印第安公主 發表於 14-10-26 15:06
去馬莎買粉藍色packing茶包
另外買黑白奶同任何牌子煉奶
以下係一杯嘅份量：
小煲中放250ml水煲滾，放3個茶包，蓋上蓋，留一小條縫，滾起計小火煲3分鐘
呢個時候，杯中放4.5湯匙（西湯湯匙）嘅黑白奶同半至一湯匙煉奶喺杯底，我個人較鐘意帶DD苦，所以只落半湯匙煉奶，想甜D，加多半湯匙
開蓋，轉大火，用湯殻壓下茶包，煲多一分鐘左右，熄火。
從高處倒茶入杯，之後，最最最重要：用湯殻壓埋茶包入面嘅精華出嚟！
我夠膽講，你跟足的話，呢杯奶茶好飲過好多茶記！但一定要跟足，我家工人大帝煲咗六年先免強合格。不過，係佢5聽我嘅指示，同我呢條formula無關。
如果你係日日飲，可以去12蚊店買個薯仔茸工具用嚟壓茶包，效果更佳。5係成日飲，就喺超巿買包裝嘅黑白奶啦！一大罐5係日日飲，又要諗點用埋成大半罐！
發表於 
返回列表
