自由報料 今日: 3 | 主題: 293039

積分: 1388

41^#

發表於 05-10-23 10:56 |顯示全部帖子

Re: 投訴案例

轉貼

[size=medium]沙田第一城銀城商場英記糖水(3/10

有件事真係不吐不快,今日我去沙田第一城銀城商場英記糖水, 上幾期睇飲食男女"的士佬推介"專欄介紹一間所謂食糖水mango西米露同炸鯪魚球好食果間, 完全不知所謂呀, 人稱英姐, 我諗係老板娘果位, 對顧客之態度完全係好"hill"張, 鄰枱有一男一女之客人向果位英姐order炸鯪魚球, 阿英姐大聲同人喝道, 頭先咪話左賣晒囉, 該2 人包括坐在鄰枱的我們都感到大惑不解, 人家明明剛進來坐下, 她跟客人說"我已經把最後一客賣左俾隔離啦, 頭先咪講左囉 !!" 女的便感到不值說," 我怎知你幾時賣過d咩俾人呀???" 阿英姐還要聲大大同人講: 咁你咪再睇下食咩啦!" 女的感到氣頂便與男友人走人! 之後阿英姐就大大聲同其他店員講: 邊個黎先咪賣俾邊個囉, 你話係咪先?" 我和朋友都覺得佢係咪因為間舖俾什麼雜誌寫過下就以為上左神枱???
講番食物, 糖水一d都唔正, 恙汁撞幻似奶水, 楊技甘露淡而無味 ........食野期間只係聽到個英姐把街市婆聲不停訓示d員工, 其中一句係 "下次唔好俾咁多蛋白人呀!"???? 唔知又諗咩宿數! 我們都認為此地不宜久留, 匆匆閃啦, 埋單去到櫃面, 原來係要阿英姐親自收錢既, 果頭俾左張單佢, 佢居然立即問我枱頭上邊張單係我既? 我話我點知呀, 你自己咪攞左囉?" 我心諗, 你都short short地架? 於是佢走番埋去我坐張枱計番我地食過d咩囉! total $47, 佢找$52, 我出到門口先發現, 1蚊都要呃, 就當俾乞兒! 我諗番轉頭佢當時問我枱頭果幾張單邊張係我既都有蠱惑呀, 佢以為我會猶豫不決真係去睇邊張係, 咁佢就會攞張多d既黎計, 但佢又估唔到我一口答佢:我點知呀, 明明果頭先俾左你!" 佢先詐帝, 但都蝕左1蚊便個賤婆!
我諗我以後有人請都唔會再去食囉!!!

私人傳訊

積分: 1388

42^#

發表於 05-10-24 10:37 |顯示全部帖子

Re: 投訴案例

轉貼

[size=medium]不知所謂的垃圾自助餐廳-巴西燒烤餐廳(2/10)

二月十四日晚，我們十二人包括一個十歲及三個六歲小朋友電話預訂了晚上九時卅十分於尖沙咀明輝中心巴西燒烤餐廳用自助晚餐。因為是年初六及情人節的關係，收費比平時高51%，並且大小同價，更要於九時十五分前到達。我們準時到達餐廳門口。當時只見人山人海，連電梯旁也站滿了人。約九時卅十分，接待員叫訂了

私人傳訊

積分: 1388

43^#

發表於 05-10-24 10:42 |顯示全部帖子

Re: 投訴案例

[size=medium]黑店雅典居

http://hk.geocities.com/dycompanyltd/index.htm

私人傳訊

積分: 1388

44^#

發表於 05-10-25 10:07 |顯示全部帖子

Re: 各式騙案

轉載

[size=medium]疑遭催眠婦人拱手奉獻金鏈(5/05)

騙徒利誘稱幫搬貨可賺三百元

騙徒想盡辦法斂財，繼前日出現的「法術黨」後，昨日又有「催眠黨」。一名中年婦人在土瓜灣遇到三名男子，對方邀其搬運貨物，在傾談間中年婦懷疑被人催眠，迷糊地向騙徒獻上一條值四千元的金頸鏈。事主事後回復清醒返家報警。

遇事婦人姓鄺（四十七歲），住在紅磡樂民新村樂群樓一單位，昨午約二時，她行經土瓜灣道與馬頭圍道交界，一名年約五十歲、身材肥胖男子向她搭訕，聲稱有一批貨物需要搬運，急於要人幫手，若她有興趣可賺取三百元酬勞。

現場消息指，鄺婦見有錢賺一口應承．並跟隨該男子前往附近海心廟公園搬貨，抵達後再遇上另外兩名男子，他們向鄺婦指稱，稍後將有紙箱貨物運來，她只需看管貨物，在等候期間，三名男子與她傾談，懷疑騙徒施展催眠術，鄺婦感覺迷迷糊糊，不自覺地解下金頸鏈交身材肥胖的騙徒。

當三名「催眠黨」登上的士離開後，鄺婦才如夢初醒，惟有返家將遭遇告知家人，由其姓李兒子報警。鄺婦向調查警員稱：「只係同佢地講野，唔知點解會畀左條值四千元頸鏈」，事後警員將她及家人帶回現場兜截，最終並無發現。

「法術黨」再犯案

另外，「法術黨」昨日亦在葵涌犯案，上午十一時，一名四十多歲女子，向住在荔景村和景樓姓李（六十八歲）老婦搭訕，問她有沒有興趣搵工賺錢，其間另一名女子出現聲稱可以「變錢」，並即場示範。

懷疑李婦一時貪念，由銀行取來六千五百元交對方變法術，兩女騙徒將現款放在膠袋施法，其後將膠袋交還李婦，當她返回家中，發現膠袋內只有三個蘋果，方知受騙報警。

私人傳訊

積分: 1388

45^#

發表於 05-10-26 20:38 |顯示全部帖子

Re: 投訴案例

轉貼
[size=medium]荃豐商場不法商人 (1/05)

