單親天地 今日: 1 | 主題: 18284

積分: 7751

畀面勳章

21^#

發表於 04-11-10 10:12 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸,
一個女人變咗心....仲唔要自己嘅仔女...我諗去到呢個地步...你真係唔好再抱希望佢會翻轉頭喇

振作d啦

私人傳訊

積分: 206

22^#

發表於 04-11-10 16:26 |只看該作者

Re: 太太變心...令我要見社工,精神科,心理醫生,鐵板神數...相信快要放手了

謝謝 monchan...,

鐵板神數一開始已經話我會一次破敗婚姻....
當時我唔知應該比乜野反應....只記得自己傻笑左幾下....
....真恐怖.....其實當時已經接受左呢個結果...

另外話我將來事業會非常好....感情事應該放輕D....
仲有話我生命中唔止承受一個仔仔咁少.....
但係太太肯定唔會同我生BB啦....
大家話我係咪應該靠自己之餘...都要信命呢....

私人傳訊

貓BB

積分: 7665

23^#

發表於 04-11-10 17:29 |只看該作者

Re: 太太變心...令我要見社工,精神科,心理醫生,鐵板神數...相信快要放手了

我覺得命運係自己手入面架囉..信埋咁多鬼鬼神神..乜如靠你自己啦~如果佢真係要走..你咪震作d帶大個仔囉~咩事ja~?
我咪又咁樣湊大個女...何況你係一個大男人呀...唔係應該比女人堅強架咩?
你做咩都冇用..最重要自己放鬆d,當事情過去..你回想,就會發覺問題根本就唔係咁大...
加油啦~!

私人傳訊

積分: 206

24^#

發表於 04-11-10 17:37 |只看該作者

Re: 太太變心...令我要見社工,精神科,心理醫生,鐵板神數...相信快要放手了

係啦...貓BB...

我已經接受左呢個事實....
而家係膠著狀況....為左仔仔...大家容忍到最後一刻....

私人傳訊

snoopymummy

積分: 2125

25^#

發表於 04-11-10 18:15 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸:

以下係我先生同你講:
不要太神傷, 今日發生的事往往是造就將來的一個因素, 無論是傷心或是快樂的事,也有其存在的價值.在此刻,不要感到茫茫,積極努力振作來面對吧!
鐵板神算這些事,不要太沉迷.生命是很遠大的,是整體的,不要局限著眼在一時.

我的寶貝女朗朗在5月25日早上7:40分出左世.仍然是全人奶bb,唔肯飲奶粉的體重記錄
5/25 --2.7kg 43cm       6/1 --
6/5 --2.76kg                6/11 -3.02kg
6/18 --3.3kg                   6/28 -3.75kg
7/5 --4.1kg 58cm       8/5 --5kg
10/4 --6.06kg                12/6 -- 6.46kg
無磅好耐啦,費事磅,反正都係xs碼,我個女食得行得睡得玩得排牙仲好駛得,又好精力過d大人,足以累死你,磅數仲算d咩呢

私人傳訊

積分: 206

26^#

發表於 04-11-10 23:18 |只看該作者

Re: 太太變心...令我要見社工,精神科,心理醫生,鐵板神數...相信快要放手了

snoopymummy...謝謝您與先生的關懷...

突然間....想起爭分奪秒..譚耀文為位小朋友講既一個故事...
.....
......一隻銀色...好靚好靚既雀仔....
..向住夕陽飛去...以後都唔會再返黎既時候.....
......先知道佢就係傳說中....最美好既金色飛鳥......
........
...隻雀仔...究竟係自己...還是係我太太呢.....

私人傳訊

LoveYiLok

積分: 6630

27^#

發表於 04-11-11 13:24 |只看該作者

Re: 太太變心...令我要見社工,精神科,心理醫生,鐵板神數...相信快要放手了

我常常告訴自已, 即使他不是一個好老公, 我都要做一個好老婆, 通常當我盡量為他設想, 對他好時, 他都會變咗個好老公。

“愛是恒久忍耐，又有恩慈”

私人傳訊

積分: 206

28^#

發表於 04-11-11 15:59 |只看該作者

Re: 太太變心...令我要見社工,精神科,心理醫生,鐵板神數...相信快要放手了

LoveYiLok 您好...

其實以前我一直同太太講....
...兩夫妻...唔好用 "忍" 呢個字....
因為 "忍" 終有一日忍唔住...或者多少帶點怨氣....

應該盡最大力量去 "接受...包容" 對方....
.....
但若果一切只係單方面....總有一天...要面對痛苦的結果..

私人傳訊

nathanBBmom

民房

積分: 15

29^#

發表於 04-12-3 16:56 |只看該作者

Re: 太太變心...令我要見社工,精神科,心理醫生,鐵板神數...相信快要放手了

Hello , 好好爸爸

而家心情如何呢 ? 好d末呀!
其實呢個世界無話邊個無左得嫁, 最緊要係活得開, 個BB開開心心 . OK

Sandra ( Nathan's Mom)

私人傳訊

積分: 206

30^#

發表於 04-12-3 20:13 |只看該作者

Re: 太太變心...令我要見社工,精神科,心理醫生,鐵板神數...相信快要放手了

Sandra 您好 ,

今日見過心理醫生 , 清晰了路向....
太太無心改善婚姻關係 , 餘下只看自己的能耐.....

