Baby Kingdom - 親子王國 香港 討論區 › 首頁 › 興趣嗜好› 我的靈異歷程

興趣嗜好

收藏本版
發帖
返回列表
跳至頁
我的靈異歷程   [複製鏈接]

首頁
12345...20

尾頁
   600
mingmanchan


大宅

積分: 3657


1#
發表於 14-2-15 18:08 |顯示全部帖子
本帖最後由 mingmanchan 於 14-3-20 18:34 編輯

想講從小到現在成為法科弟子的靈異經歷，各位有冇興趣看？
手機板 目錄……第一單 54#，第二單 119#，第三單 123#，第四單161#282#355#，第五單382# ，第六單384#， 第七單432# ，第八單450#，第九單465#472#，第十單478#，第十一單509#，第十二單519#，第十三單540#，第十四單560#576#608#672#678#679#,第十五單706#766#800#802#818#868#899#915#937#955#989#991#992#1037#1057#1086#1127#1128#1171#1205#1209#1220#1222#1226#1268#
1281#1303#1347#1373#1453#1479#1520#1541#1547#1580#
1613#1693#1699#

點評

Michelleswift    發表於 14-12-30 22:00
can332    發表於 14-3-15 01:11
littlecarey    發表於 14-3-3 14:21
LOUJOY  勁!  發表於 14-2-23 00:31
mch410  http://www.edmondpoon.com/各位打電話去支持下  發表於 14-2-18 05:19
TaiLoBo    發表於 14-2-15 20:12
偷懶喵星人    發表於 14-2-15 18:55
私人傳訊

mingmanchan


大宅

積分: 3657


2#
發表於 14-2-15 18:45 |顯示全部帖子

回覆：我的靈異歷程

咁我由懂事講起
第一次見鬼是幼稚園時期，當時在黄大仙下邨居住，七層高要行樓梯，设有厠所，家家户户都在門囗煮飯那些……
有一晚，半夜大約兩三點，我聽到有人拍門，應該已拍左好耐，嘈到我醒了，爸爸媽媽弟弟們都好像睡得很熟，冇反應，於是我起身開門睇睇什麼事……
一打開木門，見到十幾個小朋友，站在門外，全部穿白長袍，樣子很正常，沒有恐佈樣，他們排列很整齊，手放後面，即係好像合唱團一樣，分開三排，高中低，每排約4至5位小朋友，對住我唱歌，我一隻手開住度門，一隻手卒眼，年紀太細，唔知究竟發生緊咩事，看住他們太约三兩分鐘，關門，再試吓開門，已經消失得無影冇蹤，家人們由始至終都在熟睡，咁我都返床繼續睡覺，到大個左先知，呢班小朋友應該係靈體來的
真人真事，記憶印象到現在都很深刻
其他經歷待續……

點評

janechan0405  同你報佳音  發表於 14-6-26 13:17
AmiJu  成日都有朋友話見過"報佳音"  發表於 14-5-7 11:35
bingzileung    發表於 14-2-18 10:19
fish魚  佢地唱咩歌？係咪合唱團咁報佳音呀？  發表於 14-2-16 11:02
falalala    發表於 14-2-16 06:29
kalonice    發表於 14-2-16 03:05
私人傳訊

mingmanchan


大宅

積分: 3657


3#
發表於 14-2-15 21:17 |顯示全部帖子

回覆：我的靈異歷程

第二單又係在七樓，大约一年級，到而家唔知点解釋，今次唔係見鬼，但好離奇，講出來唔知有冇人會信，可能當我係幻覺，但當時我感覺好實在，所以先記到今時今日……
那年中秋，家家户户的小朋友都出來玩，由於太細，重要帶住二個弟弟，阿媽唔准落街玩，我地只能在七樓走廊走來走去，我住三十三座，是最後一座，望出去好空擴，隔住條馬路，對面是黄大仙上村，我地跑呀跑呀，突然間我見到一個超級大的月亮在我面前，在走廊外半空中，伸隻手都摸得到，大到好似兩三間屋咁大，我嚇親，停低眼定定o晒嘴，好驚訝！雖然細個，但都知冇可能月亮咁大又咁近，其他小朋友又好似睇唔到，終於佢地跑到好遠返轉頭扯我走，我先識郁！
其他經歷，侍續……