請各位好心人事, 幫我地forward傳開去, 打擊不法商人~~~~~~事原2005年1月22日, 我有個朋友就黎生日, 咁佢老婆想個老公開心, 她偷偷地去左荃豐二樓扶手電梯口一間鋪頭買PS2遊戲機。咁鋪頭標明$1,380一部薄PS2 + 一個手制及送5隻game, 因為她對遊戲機都係一知半解, 就信以為真係比附近鋪路頭買平$200, 就去買啦。點知間鋪頭個男人(翁先生), 話比她知, 因為係水貨, 要換一個轉換變壓火牛, 如果要玩到翻版game就要改機, 但唔包零件及人工。咁個翁先生話幫佢整好一set, 連加多一個手制 & Save咭 ........(相信好多朋友打開機都知,要加呢幾樣野, 都唔會太貴)........... 點知埋單係$3,228, 咁她真係以為一set係要咁貴, 而且為左個老公開心, 就無所謂, 照比錢............用EPS, 跟住果個翁先生仲衰到第一次話過唔到數,再要她再過多一次數, 但又唔比番頭一次張收據 & 打上台Cancel, 即係前後過二次數,合共 $7,456好彩她都醒目......問佢拎番頭一張收據, 同埋打上台cut數, 咁先無咁大件事。張單價錢以下: PS2 + 一個手制 : $1,380 (正常價錢, OK都可以接受, 不過佢比台灣水貨) IC : $400 (改機零件) 改機人工 : $400 (正常價改機人工連IC零件只需$150) 8M Save咭 : $399 (正常正版 $130左右, 但佢比翻板) 原廠手制 : $199 (正常正版 $130左右, 但佢又比翻板) 轉換火牛 : $450 (有無攪錯呀, 我出鴨寮街買, 都唔做洗$100) 合共 : $3,228 (差D比人呃共 $7,456) 但正常價錢 + 一個手制都只不過 $1700-1800左右) 即日果晚她送比個老公, 她老公一問一睇張單, 就好唔開心, 因為個老公知道佢老婆比人呃左。咁我個朋友話左比我知, 我就幫佢地去鋪頭追究, 不過我唔使講, 大家都知係無得追討......最多去消費者委員會, 或者海關投訴....作用不大~希望大家記住, 唔好去荃豐二樓果間新天下遊戲機專門店(依家又轉o左名叫 '天堂電玩')買野啦, 以我所知, 間鋪頭轉過好多次名, 又比警察追查過, 二來佢同地下個間新世紀遊戲機專門店打龍通.........所以用此E-mail傳給全港市民, 合力唔好幫襯, 等佢受到應有懲罰。請各位特別小心, 佢o地間唔中最鍾意搵o的女仔睇住間舖, 色字頭上一把刀, 唔好比佢地個樣 or o的說話呃到你呀, 大家行過記得應清楚佢地個樣, 等佢地冇機會再出來呃飯食, 有心買機o既朋友, 去地下個層近商場近廁所個兩間鋪頭, 呢兩間鋪頭可以話係最老實, 鋪頭名我就唔講, 費事好似幫人做廣告咁, 你/妳地係都唔信小弟o既話我都冇你辦法, 你/妳錢多未比錢買個教訓囉........

[size=medium]黑店 - 荃灣荃豐中心新天地(2/05)

本人與友人於2月14日於上述所講既黑店購買一部PS2, 佢標價住$1350, 於是我問$1350 係咪包晒改機, 所得回覆”是”. 到我地試完機真係買既時候, 果位有”胡SO” 既男士就開始一輪咀好快咁講話粒IC $400, 問我地要咩火牛… $450… 問我地要咩MEMORY CARD.. $399… 我地買多左一個手製$199… 最後埋單$2798…由於本人對遊戲機一無所知… 所以亦不誤有詐地付款…

回家後… 發現機背花晒…同埋火牛亦不是原廠…. 於是打落去投訴…. 佢地亦十分友善叫我拎返部機落去換… 友人落去換… 佢比另一部機我友人….. 但係部機鋪晒塵…但店員仍然堅持部機係新機同埋得返果部機… 同埋話個火牛”””算””” 係原廠架啦喎!!! 本人與友人已深知被騙… 可是也沒有辦法啦… 邊個叫自己買果時無CHECK 真呀… 加上該店店員係店內PACK 晒所有野… 無比我地望…

跟住再比我地發現張MEMORY CARD 唔係原廠咭….$400 買張流咭?? 仲要最後係SAVE 唔到DATA 既!! 於是本人於2月15日打電話落該店鋪到查詢… 店員回覆…. 拎返落黎換返比我… 係我地換MEMORY CARD 前我地去了葵芳行街… 發現別人所賣的原廠MEMORY CARD 只售$140!!!! 真是十分可惡….

最後本人於今晚(2月17日) 回該黑店理論要佢地退回$400給我… 可是因為果位有”胡SO”既男士正值劏緊另一條水魚… 所以另外的店員拖我地… 話要等老細樓下果間鋪既老細話事… 佢話唔到事.. 順帶一提… 佢同basement 另一間遊樂機鋪係同黨黎既… 一落扶手電梯左邊果間…當該名於你買機時懶好人亦十分友善有”胡SO”既男人劏完另一條水魚… 就開始”招呼” 我地啦…問完咩事後講晒粗口咁你老母前你老母後… 仲話佢有客係到… 我地係到嘈… 如果佢個客走左係咪我地賠… 咁鬧返我地轉頭!!! 本人不甘友人被辱罵… 於是一手搶回佢話換比我果張原廠MEMORY CARD… 然後離去!!

希望各位看見此MESSAGE的朋友不要去該間黑店及其”友”店購買任何東西…

名稱: 新天地
地址: 荃灣荃豐中心地下(對住扶手電梯.. 隔離係時裝店)
電話: 2493 4444
店員: 一名有”胡so”既男士.. 一個眼大大既後生仔… 一個長頭髮既女仔

其”友” 店

名稱: 新世紀
地址: 荃灣荃豐中心地庫(一落扶手電梯左邊果間.. 隔離係vcd鋪)
店員: 一名你問佢野佢唔想答你咁既樣既後生男士… 成日係到聽住歌.. 店內有售賣二手ps2 的

請各位小心!!!! 小心!!!! 及forward 此message 給所有朋友!!!

