

咁衰既醫生我真係第一次見，連對初生bb都咁無愛心既人都唔知點做兒科醫生﹗

p.s. 我後來同呀女睇左第個醫生，呢個醫生好好耐性，話比我地聽係我地自己太緊張，個女根本無問題，仲攞左好多醫學書解釋比我地聽點解佢覺得無問題……佢話佢要醫既係我地既心，而唔係呀女~~~~

事隔咁耐 (我個女都開始返學喇﹗) 我都仲對呢個咁無醫得既醫生咬牙切齒……我平時好少留言，打中文都唔叻，今次我都千辛萬苦打我既經驗出黎比大家知道佢既『德行』﹗

多謝收看﹗

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

自由講場 今日: 167|主題: 1304734

自由講場今日: 167|主題: 1304734