婆媳關係今日: 1|主題: 27702

收藏本版

發帖

返回列表

跳至頁

查看: 10615 | 回覆: 159

12 3 4 5...8

積分: 7839

1^#

發表於 12-7-25 16:09 |只看該作者 |倒序瀏覽 |打印

本帖最後由 joechan1999 於 12-7-25 16:57 編輯

上文提到自找嫂同無賴哥離婚, 99又搵我地去講一大輪廢話. 其實由無賴哥講左離婚開始, 自找嫂都做左好多野去補救呢段婚姻, 因為點都有2個小朋友. 比如自找嫂會煮定飯等無賴哥返黎食. 不過呢無賴哥一係天光先返. 一係就同第3者食左飯先返屋企. 所以佢都係冇食自找嫂煮既飯. 自找嫂又會同個仔出去接無賴哥收工.不過無賴哥好似被迫夾返屋企甘. 而且無賴哥對仔女既不聞不問. 自找嫂真係忍唔住. 仲不停問我可以點做. 我好坦白同自找嫂講站係朋友立場, 我會叫佢離婚. 站係親戚立場我會叫為小朋友諗下. 始終我身份問題. 自找嫂都明不過佢都想捱得一日得一日. 好可惜自找嫂搵99同無賴哥傾. 又搵自己媽媽同無賴哥傾. 結果都係一樣. 無賴哥要離婚, 仲要搬出去同個女人住. 到左呢一刻自找嫂真係發狂了, 佢叫左佢妹妹同埋對仔女. 一起上99屋企同99 + 無賴哥講數.

無賴哥一早係99屋企等自找嫂. 自找嫂上到去就問無賴哥到底咩事要出去搵女人. 點解死都要即刻搞離婚. 無賴哥話根本佢唔想結婚, 係自找嫂搵個肚迫佢結婚. 而且無賴哥一心搵自找返黎係照顧頭家, 做個好老婆. 點知自找嫂又懶, 飯又唔煮, 仔又唔湊成日返外家. 甘呢個家有冇都冇分別. 而且咩都係錢為上. 無賴哥問自找嫂拎錢用好似去乞甘. 一D都冇當無賴哥係老公. 自找嫂聽到就火都黎, 自找嫂就講由結婚, 租屋, 生BB, 到買屋, 傢俱電器, 有咩係無賴哥或佢屋企俾錢嫁. 除左首期個10萬之外(註:當時係9成按揭), 咩都係自找嫂俾錢. 識用唔識搵. 結婚甘耐出去食飯都係自找嫂俾錢. 甘點叫唔好. 講到底都係無賴哥好賭成性. 結左婚就只係去賭. 對屋企都係冇貢獻. 自找嫂連99都剷埋. 話99唔識教仔. 一日都係99縱到無賴哥甘樣. 無賴哥先會搞到今日甘.

無賴哥見99俾自找嫂鬧, 就即刻出聲同自找嫂講, 佢呢世人只係最愛99, 其他女人都可以唔要. 99見無賴哥甘為自己, 又出埋聲一份. 話自找嫂根本睇唔起佢地屋企. 話有咩事而家都叫自找嫂去出席, 都唔叫我同C6. 點解要甘做,就係想自找嫂同無賴哥做當家. 點知自找嫂對99/62屋企既事一D都唔投入. 仲成日都黑晒口面. 而且又成日返外家. 99話自找嫂知唔知自己已經係嫁左人. 即係佢屋企既人, 咩事成日返外家. 自找嫂唔驚俾人笑嫁. 知唔知佢甘既行為搞到99佢地好冇面. 自找嫂話無賴哥成日唔返屋企, 佢唔返外家唔係守係間吉屋到呀. 而且個女又係外家, 返去見個女都唔得咩.

99係呢個時候自爆左無賴哥之前欠債既事. 99同自找嫂講, 唔好睇佢間屋好似乞兒甘. 呀無賴之前賭錢輸晒, 99一晚就幫佢搞掂左30萬返黎. 所以佢有錢都唔駛同你地交待. 都唔好以為佢冇錢. 唔係咩事首期個10萬話俾就俾. 而且99話唔好以為你地2個有咩事D仔女留俾99就可以. 99話佢一個孫都唔會要. 仲推4磅仔走, 又即刻走入房執晒4磅仔D野出黎. 叫4磅仔返婆婆到. 以後唔好返黎. 99話佢養到個仔甘大都未俾佢受個委屈既. 點知娶左女人返黎搞到個仔飯都冇得食. 見到就心痛. 呢D女人要唔要都算數. 到呢個時候, 自找嫂就話既然一個甘愛個老母, 一個又甘愛個仔. 你2個攬住一起跳樓死. 無賴哥推左自找嫂去露台叫自找嫂先跳落去. 係推撞一輪之下. 自找嫂個妹叫無賴哥停手再係甘就報警. 大家係呢個時候都停左落黎. D小朋友又嚇到不停喊. 自找嫂就一個湊2個細既離開. 自找嫂話唔會就係算. 佢要99同無賴哥將佢之前付出既錢要佢2個還返.

一場大龍鳳係個甘混亂既情況下結束. 如果大家想知道故事既發展, 請留個言支持下丫. THANKS!