私人傳訊

積分: 1388

46^#

發表於 05-10-27 09:03 |顯示全部帖子

Re: 各式騙案

轉貼

[size=medium]認親認戚黨呃婦四萬(8/05)

「認親認戚」黨騙徒又再出現犯案！葵涌一名中年婦人，接獲自稱兒子來電，表示在澳門欠債，慌忙按照指示存款四萬元入指定戶口，及後騙徒貪得無厭，再次索款才引起可疑，婦人立即致電報警。警方正追緝騙徒下落。

訛稱兒子賭輸錢

被騙的女事主姓黎（五十一歲），與一對子女同住葵芳邨葵智樓。

前日下午五時許，黎婦接獲一名自稱是兒子的來電，指在澳門賭輸錢，要她存款四萬元到指定戶口，否則會有性命危險。女事主慌忙四出籌錢，至昨凌晨零時才將款項存妥，但「兒子」又再來電要求再存四萬五千元，她頓覺可疑，與女兒商量後報警。

此時，事主兒子致電回家，表示因為忙於工作未有接聽家中來電，查問下始知母親受騙，並確定沒有到澳門賭錢；警方正循戶口追緝騙徒下落。

警方再次呼籲市民提防認親認戚黨騙徒，接到來電時不要猜想對方是誰及說出親人的名字；要保持冷靜，不要立刻按照來電者指示行動，按平日聯絡親人的方法即時聯絡對方，確定他是否需要協助。多提出疑問，如屬騙局，騙徒便會馬上知難而退。

私人傳訊

積分: 1388

47^#

發表於 05-10-28 09:58 |顯示全部帖子

Re: 投訴案例

轉貼

[size=medium]大家剪髮小心啲(7/05)　

希望大家剪髮小心啲、本人親身經歷在將軍澳廣場1009號鋪剪髮，當剪到耳仔髮腳位突然耳仔痛咗一下我知到仆街呀，當時我即時止血我諗我當時止血大約都有20分鐘左右，雖然可能有一小塊耳背肉仔剪開，但係成間發型屋只係得幫我剪髮嗰個髮型司同我講咗二句（唔好意思）當我可以話剪完髮走，但係佢呢間（十狗）鋪頭剪髮錢夠胆照收我佢都得囉，可能我仲痛緊唔知點解我會照彼錢：都唔知日後有冇剪髮恐懼症,希望大家到上址飛髮要自己考慮吓啦!
（電梯上左面第一間）

私人傳訊

積分: 1388

48^#

發表於 05-10-29 14:56 |顯示全部帖子

Re: 投訴案例

轉貼

[size=medium]油麻地大型日式黑店(8/05)
本人要講不愉快經歷。
八月＋三日本人與多名友人去大久保用餐，食任飲任點任食Buffet 。問題長列於下：
一。名不符實、結賬時發現與宣傳單張寫的不一樣。
二。欺詐、宣傳單張寫任飲任點任食，但一些飲品和食品要另外加錢，還要按人頭計。但哪些食品在宣傳單張列在任食在列。
三。點了磯煮鮑等的食物永遠不送來客人手上，騙人。
四。經常走單。
五。不是我們點的食物卻經常送來。
六。叫肥牛火鍋只有兩片肥牛，肥牛下卻是一大堆菜、粉絲等，還衰過酒樓。
七。四眼骷髏頭經理服務很差。
八。它們鄰近幾間房都空著，竟然還說沒房趕客走。
九。侍應經常不理人。
十。食物不新鮮，懷疑是隔夜的。
＋一。就是不要光顧他們，去消費者委員會投訴。
--------------------------------------------------

case2(4/05)
因某雜誌廣告吹虛並送九折券，所以 3月 20日中午12時我約同家人一行十多人幫襯油麻地 "大久" 日本菜餐廳任點任食 ,不但食物難食杯茶仲有隻昆蟲，我為免掃大家興所以要求另杯便算數。
點知所有落的單好像給人減了一半份量你要 10件便給你6 ，之後再落的單更是時有時無。到了 1:30 副經理便來說這是我們最後一次落單了，我們向他投訴之前所落的拉面單和壽司還未有送來所以肚還空著，他便對我們說之前的不要管了，你們現在再給我新單我會親自跟進。
我們便唯有再落兩碟壽司交給來吹埋單的經理，誰不知經理一看便很不高興地說一共 72件你們吃不下的，我們便也立即投訴跟本我們是在等多過食連我們 8歲的小孩也未飽。
經理無奈地把單收下，等了一會拿上來的兩碟壽司總共也只有 42 件，十多人一人三件也不夠，當經理找錢回來時我們再跟他理論才再拿來兩碗拉面。
食一餐任點任食壽司好像在街邊討飯吃一樣，各位還用親自嘗試嗎？