就在昨晚 , 太太說是我迫她想分手...
我說...離婚吧...只要您親自向仔仔交代及作出安排....

sandra....謝謝您關心!

私人傳訊

懿雯

別墅

積分: 647

31^#

發表於 04-12-4 16:20 |只看該作者

Re: 太太變心...令我要見社工,精神科,心理醫生,鐵板神數...相信快要放手了

HIHI~好好爸爸
你唔好咁唔開心啦,你太太而家呢一刻咁諗,可能佢再過一排就會後悔,當初下既決定...
其實我都好細過,唔知道可以同你講D咩野,只好同你講.........
你唔好做傻事呀~你要比心機,支持住,湊大個仔仔呀,加油!!!!

★各位好！我叫盈盈豬★ 盈盈video 《我係2004年2月28日，係屯門醫院出世》盈盈豬趣味小天地 <------相簿

私人傳訊

babygigi

積分: 1013

32^#

發表於 04-12-5 07:33 |只看該作者

Re: 太太變心...令我要見社工,精神科,心理醫生,鐵板神數...相信快要放手了

其實我稔你太太一直噤多年都要玩﹐但又無離婚﹐係咪有D野令佢唔走?或者係咪你經濟上同你一齊唔使擔心D咩? 佢既反應好似唔係好想要個仔噤﹐噤你就梗加要羅仔仔個撫養權﹐你都唔想仔仔跟個愛理不理既媽媽。

你地好細結婚架? 點解噤大個人連仔仔都生埋都仲噤好玩架?
我見好多BK媽媽就算得18､22但有仔女都收心養性架啦啵。

私人傳訊

貓BB

積分: 7665

33^#

發表於 04-12-6 12:02 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸:
其實你以比我當d做得好好多..我尋日見你同囝囝好開心,蜘蛛俠小朋友又鍚你又聽話~我記得我當年同家姐爸爸分開..我死哂狗..死足成2幾2年.....!
加油~!你得既..我貓bb,貓囝囝同貓囡囡都支持你

私人傳訊

積分: 206

34^#

發表於 04-12-6 12:40 |只看該作者

Re: 太太變心...令我要見社工,精神科,心理醫生,鐵板神數...相信快要放手了

babygigi, 懿雯, 貓BB...

我是太太的初戀情人....
相比自己的經歷...豐富的感情生活過後...
肯定知道....我所渴求的...
就是只跟一位伴侶...度過安穩的日子.....

當初結婚前...
最擔心就是太太未見過世面...(未認真結交過其他男仔)
便要收心養性...擔任一位賢妻...
的確....當時...她做到了....

如今...可以承受的...便默默承受吧....
但....看不見盡頭的一天....最為困苦...

私人傳訊

arashi

洋房

積分: 44

35^#

發表於 04-12-7 01:53 |只看該作者

Re: 太太變心...令我要見社工,精神科,心理醫生,鐵板神數...相信快要放手了

HIHI 好好爸爸,

其實我都係同你差唔多, 我老公自己走左去台灣, 就一去不回, 仲屈我有第二個, 唉, 我當時一日做兩份工(因為結婚後直到現在佢都係無野做), 我一個女人撐起成頭家, 試問有咩可能可以有時間同第二個一齊呢, 咁辛苦我都無怨言,但係...結果我都好似你咁, 又要見社工, 又要去睇精神科(係醫生要求我去睇), 唉, 想當初我嫁佢既時候都只係得21歲, 我仲天真到以為自己好幸福, 估唔到到最後付出竟然換回來如此對代.一次又一次既傷害, 雖然很痛, 很苦, 難以接受, 當時我一個星期可以瘦成20幾磅(因為當你到了痛不欲生時, 會連飲水既氣力都沒有, 吃不下, 亦喝不下) 其實我覺得最痛既反而係想死, 想放棄自己都不能, 因為有太多太多放不低的顧慮, 要硬著頭皮令自己死撐下去, 才是最痛, 最苦吧!!! 不如你可有同感呢? 但係, 我可以再怎樣痛, 再怎樣被人傷害, 到最後亦會變得麻目, 雖然到現在分開了咁耐, 我都依然要經常去見社工和覆診, 不過心情已經好左好多, 所以我絕對明白你的心情, 看開一點吧, 世界上無做唔到o既事, 只有做唔到o既人, 何必為一個不值得你再令自己痛苦既人而痛苦呢? 比你慘o既人多的是, 你再沉淪係以往的片段, 又怎能令自己得到解脫呢, 長此下去, 便只能活在痛苦之中, 當然, 我覺得要逃離痛苦的心境不是一日兩日能做到的, 係需要一段時間去習慣同埋接受事實和現實, 若果連自己都唔肯幫自己去逃脫痛苦, 又有誰能幫你呢, 就算有幾多人去講幾多至理名言, 你都無可以重新站起來, 不是嗎? 當然, 你依個時候係好需要有人陪你一齊起過依段路, 但係最重要o既都係你自己....你該好好想清楚, 你自己想對依個女人係唔係已經盡o左力呢? 如果你真係咁愛佢, 又咁唔想放手的話, 就用盡全力去挽救, 若已經盡力了, 也不能挽回, 咁何苦還要勉強幸福呢? 得到也不一定能幸福呀, 我常言道, 有第一次必會有第二次, 何必勉強呢, 可能係以後 o既日子裡你會遇到更好的, 最重要係你依刻千萬不要選擇逃避現實(因為越是逃避越是逃不了!!! ) ,又或者對一d唔值得自己留戀o既人去停留係痛苦之中, 知道嗎? 只要你問心無虧, 要後悔的人永遠都不會是你呀, 不是嗎? 因為人永遠無法去控制別人的言行舉止, 所以只要做好自己的本份便夠了. 不是嗎? 而且, 你再如此難過, 事情也是無法解決的, 開心一點, 放開一點吧, 當然我都係係度努力緊啦, 雖然想起以往的種種, 心亦會隱隱作痛, 不過, 比以前好左好多lu, 起碼唔會再為他而痛哭...

