chingchingmom 寫道:
HIN_bb:
最心水梗係聖保羅男女, 不過簡直係發夢無咁早; 聖保羅男校就夠近, 不過又係好難入, 附近仲有好多例如聖類斯/高主教/ 救恩等等, 都或者會報定先, 睇下有無人收佢啦. 官津首選, 暫時都係般咸道官小. 不過仲有2年先到佢, 睇下到時D制度又改成點啦.
你出年要報啦喎, 有乜心水呀?
hinhinmummy 寫道:
chingchingmom
唉! 家家有本難唸的經. d工人真係好鬼死衰, 懶得就懶, 要怪就怪自己, 當初諗住慳錢, 所以不比佢讀n1, 依家迫住做大仔, 3歲先讀n1 law.
hin_bb
一直無諗過讀私校/直資, 因為要考試入, 我諗都幾難啦.
阿女間學校不多功課, 最多每科一樣, 每日一定有中英數, 但寫字最多4句, 每句4行到.
ka9740 寫道:
chingchingmom,
多口問句呀?點解係唔搬出去住呀?因為我見你都有能力請工人,$應該無咩大問題呀?
HIN_bb,
我應該都會搵政府統一派位啦!因為我唔想比囝囝太大壓力,如果搵私校,個個小朋友都好巴閉,而我又無能力比囝囝多才多藝,廢事囝囝同人比較啦!因為我發覺身邊d朋友,將個小朋友係時間分配哂,星期一就學英文,星期二就學數學,星期三就學畫畫,星期四學............!總之就全部家長安排哂,唔理仔女鍾唔鍾意學,我同佢講會唔會令到小朋友怕左,大過會反感,點知佢答番我呢個時勢係咁架啦! :evil: 我聽到都登佢個小朋友慘.
chingchingmom 寫道:
ka9740:
我地係分開住架, 不過我工作時間好長, 所以之前未有工人時, 夜晚要媽媽幫手湊仔仔放學, 同埋照顧佢沖涼食飯, 我差不多成9點10點至去佢屋企食飯, 再接阿仔走, 所以阿仔咪日對夜對個電視同我老豆囉, 唉. 而家等生第二個, 生完之後就應該會慢慢少D去佢地度啦.
HIN_bb:
咁邊間私校同官津係你心水呀?
至於課外活動, 我就會問仔仔鍾唔鍾意先報落去, 佢唔想玩的, 我亦唔會浪費$迫佢上堂. 不過最慘係, 明明係佢自己要求去上堂的, 但去到又係走來走去, 老師話佢concentration唔太得, 問佢: 不如唔好來啦, 你都唔專心! 佢又唔制. 都唔知點算好 ?-( ?-(
chingchingmom 寫道:
hinhinmummy, ka9740:
我而家放緊產假, 下星期五係預產期, 之前真係好多野做, 產假前一晚, 我凌晨至叫搞掂晒, 唔駛第二日仲返公司咋.
仔同女我又無乜所謂. 馱阿仔時, 其實好想生女, 但到而家, 反而覺得男女都好-- 女就湊成[好]字, 同時有仔同女不同的經驗同感受; 但係仔就方便好多, 一來衣物可以慳唔少, 讀書又無咁煩(如果哥哥讀男校的話), 佢地又arm玩D, 將來大個仲唔駛分房添.:-P 最緊要係健康健全同開心聽話!