私人傳訊

積分: 1388

49^#

發表於 05-10-30 12:49 |顯示全部帖子

Re: 各式騙案

轉貼

[size=medium]廣告公司騙案
case1(10/05)
我尋日行街比一個講廣東話唔正的女人叫我,問我著開咩side衫碼,我話大多數我都係買中碼啦,佢話佢公司係做貿易公司,離左批日本衫想搵我這類身型幫佢試吓,都係影d衫版比d客睇反,重有人工比反我,如果我身型啱嘅話,以後次次都搵我呀,叫我跟佢去去公司,又話好近喎,咁我反正放工無約人,我咪跟佢去睇吓囉,見佢係女人,如果男人我就唔會去啦,去到原來都有好多好似我咁樣比d人帶上離嘅人都有好多,跟住佢同我入左一個room都幾大,真係有d衫放係room入面,有個女人攞左兩套衫比我試,跟住幫我化左小小妝,就幫我影左兩,至三張相左右,之後叫我出去等左一陣,原來都有好多好似我咁樣,我等左一陣有個話佢自己係經理嘅人見我,佢話我身型同高度都好適合佢地公司用,不過d皮膚就差左d,佢地公司可以介紹一間佢地用開嘅美容做公司比我,差不多成七千幾蚊呀,可以做成廿幾次喎,我覺得都幾貴,同埋如果我要join都唔會join佢啦,咁我話無錢,佢地話可以用信用咭都得,我咪話我無咭呀,我出離做左幾個月嘢咋無咁多錢.跟住佢話咁可以買住十次先啦三千蚊,做過好先再join啦,我話我都係無咁多錢,我反屋企考慮吓先啦,佢話因為你第日都會係我地公司幫我地影衫版啦,唔想見到我d皮膚咁差,影出離都唔靚啦,我地d客會唔鍾意呀,話比我可以續次join喎,問我想join幾次試吓,嘅然佢咁問,我話一次試吓先啦,我得幾百蚊咋,幫我book左聽日去做,我先走得咋,第日我都唔敢再去啦,....,不過佢打比我我都唔會聽佢電話啦...
--------------------------------------------
case2(10/5)
本人於(銅鑼灣怡和街道)被一名三十幾歲的女人(特徵:口音像內地人)兜搭，並游說為其公司試衫辨服務，(位於怡和街42-44號華人銀行東區大廈22樓龍豐有限公司，到達該公司後，我看見該公司門口放著各式各樣的衫辨，其後由另一名女人(大約三十歲)帶本人到一間會客室由另一名聲稱為某批衫辨負責人(中年女人)，此名負責人要求商度本人穿衣的尺寸,並向本人解釋其公司是即時支薪的,即每接一個job，於完成後即負現金，本人聽後覺得吸引，並說出由於該公司的化妝師已經離職，所以要求本人以同一大廈內的美容院做facial等以享用美容院的免費化妝服務，而且不停地說此份工作可另本人賺回美容費用，所以本人相信了該公司。此衫辨負責人帶本人到同一大廈內的十九樓”雅蘭纖體美容中心”選購美容服務，到達後，由一名聲稱為該美容院的經理(特徵:眼大大,窈窕身材)接見，由於主要目的是想享用美容院的化妝服務，所以該名經理堅持是公司要求顧客選購一年至半年以上的計劃才可享用此服務，由於她聲稱這服務只是獨家的，又我聽到她又說得很便宜,所以我給了約二萬八千多元的一百次服務計劃，本人用了信用卡簽賬，預約做facial。由於該名衫辨負責人中途離場回去二十二樓工作，所以本人傾妥美容服務後，致電負責人。該負責人詢問本人何時預約了美容服務，於是吩咐本人做完facial後，到其公司試衫辨，並且詢問本人美容院的會員號碼，接著便離開。
我興奮地掏出電話打給朋友(女仕)，問問她有沒有興趣一同參與工作，但是，她說我已經被人欺騙了，還話了一大推道理，把我點醒了。我馬上至電美容院的負責人，問問她能不能夠退回金額，但負責人一口拒絕，我無奈收線... ...請問,我應該怎樣辦呢?
-----------------------------------------
case3(10/05)
我該怎麼辦? 其實我都看到了很多人被這家公司騙了,如果大家有心,我們可以一起去報案嗎?
本人於銅鑼灣駱克道被一中年女人(大約四十歲)兜搭，並游說為其公司試衫辨，於是跟該女人到其公司”誠達行”(位於駱克道496-498號合亞大廈十樓，到達該公司後，我看見該公司門口放著各式各樣的衫辨，其後由另一名女人(大約四十歲)帶本人到一間簡陋的會客室由另一名聲稱為某批衫辨負責人(中年女人)，此名負責人要求商度本人穿衣的尺寸,並向本人解釋其公司是即時支薪的,即每接一個job，於完成後即負現金，本人聽後覺得吸引，而且此人出示了一張fitting model的合約給我看,並說出由於該公司的化妝師已經離職，所以要求本人以同一大廈內的美容院做facial等以享用美容院的免費化妝服務，由於合約內有一項註明了如三個月內沒有工作，本人可携同認可的美容院收據向該公司取回已付出的美容費用，而且不停地說此份工作可另本人賺回美容費用，所以本人相信了該公司。此衫辨負責人帶本人到同一大廈內的廿一樓”儷盈纖體美容中心有限公司”選購美容服務，到達後，由一名聲稱為該美容院的經理接見，由於主要目的是想享用美容院的化妝服務，所以該名經理堅持是公司要求顧客選購半年以上的計劃才可享用此服務，由於金額太大，本人根本未能支付，所以一口拒絕，其後該經理為了遊說本人付款購買服務，所以由一萬百元的六十次服務計劃100次的服務計劃，本人用了信用卡簽賬，預約做facial。由於該名衫辨負責人中途離場回去十樓工作，所以本人傾妥美容服務後，致電負責人。該負責人詢問本人何時預約了美容服務，於是吩咐本人做完facial後，到其公司試衫辨，並且詢問本人美容院的會員號碼，接著便離開。
回家後，心感被騙，於是回憶事件經過，發現一些問題，雖然合約註明可取回美容院的服務費用，但是問題在於本人未曾簽署該合約。究竟我有沒有辦法可以取回我的錢
之後我去了四次...
第一次只係照相唔洗試衫,佢俾o左$100車馬費
第二次試o左2,3套衫...有$150
第三次試o左1套...有$150
第四次(9月25日)又係1套...有$130
我也好想取回我的錢耶...
-----------------------------------------
case4(9/05)
我在銅鑼灣被一名貌似國內人的女子問及本人穿什麼size的衣服,她說她工作的garment公司急需要一些身材大眾化的人試一些衫版,整体意思是如果我的尺寸適合,用一個小時多幫她的公司試那些衫既樣版可賺取一百多元,她說想知道我的尺寸,她說可用幾分鐘到她附近的公司度一度尺寸,於是我便上去看看。
到了A公司,有一位女子量了我的尺寸,她向我介紹工作,說幫她們試casual wear一百多元,試evening dress 三百多元,工作時間不會影響正職,我問她一個月大約有多少鐘頭的工作,她說一年四季也有,她有n個同事,剛有一人辭職,她們每月大多賺三千多元,她給我一張form,叫我填一些個人資料,又對了我的身份証,問我識唔識人幫我化粧,因為試了的衫有些需要照相給客人看,她說附近的一間美容院幫她的同事免費set頭化粧,因為那些女同事是該美容院的VIP member (在那兒做Facial)和A公司每年給B公司n萬元作按金,整体意思是如果我要做那份試衫的工,我先要成為那美容院的VIP member。對話中,她又多番追問我正職上班的時間,又常說好趕人用,又問我第二天或之後幾天試衫得唔得。
她帶我到樓下幾層的美容院(B公司),A公司的女子和B公司的一位年約二十多的女子閒談了一番,像很久沒見(扮無關係),然後B公司的女子立刻幫我做收皮膚分析,A公司的女子說以免樓上的同事等她收工而離去一陣子,B公司的女子介紹她公司的美容服務,不久A公司的女子回來,在她們的一番介紹和游說後,我簽了around 10000的咭數,買了所謂35次的facial treatment,VIP card上寫了九個月後expire的date,B公司的女子又立刻問我何時可以做Facial,約了我第二天的一個時間。
回家後看到antimodelcheat的網站,我才醒覺中了她們的計,覺得很傷心和羞愧。
我致電給咭公司、消委會及警方,咭公司及消委會的其中一個建議是我可以再去B公司看看有沒有B公司所稱的Facial service,看見其他網友再上去是有Facial 的服務,那是不會搜集到理據去取回card數的! 唔洗刺卦!!! 仲想再上去比人玩咩(我唔想再接觸好可能是「社團」的人士)!我也不用去証明A公司其後沒有安排工作,她們當然做戲做全套以免比人告!
她們十分skillful,整個過程沒有講過"Model"或「模特兒」,她們用open-ended questions再加D錯誤引導,又扮到不pushy,聲稱的美容服務和工作的價錢也沒誇張(與市價相若),希望將來警訊的短片可以拍多幾個Versions,巿民不一定會在被威迫的情況下被誤導去錯誤地買東西或簽contract的。
----------------------------------
case5(7/05)
利維有限公司(Polysberg Ltd) - 事件經過:
1. 一個大約四十歲既女人係街截停你, 不停同你講你好啱佢公司, 叫你幫下手(期間不停同你講佢地唔係騙人的, 係一間正當公司), 見到佢真係好似好等人用, 半推半就同佢一齊上佢公司(好似一間細廠, 裡面有衫板, file內有布板....);
2. 填表後一個大約二十幾歲既女人同你度身;
3. 稍後一個三十幾歲既女人同你interview, 內容好認真架;
4. 入正題喇, 話要化專業妝, 問你有無相熟, 如果無可以介紹(強調同佢公司完全無關係, 又話如果join左美容, 但佢公司唔再聘用你時就會比番尾數你);
5. 一齊過去隔離間美容院 - 盈姿纖體保健中心(Y.Z. Fitness Health Co), 一開始會叫你join 100次, 如果有異議就一路減, 務求搵到一個你肯比既價錢;
6. 心諗反正join左都可以做美容同纖體, 無所謂喇, 都唔會蝕底;
7. 但第一次做已經好似有問題; 做面唔夠細心, 做完mask後重衰過未做;
8. 做纖體時又唔夠專業, 加減肥膏又話要加一個印(即是算一次美容, 但明明張紙度寫有4項目, 但原來其中兩項係唔可以單獨做既, 一定係做機時連埋一齊);
8. 講述完......總之................唉
9. 原本我都覺得我係好醒目既, 但原來佢地既手法重高..........今次就當係盲中中入錯左美容院喇