世界想有好多人比我地o既經歷慘好多好多培, 但佢地都可以堅強地活下去, 我地又算得係d咩呢? 最緊要係要為自己身邊值得你去愛, 同關懷你o既人付出才算值得吧!!!不是嗎? 我諗你一定令到佢地好擔心啫, 好好重新站起來吧, 振作d呀, 唔好衰比人睇呀, 唔好為一d唔識得咩叫珍惜o既人而感到痛苦和悲哀, "她" 不懂珍惜你的愛和一個幸福的家, 不要緊, 只要自己有盡力, 又那有可後悔之處呢... 忘掉不該記住既人和事, 為懂得珍惜你o既人而努力活下去, 我相信有一天, 你會遇到一個懂得欣賞你, 懂得愛你和珍惜你o既人, 到時才是真正o既幸福呀, 不是嗎? 你比起我, 你已經幸福太多了. 雖然到現在我還要睇醫生, 不過, 已經好左好多lu, 起碼就算我前夫打電話黎講d 咩, 我都唔會再好似以前咁痛. 因為, 再痛苦的日子都撐過了, 就會感到這些是微不足道了, 又何懼之有呢!!! 不是嗎?!! 勇敢一點吧, 捱過左就能去迎接幸福的未來.

願你能早日脫離痛苦o既世界!!!

私人傳訊

貓BB

積分: 7665

36^#

發表於 04-12-7 07:11 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸
哎呀~你成日咁唔開心唔得架..得閒同我地出黎反多d @o@
好唔健康呀..

私人傳訊

nathanBBmom

民房

積分: 15

37^#

發表於 04-12-7 12:25 |只看該作者

Re: 太太變心...令我要見社工,精神科,心理醫生,鐵板神數...相信快要放手了

唔好咁客氣啦.. 最緊要開心 ^.^

正所謂免強無幸福 !!

Sandra

私人傳訊

東京mewmew

積分: 2072

38^#

發表於 04-12-7 16:03 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸,

命運是會隨著自己的改變而改變的, 你信嗎? 無論紫微斗數, 鐵板神數, 或是信主, 其實都是因著你自己的心去變(這是我的一些心得), 但係, 我知道, 人只要積極面對, 沒有甚麼困難是不能跨過的。

以我自己的真實感受, 我覺得只要你將你自己真心交給我的主, 將來是會慢慢改變的, 雖然可能會變得很慢, 但我試過, 當你留心時, 發現原來造物主正在開展了一項在你身上的工程, 是你從來沒有想過可以這樣做的, 但真的確實是做了, 而且非常適合你, 可能這就是主給你一個信祂的機會吧!

請好好去感受一下吧! :wink:

私人傳訊

積分: 206

39^#

發表於 04-12-7 23:22 |只看該作者

Re: 太太變心...令我要見社工,精神科,心理醫生,鐵板神數...相信快要放手了

東京mewmew,arashi,各位....

對於輕生的念頭...我已經放下了好一陣子...
大慨因為服用抗抑鬱藥的幫助吧....
最近見醫生時...我坦白訴說....腦海間中仍浮現負面思想...
趁著愛兒年幾小...自己早點了結...其餘的事...我管不了...
心中沒有驚慌...沒有痛...只有一點可惜....還可含笑而終...
這...是不由自主的....不去想...也會出現....

尋死的事...真的不想多討論了...
慶幸這些想法只是一閃即逝...並未鑽進死胡同...
所以請大家放心...無須再相勸了...要冷靜時...我還可以....

只要有一位知心網友支持著...其實我已不感孤寂...
何況今天看見大家有如不離不棄的相伴呢....

正如心理醫生所說....太太的心...我控制不到..
...我要做盡我可做的...便會無悔無恨....
倘若一天自己也心灰意冷...就是該分手的一刻...
事情...只是如此簡單而已.....

私人傳訊

maranda_yeung