點評

Picopapamei  我婆婆以前住過23座  發表於 14-6-27 19:50
mei524  我爸在32座地下有鋪頭  發表於 14-4-10 06:39
mei524  我爸在32座地下有鋪頭  發表於 14-4-10 06:39
everjojo  我住16座6樓  發表於 14-3-22 15:27
bingzileung    發表於 14-2-18 10:21
小雞脾媽媽  Ufo?  發表於 14-2-16 14:54
fish魚  呢個似ufo  發表於 14-2-16 11:05
kalonice    發表於 14-2-16 03:07
書蟲  我細過住32座6樓  發表於 14-2-16 01:29
Smiile  我有呢個經歷  發表於 14-2-15 23:42
私人傳訊

mingmanchan


大宅

積分: 3657


4#
發表於 14-2-15 21:50 |顯示全部帖子

回覆：我的靈異歷程

第三單發生在小學五年級，由於黄大仙下村要拆，三年級時搬左去順天邨
嗰年盂蘭鬼節，樓下大草地搭左神功戲棚，我同二個弟弟成日走落街去玩，又去聽大戲，剩係覺得好開心好熱鬧，一天下午，自己走呀跑呀，穿來插去，周圍原本好嘈好多人，突然間周圍静晒冇晒人，望望左右，望吓後面，轉返去前面，見到一條好短的橋，平時冇呢個景的，對面橋有個好英俊的小男孩，對住我招手，同我講:過來吖！過來玩吖！我又眼定定企响度望住佢，心諗去吾去好呢？但又覺得怪怪地咁，周圍D人唔知去晒邊，2個弟弟又唔見左，係味應該搵返佢地先一齊過对面橋玩呢，正當我考慮緊，突然間一眨眼周圍回復正常，好多人好嘈，跟住玩完返屋企無端端病左幾日，唔敢同大人講呢件事，驚唔比落街玩
如果當日我過左條橋，後果唔知會點……
其他經歷，待續……

點評

yukyuk1124  好彩你無行過去  發表於 14-3-22 15:26
SweetRosie  好在你冇去咋！  發表於 14-3-2 23:51
bingzileung    發表於 14-2-18 10:22
丫雅  如果你當時過左,就真係完了...........  發表於 14-2-16 16:48
lorrainenfai    發表於 14-2-16 09:22
falalala  嘩，  發表於 14-2-16 06:32
kalonice    發表於 14-2-16 03:07
celery  暫時睇到你第三個經歷，會繼續煲，多謝分享先。  發表於 14-2-16 01:16

私人傳訊

mingmanchan


大宅

積分: 3657


5#
發表於 14-2-15 22:07 |顯示全部帖子

回覆：adaleung717 的帖子

我當時冇陰眼，冇異能，只有奇遇
私人傳訊

mingmanchan


大宅

積分: 3657


6#
發表於 14-2-15 23:43 |顯示全部帖子

回覆：我的靈異歷程

到第四單上集，我大概十六歲左右，嗰時我大細佬中二，佢已經同個同班女同學拍拖，我爸爸媽媽離左婚，媽媽去左返工日日好夜返，冇人理我地三姊弟，屋企好似無掩雞籠，我細佬成日帶女朋友和同學回家玩，我又壞壞地成日掛住玩，退學唔讀書又唔返屋企……唉……
有一晚，我返到屋企，見到大細佬同幾個男同學，包括佢條女玩緊碟仙，我都唔記得我有冇加入一齊玩，佢地玩玩吓，突然間有人大叫，情況好混亂，佢條女發晒狂，全部人一齊都㩒佢唔住，好似癲左咁！攪左好耐佢話要去死，我地個個都好攰，佢開始安静下來，坐在地上垂低個頭，我地個個好驚一人二隻手捉住佢，知佢鬼上身，不過唔知点收科，又冇大人响度，咁佢靜左我就係咁call人機，（call機年代），我都唔知邊個可以幫到我，終於其中一個我條仔的朋友，我記得佢做厨房的，話即刻飛的來幫手，咁我地定晒形等佢啦！個情景好僵局，我見佢垂低頭坐响度咁耐，膽粗粗坐响佢隔離由佢下面裝吓佢個樣，唔睇由自可，一睇嚇死我，又好彩比我發現！佢條女塊面青色，双眼碌到好大好兇，在企圖咬緊脷，我即刻大叫:佢要咬脷自殺呀……点算？我大細佬唔知聰明定on9,伸隻手去頂住佢D牙，吾比佢死！流左好多血呀……
好長，要訓，明天再續……