私人傳訊

積分: 1388

50^#

發表於 05-10-31 12:01 |顯示全部帖子

Re: 各式騙案

轉載

[size=medium]債仔集團專呃財務公司(30/10/05)

蠱惑行騙集團招攬急於求職人士及手頭緊「師奶」，提供偽造工作證明、銀行月結單及公司印章，串謀向財務公司詐騙貸款逾一百萬元，警方商業罪案調查科採取行動，昨日拘捕廿四名男女，其中四人為首腦及骨幹成員，其餘為甘受利用借錢的債仔，警方仍追緝五十名在逃債仔。
商業罪案調查科警司陳敏然昨稱，警方過往只發現有個別騙徒以虛構資料，向財務公司騙取貸款，今次是首次揭發騙徒以集團式運作，他相信該個集團已被完全瓦解。
該個行騙集團於今年五月開始，在報章刊登分類廣告，聲稱「急聘工人、天天出糧」，或「毋須入息證明、可借快錢」，誘騙無知市民上當。

「飛線」假扮僱主
不少手頭緊或急於覓得工作人士按廣告聯絡集團成員，相約在茶餐廳見面。成員在摸清楚他們的背景後，誘使他們串謀行騙財務公司，所借款項由一萬五千元至十二萬元不等。貸款獲批後，集團抽取五至七成作佣金，其餘則由出面借錢的債仔「落袋」。

不法組織在取得「應徵」人士資料後，落足工本為他們偽造各式各樣的文件，包括聘用證明信、入息證明及銀行月結單等，甚至偽造公司印章蓋印，以取得財務公司信任。

至於財務公司查核債仔的資料時，會根據工作證明致電其「僱主」查證，惟電話「飛線」至集團成員的手機，表示債仔為其僱員，瞞天過海。

集團成員又在寓所偽造文件，其中假銀行月結單，是利用掃描機將真正的銀行月結單掃描到電腦上，更改資料後印出。至於偽造的工作證明以物流公司為主，其中一名債仔被虛構為受聘葵涌一間物流公司為行政主任，月薪一萬五千元，入職半年。

警方在看到集團刊登的廣告後，認為可疑，主動出擊進行放蛇調查，掌握目標人物線索，探員於大前日（周四）及前日（周五）採取行動，大舉搜查港九新界多處地點，共拘捕二十四名男女，包括三男一女（十九至卅歲）涉嫌首腦及骨幹成員；四人被落案檢控串謀訛騙罪，明日在觀塘法院提訊。

其中涉案主腦（廿七歲）及一名骨幹成員，是於三日前正帶同一名「求職者」到觀塘一間財務公司貸款時，被探員拘捕，當場搜出一批偽造文件。警方又在另一名成員位於西環的住所，搜出由他協助製造的偽造文件。

五十債仔仍在逃
至於其餘被捕的二十人，包括九男十一女（十八至五十四歲），為串謀行騙的債仔。警方相信尚有五十名債仔在逃，由於他們用自己的身份證向財務公司借貸，相信很快便可緝獲歸案。行動中又檢獲十個假公司圖章，一批偽造文件及手提電話等。

警方相信最少有五間財務公司受騙，涉及金額逾一百萬元，而其中三十萬元是借予該二十名被捕債仔。警方呼籲財務公司在批出貸款時，應該審慎處理。

私人傳訊

積分: 1388

51^#

發表於 05-11-1 11:25 |顯示全部帖子

Re: 投訴案例

轉貼

[size=medium]注意~!大家買機千萬唔好去呢間黑店(04/05)

