Charitymami 寫道:
Hi, Hellomummy,
我係"夫婦情感"版見到你的留言, 你係咪好掛住你老公呀?
雖然你先生長時間係上面工作, 你都可以主動D跟他通電話聯絡感情丫! 依家香港人北上工作都係好普遍, 正如你在前篇所說: 為了點點理想, 多多現實; 大家互相行多一步, 理想儘快達到。
之前你提及"假單親家庭"都形容得好貼切, 記得幾年前搬入"蕉澳"(將軍澳), 個囡得幾個月大, 交通又轉折, 好似跟D朋友斷六親, 丈夫為了廠務常常不在港, 平日返工都冇セ點, 一到假日係商場見到D人拖男帶女, 就感到兩母女孤苦伶仃, 同單親家庭冇セ分別。 但可能時間耐左巳經習慣了, 他不在香港時, 我感到很自由, 今天還跟女兒吃迴轉壽司。
現在你幫細佬工作, 精神上有所寄託, 唔好再胡思亂想鑽牛角尖, 再唔係讀D興趣課程, 考取專業資格, 我都係咁樣先考到鑑証師資格。
感情問題幫唔到你, 自問閱歷淺, (我老公是我唯一男友), 希望你們攜手踏出康莊大道。
:-P