點評

丫雅  我就係怕呢d野,所以由細到大都唔敢玩碟仙  發表於 14-2-16 16:51
falalala    發表於 14-2-16 06:36
kalonice     發表於 14-2-16 03:08
私人傳訊

mingmanchan


大宅

積分: 3657


7#
發表於 14-2-16 10:03 |顯示全部帖子

回覆：我的靈異歷程

多謝各位棒場，今日好忙，要去剪彩，比D時間我
私人傳訊

mingmanchan


大宅

積分: 3657


8#
發表於 14-2-16 11:11 |顯示全部帖子

回覆：我的靈異歷程

第四單中集
我大细佬比佢咬住隻手，流晒血，痛到面容扭曲，佢條女又開始掙扎，终於厨房佬拍門，我去開門，厨房佬入屋望一望我地，剩係講左一句說話：嘩！乜攪到咁大件事呀！佢行左去騎樓(井字形公屋的露台，我地叫騎樓）面向天一隻腳响度踎地，不停咁大约踎左幾分鐘，我地一邊㩒住細佬條女，一邊望住厨房佬，根本唔知厨房佬在什緊什麼，（而家知道佢是在標僮，不過乜都標唔到）佢係咁踎踎踎左一陣，之後轉身不發一言自己開門走左去，我地唔明就有人講:咁即係点呀？攪掂左架拿？我又去call佢機，問佢即係点，佢復機說：我幫吾到你地，你地玩到咁！自己諗辨法啦！我求佢不如上返來先啦！佢直頭cut我線，因為當時我諗住最大係我，厨房佬二十幾歲如果肯返來，多個大人响度壯吓膽都好吖！点知佢咁樣走左去，由出事開始計，不停在角力，都過左成二個鐘有多了，我地筋疲力盡，鬼上身嗰位都開始冇力，佢好似想暈想暈咁，面色由青轉白……待續
私人傳訊

mingmanchan


大宅

積分: 3657


9#
發表於 14-2-16 17:45 |顯示全部帖子

回覆：我的靈異歷程

比D時間我，今日好忙，明天會打多D，我今晚返屋企會整返post的資料在首頁
私人傳訊

mingmanchan


大宅

積分: 3657


10#
發表於 14-2-16 21:43 |顯示全部帖子

回覆：我的靈異歷程

第四單下集
大細佬條女想暈想暈咁，巳冇乜掙扎，扶佢瞓上床，大細佬看住佢，望吓鐘，差唔多11点，有二個同學驚比阿媽鬧走先，淨返二個決定陪我地送條女返屋企，隻鬼嗰時應該走左，我大細佬半扶半抱半抬佢條女，和我同二個男仔一起由順天邨行去秀戍坪，條女一路都好似好虛弱咁，冇乜力，行咗成個鐘終於到達佢屋企門囗，拍門，佢呀媽一打開門，我見到對住門囗有個幾大座的神壇，佢阿媽又好奇怪咁冇問冇鬧冇講野，我覺得佢呀媽D反應唔係好正常，好似知道咁，淨係走出來扶佢個女返入屋，佢地企在神壇前，佢呀媽即時同佢帶左條練，跟手條女攬住呀媽喊得好凄涼，佢媽一邊攬女一邊用隻腳關埋木門，全程冇人講過任何嘢，佢2個同學各自回家，之後我都冇再見過條女來我屋企喇，我同我細佬唯有身心俱疲咁又由秀戍坪行返順天，上到樓上，出左，離遠見到一個黑影在家門囗，我地唔敢再行，再望真D，係一個男人，背住企正在我家門囗，我同大細佬点睇都唔知究竟是乜水，唔知係人定鬼，企响囗又唔敢返屋企，終於诀定拍鄰居梁太門求助，我住井字形公屋，出囗轉左第8間係我屋企，出囗轉右第2間就是鄰居梁太屋企，可对到正望到我家，我地扮冇鎖匙等阿媽返來開門，梁太比我地入佢屋等，間中望吓個男人都重係企响門囗，望吓望吓，終於有一次望返屋企，見着左燈，阿媽返左來，個男人唔見左，我地即刻開門返家，見得阿媽一個，問佢返來時見唔見門口有人，佢重問返我轉頭：咩有人？我地都冇同阿媽講呢件事，走去訓覺……
呢單算係完，但之後到我，同呢件事有關，……待續，請收看第五單
私人傳訊