堔水步黃金商場地下17號高達公司我去買機, 點知有勁多碟係玩唔到既! 正版and x 版都係, 同埋部機勁易熱, 玩唔到15分鐘部機就熱到死, 呢d都唔在講la, 條友仲賣左兩個假手制比我, 我比既係堅野既價錢, 我知道左之後就走去同佢講la, 諗住叫佢換過部機比我la(佢話有乜問題一個星期有換), 佢就話:你玩唔到係你d碟既問題唔關部機事wor(我試既係正版), 之後佢拿隻老反出來試點知佢隻碟都唔得, 佢就話係咪我改過d野(我心諗買左唔夠3日點改?) 跟住佢就話拿去比師父睇下la, 跟住4個鍾後佢打來話係粒ic 有問題換既要錢wor~!!!我咪小7佢囉, 跟住我打返比個間野問點解要錢係你賣俾我個部機本身就係有問題, 佢話賣俾我個時係全新無問題, 仲話係我搞過部機wor, but最=p都係佢連主機送o個個手制都係流既~!! 所以大家認住呢間野(高達公司)搵笨既黑店係o係黃金一入去上幾級樓梯直行入去個間, 店面係個死肥仔, d 頭髮染左少少金毛既.

私人傳訊

積分: 1388

52^#

發表於 05-11-3 00:55 |顯示全部帖子

Re: 各式騙案

轉載

[size=medium]旅行社黑名單和行騙手法(3/05)

以下是旅行社黑名單,請各位注意:
星月,佳盈,實惠,博康,樂途,新怡,力寶,卓越.全部都是做賣自由行package的.

行騙手法1.(**)
其實例牌到暈,D人睇報紙的價錢,和上到去係兩件事.你打電話去,就什麼都話有,但你上到去時,唔係話無機位,就係無酒店,總而言之,令到你一肚火 :yiu:

行騙手法2.(****)
你上到去,比了訂後,就即時同你講酒店要過兩日至可以確認.但係一定會話你訂的酒店full了.叫你補錢換第二間酒店.最慘就係你比的訂金是不可能取回的.總之局你比錢.

行騙手法3.(*****)
專門欺騙只買機票的人.假設你想買去東京的機票.門面價錢是1700,但你入去問時,佢就同你講full了,同埋話只餘下小量票,只有他們才有辦法取得,而你只須要比3000大元.
總之就摶命拋你心理.但你比錢出票後,就會知道仲有好Q多機位剩.當你想回水時,發夢啦 :30: :30: :30: :30:

破解方法1
你上到去同你講的價位相差很遠時,就話"無計喇,我預算就係得咁多.唔夠錢我都無辦法"跟住走人

破解方法2
你想訂但酒店佢如果話要過兩日至confirm到,假設你想訂的是"池袋太陽城太子酒店".而且付了訂金後.果時你要佢在單上寫明"如池袋太陽城太子酒店或機位無位時,訂金全數退回,其他酒店和航空公司,一概不接受",而且要那個員工簽名.
如此一來,有什麼事都可以拿去消委會告佢,佢地一定輸硬 :10: :10:

破解方法3
佢地一面打電話"check"機位時,你就同一時間打去航空公司check.當佢話無而航空公司話還有大量機位時,他們的奸計即時釋破

40:

至於那間旅行社是好的,名單如下:
安運滿fun,安達,東瀛遊,

私人傳訊

積分: 1388

53^#

發表於 05-11-3 01:23 |顯示全部帖子

Re: 各式騙案

轉載

[size=medium]警方銅鑼灣拘兩女子疑以不正當手法欺詐 (2/11/05)

警方在銅鑼灣拘捕兩名女子，懷疑她們以不正當手法欺詐。

兩名女子，年齡分別二十和二十四歲，由探員押上警車。警方表示，收到投訴指，有人假借海洋公園名義，在街頭向市民進行問卷調查，期後又致電被訪者，藉詞贈送禮品，向他們遊說參加一些旅行計劃。警方呼籲市民不要隨便透露個人資料，以免被人有機可乘。

私人傳訊

積分: 1388

54^#

發表於 05-11-3 15:05 |顯示全部帖子

Re: 投訴案例

轉載

[size=medium]藥房售影射產品牟暴利(3/11/05)

港府口口聲聲保護知識產權，嚴打盜版產品，但法例卻存有漏洞，令不法商人有機可乘。記者發現在市面有不少藥房公然將一些「影射產品」，以魚目混珠手法出售予顧客，除消費者被騙外，正牌產品亦蒙受巨大損失。有受害生產商及代理商指曾向生署及海關求助，惜兩部門均指「影射產品」不屬其監管範圍，只可從民事追究，他們促請政府將影射刑事化，以保障生產商及消費者的權益。

「旺角有藥房賣假，大家千祈唔好去度買啊！」最近有網友在互聯網討論區留言，表示日前曾在旺角一藥房購買娥羅納英軟膏，怎知開啟後發現樽蓋的顏色，由原本的朱紅色變成白色，白色的軟藥膏亦變成透明狀。網友曾要求藥房職員更換，但對方斷然拒絕。

本報記者日前再到該藥房，以顧客身份向男職員清楚表示，要購買一瓶娥羅納英軟膏，該男職員二話不說從櫃台內取出數個朱紅色包裝盒，並說：「你要大盒定細盒，大盒四十蚊，細盒二十蚊。」記者驟眼看產品沒有甚麼異樣，於是選購了一盒細包裝，並要求職員開出收據，但他只在收據列明售出軟膏，沒有寫上產品牌子。

包裝相像其實有分別
記者其後在超級市場購買的另一瓶娥羅納英軟膏，對照之下，發現與在旺角藥房購入的軟膏有所分別。雖然兩者包裝盒設計及顏色相像，若不細看會以為是同一類產品，但其實有甚大差別，例如在超市購買的貨品標明是「 H 」軟膏及皮膚疾患創傷治療劑，但在旺角藥房購入的卻列出是「 H2O 」軟膏及日本國專科皮膚創傷護理劑。記者向娥羅納英生產及代理商查詢，證實在旺角藥房購入的是「影射產品」。

「公司 ○ 二年開始，發現有藥房向顧客出售影射產品，但生署話只係化妝品，唔屬於部門監管範圍，話幫唔到我。」娥羅納英 H 軟膏代理商聯大藥業化妝有限公司董事羅世榮表示，由 ○ 二年至今，他們發現市面至少有三種以上的「影射產品」在部分藥房出售，該類藥房多在新界舊區例如屯門及元朗，遊客區旺角亦有藥房故意售賣「影射產品」。而近兩年售賣「影射產品」的情況愈趨嚴重，令其原裝產品銷量下降百分之十。羅稱，代理商在 ○ 三年接獲兩宗顧客投訴，指使用軟膏後皮膚感到痕癢，經代理商調查後，證實為「影射產品」。

不含西藥兩部門懶理
娥羅納英生產商香港大塚製藥有限公司市場經理王立標指，自獲悉有「影射產品」後，公司曾於 ○ 三年聯絡海關及生署，但兩個部門均表示未接獲市民投訴，加上涉及產品只屬影射，並非翻版假貨，兼且不含西藥成分，故此兩部門未能跟進處理。眼見「影射產品」愈來愈多，王稱該公司曾將「影射產品」化驗，發現該等產品完全沒有藥用成分，純粹是一盒「白色軟膏」。

「我感到好無助，點解政府冇部門監管影射產品，政府應該修例將出售同生產影射產品，變成刑事化，令影射品唔會市面流通。」羅世榮指該類產品無論在包裝設計及說明等均有影射之嫌，例如原裝產品在樽蓋面註有「娥羅納英」的日文名稱，「影射產品」在樽蓋當眼處亦印有一行「日文」（意思是「皮膚」），另有「影射產品」印有幾個國語拼音符號（驟眼看以為是日文），明顯是欲魚目混珠。

羅稱，由於「影射產品」不是冒牌貨，他們只可從民事追究，對於部分藥房出售影射產品，亦無可奈何。為打擊「影射產品」，羅指公司已於 ○ 四年在包裝盒加印雷射商標及賣廣告，「影射貨品，每盒生產成本好平，藥房賣影射貨，利潤好高，但我只可以從民事去追究，希望政府部門可以快監管。」

私人傳訊

積分: 1388

55^#

發表於 05-11-4 15:43 |顯示全部帖子

Re: 投訴案例

轉貼

(10/05)
訂做傢俬的綱友請小心以下呢間在荃灣青x公路的傢私店
叫"雅x傢私設計公司"
用料差
手工差
服務差

本人試過好不愉快的經歷訂做二萬元傢俬竟然做到不三不四,善後服務非常之差,令本人受一肚子氣
奉勸各位綱友要小心選擇

私人傳訊

積分: 1388

56^#

發表於 05-11-5 14:30 |顯示全部帖子

Re: 投訴案例

請繼續支持!thanks!

私人傳訊

積分: 1388

57^#

發表於 05-11-5 14:32 |顯示全部帖子

Re: 各式騙案

轉載

[size=medium]北上面試見工　主婦險破財(29/10/05)

近年香港發展旅遊業，該行業提供職位有所增加。有家庭主婦被一則招聘旅遊助理的廣告吸引，見毋須學歷經驗亦可入職，遂應約跨境到內地面試，期間被要求提供銀行戶口資料及身份證號碼，事主覺事有蹊蹺，幸而銀行戶口存款不多，沒有損失。警方提醒市民，在公眾地方面試或獲邀跨境面試，須提高警覺。求職者如覺僱主可疑，不要貿然交出身份證、銀行卡及個人戶口密碼等資料。

讀者袁小姐四十多歲，是家庭主婦，早前見到一則招聘旅遊助理廣告，毋須任何資格便可應徵。為幫補家計，她根據廣告電話致電，接聽男職員約她到上水火車站會面，並稱屆時帶她往文錦渡與公司負責人面試。
存款不多避過一劫
袁小姐表示，她如期應約，並跟該男子過關到文錦渡一餐廳會見兩名自稱是公司負責人的男子。他們了解其家庭背景後，便稱月薪有七千元，會為她供強積金，向她索取強積金編號。

她稱沒有，他們便訛稱透過銀行櫃員機可翻查該編號，隨即帶她到附近一部櫃員機查看，惟輸入私人密碼後銀行根本沒有顯示任何關於強積金的資料。

她續說，該兩名男子之後向她索取身份證及回鄉證號碼，稱要到文錦渡閘口替她辦理手續，囑她返回餐廳稍等。她等候期間，陪同她一起過關的男子突然收到電話，並告訴她當日沒有旅行團需要接待，叫她回港等候通知。回港後袁小姐感到可疑，回想到櫃員機查閱資料時可能不法之徒見她戶口存款不多，才打消念頭，沒採取進一步行動，她對險墮求職陷阱捏一把冷汗。

提醒求職人士警覺
勞工處發言人表示，求職者被要求繳付費用，必須問明用途，正當公司很少要求僱員負擔費用；而求職者不要隨便交出身份證、銀行卡或支票等重要文件，遇有懷疑，亦不要簽署任何合約或授權文件，免招致損失。

她建議求職者搵工時要持平實態度，不要輕信不需經驗、學歷，但人工甚高及福利甚佳的招聘廣告，對公司背景資料、職責範圍及行業應有粗略認識。

警務處防止罪案科表示，真正僱主只會在營業地點或招聘會進行面試，如有自稱僱主人士要求在公眾地方進行面試，或獲邀越境面試，卻連面試地點也不清楚，求職者便應提高警覺。警方提醒市民，在熟知僱主背景前，切勿透露身份證或銀行戶口號碼等個人資料，在任何情況下不應將身份證明文件、提款卡及個人密碼交出，亦切勿向僱主提供任何金錢或預付現金。

私人傳訊

積分: 1388

58^#

發表於 05-11-6 12:31 |顯示全部帖子

Re: 各式騙案

轉載

[size=medium]設局呃貪平客　手機代理走路(6/11/05)

手機產品如雨後春筍，品牌亦五花八門，最近市面更出現了一些「仿名牌」的平價手機，不少人貪其功能多，但價錢只是「名牌」的一半，還以為是執到寶。但購入後，當手機出現問題，才發現完全沒有保障。有消費者日前購買此類平價手機，即日便壞掉，並交回代理商維修，誰料其後代理商店舖人去樓空，據悉有近百部同樣待修的手機同時下落不明，涉及金額達十多萬。有業內人士指出，現時 2G 手機市場競爭劇烈，小型代理商隨時出現周轉不靈，其代理手機的售後服務當然難有保證，消費者宜小心免墮入這類陷阱。