mingmanchan


大宅

積分: 3657


11#
發表於 14-2-17 12:43 |顯示全部帖子

回覆：我的靈異歷程

本帖最後由 mingmanchan 於 14-2-17 13:06 編輯

第五單
繼第四單之後我地姊弟都吾敢再玩碟仙銀仙筆仙了，出事之後嗰段時間我的記憶好模糊好零碎，個人好虛浮，成日都好迷，有一日，唔知咩原因，点樣識的，有一個住秀戍坪的青年男人，好似叫阿Ben，話要幫我們，成日去我家，提供了很多經文給我們唸，又講好多道理，過了约一頭半個月，佢唔知發現D乜，定我做左D乜我自己唔知，佢直頭在我家睡，當時期我一時好清醒，有時又好像發緊夢咁，所以D記憶好亂，可能阿Ben發現我有問題，有一晚，佢在我家，佢唔瞓，坐响度等，我睡到半夜一兩点突然坐起身，發作唔知講D乜，大吵大閙九唔搭八，佢在旁又安撫又唸經，跟住我又訓返，過一陣，大约三四点，我又突然起身，好緊張咁衝去聽電話，（阿Ben一直都坐喺度，個電話根本冇響過）我係有對話的，內容大概係我聽到有人同我講，阿邊個邊個出左事，好嚴重，我答我即刻去救佢，收線我就好激動咁，大叫快D快D搵人去救阿邊個邊個，（一路到今時今日我都講唔出係乜水打來，乜水出事），全家都被嚇醒，起身坐晒喺度，((其實由開始睡到呢一刻，我都係唔知自己有呢D行為，係屋企人同阿Ben話返比我知))，跟住我開始清醒時，知道自己做緊乜時，我地係全部人圍埋一讀緊經文，原來我收左線後，佢地見我咁激動，阿Ben就安撫我，我同家人一起係咁重復咁讀經，開始時我讀唔到，九唔搭八咁，佢地一路照續，我慢慢讀到少少，如是且大約一小時，我越讀越順暢，人就越來越请醒，阿Ben坐左一陣，同我講返頭先我做乜，之後見我冇事就走了，我之前覺得阿Ben係儍佬一名，因為佢成曰無端白事走來我家搵我地，今次之後我開始覺得呢個人高深莫測，好似係個天派佢嚟幫我。佢送左三尊好細的佛像，和一些過左膠的經文比我地，我就咁放在一個半身高的櫃面上，記得其中一個係彌勒佛，其他兩個唔知係乜。放左一兩年度，應該比我阿媽裝修時掉左，因我嗰時成日都唔返屋企

後話：之後Ben都係隔幾日就出現在我門囗，幾次入來坐一陣就走，跟住連屋都唔入望一望就走，有一次來到叫我跟佢落街，佢揸架貨van車左我去荒山野嶺，我個心重諗佢唔知係唔係想攪我，佢停左架車同我傾偈，傾左一陣佢比左D錢我，叫我以後好好做人，跟住開車車我返屋企樓下，嗰次係我最後一次見到佢，幾年後，我細佬响街撞到阿Ben,見到佢穿迦纱做左和尚.

其它經歷...............待續
私人傳訊

mingmanchan


大宅

積分: 3657


12#
發表於 14-2-17 13:58 |顯示全部帖子

回覆：我的靈異歷程

第六單
十幾歲時，有一晚，嗰時尖沙咀有一間酒廊，冇記錯好似叫富麗華，我同二個朋友男性去聽歌，聽聽吓緊係去厠所，離開轉左個湾，聽到有人在後面大叫我全名，我自然反應毫無考慮令轉身，當時双脚冇郁，只係上半身拎轉頭，見到漆黑一片，什麼人都没有，深不見盡頭的空間，眨幾次眼都係呢個晝面，我今次知道自己又瀬野，我望返前面又回復正常，我當冇件事繼續去厠所，出去聽歌，人地話聽到有人响後面叫你，千奇唔好拎轉應佢，我雖然犯左呢個禁忌，但之後都冇因此而有事，有病，今次比我過左骨！
其它經歷……待續
私人傳訊