「我見部手機個款唔差，功能又多，同韓國機一模一樣，但價錢就平近一半，仲以為執到筍，點知咁快就壞。」張先生上月十日在深水埗鴨寮街一間手機舖，看中一部牌子名字與韓國某名牌手機十分相似的平價手機，遂以一千三百多元購買了一部，但當晚已壞掉，翌日他攜同手機回到手機店要求更換，但店員指未有同款手機，建議他到手機包裝盒印上的代理商自行更換或維修。

上月十五日，張到深水埗一間電腦商場內該手機代理商（一間貿易公司）的店舖，將手機交給職員，職員隨即開了一張維修單給張，指兩日後便會有回覆。不過，到了十九日，張發覺代理商音訊全無，致電該代理商，亦無人回應，於是親身回到該代理商深水埗店舖，發現店舖空無一人，張先生見無法聯絡代理商，上月廿七日報警求助。

店舖上鎖數十客中招
據悉，該貿易公司只是這款手機其中一個代理商，而該貿易公司亦有代理其他牌子手機。記者昨日到貿易公司店舖查察，發現大門已鎖上，商場一名管理員向記者表示，已近兩個星期無人到上址開舖，這段時間內有五六十人曾欲取回維修手機不果，當中有人曾經報警。記者亦到深水鴨寮街的手機店舖頭查看，其中有兩間不約而同表示有十多部這個牌子的手機拿去維修後未能取回，亦有店員表示知悉該代理商近日失蹤，故再沒有出售該代理商的手機，亦有店員指附近一帶有不少手機舖曾向該代理商買貨，估計連同代理商一起「失蹤」的待修手機有近一百部，更建議記者暫時不要購買手機包裝盒印上該代理商代理的手機。

警方發言人證實，曾有人因上述事件向警方求助，但因該公司未有倒閉，只能列作暫時「聯絡不上」，未有涉及刑事成分而作備案處理，暫時亦未有涉及多少部手機或金錢的統計，但強調其他受害人可向警方求助。

質素參差趕出貨賺錢
一名手機業內人士表示，目前市面上有些不知名的平價手機，其實是由一些小型代理商在內地落單製造，再批發銷售，除其質素參差外，部分更是冒充其他較著名的手機牌子，故品質及售後服務均缺乏保證。業內人士續指，市場預期 3G 手機會陸續取代 2G 手機，內地不少小型 2G 手機廠紛紛趕出貨賺錢，令市場競爭非常劇烈。

根據消委會的數字，今年首九個月有關手機的投訴數字為一千二百一十宗，而去年全年則有一千三百五十八宗，當中包括手機易壞、維修服務出現問題等。消委會發言人表示，消費者若遇上代理商「走路」的情況，可向該會作出投訴，但一般都難以追討，因此消費者在購買手機時，應該選擇有信譽的牌子或代理商。

私人傳訊

積分: 1388

59^#

發表於 05-11-7 13:56 |顯示全部帖子

Re: 投訴案例

轉貼

[size=medium]油麻地"上海源發餐廳"(服務態度差)(4/05)

個到野食只可以話係普通,又貴,個到D職員好似唔休做咁,服務態度差.......
問佢有冇粗幼麵揀,佢就一句得埋黎,唔知佢聽錯定點,答非所問........
大件道理咁話粗麵冇得揀煨麵.......
我都唔係問佢lee樣........
可惜叫個個唔係我,我冇得窒返件友.........
食物速度慢......叫個酸辣湯又鬼死咁耐先到
好彩我唔係趕時間
到個湯黎,又係人地個頭上面過,
我即刻話鬼佢,做乜係人地碩頂過,淥到人點算
不過,得到個伙記既答覆係:
我做左五十幾年野,唔會有事既!
我又忍唔住串佢,人總會錯手既.......
食左煱貼+担担麵+酸辣湯+肉絲煨麵=$120
我唔會再去架啦
個到係彌敦道上海源發餐廳

私人傳訊

積分: 1388

60^#

發表於 05-11-8 10:56 |顯示全部帖子

Re: 各式騙案

轉載

[size=medium]偽冒模特兒公司

手法

不法之徒會在街上接觸受害人，或在報章上以掛名公司名義刊登廣告，游說受害人預繳一筆費用拍攝個人影集或參加培訓課程，以換取一份回報豐厚的模特兒合約。可是，當受害人付出大筆金錢後，先前的承諾卻未能兌現。騙徒為保障自己，會要求受害人簽署具法律約束力的文件，使受害人受有關公司所約束。在很多案件中，受害人發覺繳付了攝影或訓練費用後，仍欠有關公司一筆金錢。

建議

1.切勿輕信街上藉詞接近的人；
2.不要單獨前往模特兒公司的辦事處。未滿十八歲的人士，應由家長或監護人陪同。不論什麼年紀，最好由朋友陪同，這樣可以為公司的失實陳述提供佐證；
3.若無法充分理解合約內容，切勿簽署；
4.避免預先繳付費用，尤其是現金；
5.若有人答允給予報酬異常優厚的模特兒工作，應抱持懷疑態度；
6.要求對方出示證明文件，並加以細閱；
7.若有人慫恿你不要詢問親友的意見，應提高警惕；
----------------------

[size=medium]欺騙手法例子

傳統手法:
模特兒的公司職員在街上接觸途人，指稱可以推介擔任廣告工作，投訴人以信用卡支付大額「按金」，委任該公司為經理人﹐費用由六千元至二萬元不等。公司答應在完成工作後可以退還，但從未有介紹過任何有酬勞的工作。公司又安排投訴人拍照，收取相當可觀的費用。

變種手法:
(一) 佯稱為時裝公司職員；
(二) 物色半職模特兒試衣辦；
(三) 聲稱應徵者須美容護膚及纖體服務，費用二萬至三萬元不等；
(四) 其後時裝公司並沒有安排工作。

當投訴人希望追討時，往往發覺非常困難，從合約的角度而言，表面上時裝公司(模特兒公司)與美容院之間並無合作的關係，而時裝公司亦無任何合約列明會給予投訴人確實的模特兒工作及給予確實數額的酬勞。因此，只要美容院按合約完成單據上所答應的服務，亦可算已完成合約，消費者宜小心為要。