mingmanchan


大宅

積分: 3657


13#
發表於 14-2-17 19:05 |顯示全部帖子

回覆：我的靈異歷程

係味Ben揸貨van嗰part呀？
私人傳訊

mingmanchan


大宅

積分: 3657


14#
發表於 14-2-17 22:33 |顯示全部帖子

回覆：我的靈異歷程

冇D晒毛
私人傳訊

mingmanchan


大宅

積分: 3657


15#
發表於 14-2-17 22:34 |顯示全部帖子

引用：冇D晒毛

原帖由 mingmanchan 於 14-02-17 發表
冇D晒毛
更正，冇晒D毛
私人傳訊

mingmanchan


大宅

積分: 3657


16#
發表於 14-2-17 23:39 |顯示全部帖子

回覆：我的靈異歷程

越多毛越好
私人傳訊

mingmanchan


大宅

積分: 3657


17#
發表於 14-2-18 13:10 |顯示全部帖子

回覆：我的靈異歷程

第七單……嗰時我太約二十二歲，生左個女，原本在九龍租套房住，想住大D，搬左去粉嶺D村屋，好偏僻，要在联和虚坐幾個字van仔，落車再行十五分鐘先到，係業主的祖屋，二層高，間屋好大間，樓下係二個大廳，大厨房厠所，樓上三間大房，厠所，周圍冇乜屋，環境日頭鳥語花香，夜晚陰深恐怖。
搬入去第一晚，半夜睡在床上看電視，我條佬在旁熟睡中，電視播緊粤語殘片，我睇睇吓想訓，对住電視又光又嘈，又懶唔想起身熄左佢，咁就用張被蓋埋塊面，摭住D光，咁隻耳都係聽到粤語熟殘片聲，過左幾分鐘，突然間靜晒，咁我好奇揭開塊面張被望吓個電視，見到個畫面係，打直一條條鐵枝，隻窗的角度是在天花板，有似監牢的窗，跟住有個長頭髮的女人，由右邊開始在鐵枝外，首先見到D頭髮dum落來，慢慢扒住咁在窗外爬行，隻手捉住D鐵枝，跟住見到個身，我再望真D，個樣咁熟口面嘅，咁似我自己個樣，佢爬到中間，我開始好驚，点解會見
到自己响電視爬住隻窗出現，唔敢再睇，攞張被冚返個頭，個心諗，我有隻一模一樣嘅窗在床頭位置，咁頭頂隻窗係咪有鬼扮我個樣，在窗外爬行，在電視機換左角度反映出來，唔知点算好，隔左一陣，我又聽到粤語殘片聲，我先敢打開張被望吓，一切又回復正常。
以上呢單比較難形容，唔知大家睇唔睇得明！
其它經歷……待續

點評

蜜棗  哎吔，我都係住粉嶺舊村屋，落車又要行十幾分鐘，不過我有陀觀音  發表於 14-3-6 00:08
falalala    發表於 14-3-5 02:13
K.K.NG  貞子  發表於 14-2-18 15:57
CurryCheng  超驚  發表於 14-2-18 15:26
私人傳訊

mingmanchan


大宅

積分: 3657


18#
發表於 14-2-18 19:05 |顯示全部帖子

回覆：我的靈異歷程

我唔記得邊度，住左半年，超黑仔
私人傳訊

mingmanchan


大宅

積分: 3657


19#
發表於 14-2-18 22:34 |顯示全部帖子

回覆：我的靈異歷程

打左大半冇咗，激死，又要再寫過
私人傳訊

mingmanchan


大宅

積分: 3657


20#
發表於 14-2-18 23:26 |顯示全部帖子

回覆：我的靈異歷程

第八單……嗰期去在做地產，我做嗰間地產係專營黄埔新邨，黃埔花園的，經理吩咐我地幾個新人,二個人一組去睇晒公司的鎖匙盤，去熟習一吓環境，咁我同個女仔一組，攞住一大堆匙遂間去睇，經理交帶落每次入門前都要按門鐘，等一陣先好入，話說係行規來的，行每一間我地都入去周圍望吓，睇吓D裝修，間隔，座向，睇左好多間都冇乜問題，差不多到黄昏，去到黄埔花園其中一個大單位，呢間期數樓齡都好新吓的，咁我地照按門鐘，等左十幾秒就用鎖匙開門，一打開大門已經有陣大風撲埋來塊面度，心諗可能之前冇關窗扯風咁啦！當時都就天黑，咁入門囗第一件事就開燈先，見到呢個盤有好多傢私的，連吧抬都有，又新淨，算係豪裝，望去排窗度，冇開到，都係有風吹來吹去的感覺，我同個拍擋對望左一吓，我個心已經覺得間屋有D唔妥，有D恐怖感自動由個心發出來，D毛管洞起，因為如果有野我會有呢個反應的，我又唔知個拍檔有冇feel,大家都係新人又唔熟，所以我响度扮鎮定，過左個廳有條長走廊，見到有四度門，當我正想行入去睇吓嗰陣，我個拍檔突然間好驚咁大叫:呀！佢咁叫法嚇死我，我都即時叫埋一份，即刻你扯我我抓佢咁一齊衝住走去門囗，我手快快熄埋燈即刻嘭埋度大門，我唔知佢發生咩事，衝落樓下企埋一邊一齊响度抖大氣，問佢做乜，見到D乜，佢話入到屋已經覺得好驚，跟住好似有人向佢吹氣，所以，其實我地分别都覺得間屋有鬼……
其它經歷……待續

點評

CurryCheng  等你寫...唔好急...不過要快...驚驚  發表於 14-2-19 11:22
私人傳訊


首頁
12345...20

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見