單親天地 今日: 0 | 主題: 18278

積分: 206

1^#

發表於 04-11-8 12:47 |只看該作者

太太變心...令我要見社工,精神科,心理醫生,鐵板神數...相信快要放手了

30餘歲的男人 , 承受壓力從來都可以輕鬆面對;
有愛妻有愛兒 , 有工作有物業....乎復何求?

但想不到一天...
在安定的生活裡..太太一句"我已經唔再愛你...我要自由..."
自由...誰可阻擋呢...一年又一年....只是越走越遠了....

從前因工作夜夜笙歌的我 , 為了一個"家"...澈底收心養性,
做個一等一的好爸爸....

如今痛失精神支柱....患上抑鬱症....有過尋死意向....
我一直靠僅有的意志挽救自己生命...
主動見社工..吃抗抑鬱藥...到禮拜堂...今天的心靈總算安穩...

之後...之後的日子怎過呢?
不問蒼天問鬼神....我"參考"鐵板神數...
結果..佩服不已 , 令我對往後日子充滿希望....

我愛小朋友...愛安定生活...希望擴大生活圈子...
若有感打擾了各位...請見諒...我正在盡力改變生命呢....

私人傳訊

LoveYiLok

積分: 6630

2^#

發表於 04-11-8 13:16 |只看該作者

Re: 太太變心...令我要見社工,精神科,心理醫生,鐵板神數...相信快要放手了

請你信耶穌吧! 只有那愛我們的主能幫助我們。為你祈禱!

私人傳訊

andie_chow

大宅

積分: 3899

3^#

發表於 04-11-8 13:20 |只看該作者

Re: 太太變心...令我要見社工,精神科,心理醫生,鐵板神數...相信快要放手了

同家人..朋友...傾下
如果冇..就上黎bk講下..分亨下
千萬唔好屈住屈住

私人傳訊

cottontail

大宅

積分: 3274

4^#

發表於 04-11-8 14:03 |只看該作者

Re: 太太變心...令我要見社工,精神科,心理醫生,鐵板神數...相信快要放手了

我老公曾經有你以上既經歷, 亦有一個小朋友, 但今天他除了可以有我尼個老婆同多兩個小朋友之外, 仲可以成日同個大仔同佢前妻食飯(因為個仔跟阿媽), 佢同我講過, 佢想當年即係你而家尼個時問最難挨, 當年佢都好down. 覺得乜都冇哂, 又唔知掂同d 親戚朋友交代, 家族尿聚會由一家人變成一個人, 星期六日唔知掂過, 見親個仔都覺得好對唔住佢, 事實上個仔當年都好唔開心, 層樓亦要停供要賣, 當時佢唔可以一個人負擔,我識佢時佢已經瘦左十五磅, 不過佢地係好和平既氣氛下離婚, 仲係自己攪掂, 唔駛搵律師, 曾經有人提議佢上去佢公司嘈, (因為第三者係佢同事) 但我老公冇咁做, 因為佢地有個仔, 第日仲要再見, 今日証明佢係岩既, 我唸想當年佢同你今日既處境差唔多, 但今日佢已經好番哂, 仲有個好家庭同大仔前妻既友好關係, 所以時間同一個寬宏既心係最重要, 放開d , 睇開d~~ good luck.

私人傳訊

積分: 206

5^#

發表於 04-11-8 14:04 |只看該作者

Re: 太太變心...令我要見社工,精神科,心理醫生,鐵板神數...相信快要放手了

Thanks LoveYiLok~~ andie_chow ~~& cottontail~~

有時真係好感慨....
屋企...無人可以認真關心...
例如仔仔見小學...睇醫生都係我同工人負責的...

而且好多問題 , 係呢度先可以得到真心幫忙既朋友解答呢..

私人傳訊

cottontail

大宅

積分: 3274

6^#

發表於 04-11-8 14:19 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸, 積極d丫, 再有咩心事, 多d上黎尼度傾下, 希望你同你個仔好快可以挨過尼段時期。

私人傳訊

積分: 206

7^#

發表於 04-11-8 14:31 |只看該作者

Re: 太太變心...令我要見社工,精神科,心理醫生,鐵板神數...相信快要放手了

cottontail 您好,

我希望仍可以積極面對...
仔仔性格樂天...根本唔知道大人憂愁...

咁耐只試過一次比仔仔見到爸爸喊喊.....
心酸啊....

私人傳訊

Peanuts

積分: 8706

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018父親節勳章 2018母親節勳章 2018復活節勳章 15週年勳章親子王國15週年勳章熱血勳章畀面勳章 BK Milk勳章 Xmas吸收勳章開心吸收勳章

8^#

發表於 04-11-8 14:35 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸:

請記著現在仔仔就是你的精神支柱, 你的生命將會影響另一個生命(你仔仔), 所以你要努力振作, 孩子的將來就靠你了!

我是一個單親媽媽, 我的故事像你一樣, 前夫一句"巳經變心..." 我的世界粉碎了! 現在, 為了2個女兒, 我正一片片將碎片拾回, 重新拼出我與孩子的世界

加油吧~

私人傳訊

積分: 206

9^#

發表於 04-11-8 14:56 |只看該作者

Re: 太太變心...令我要見社工,精神科,心理醫生,鐵板神數...相信快要放手了

Peanuts 您好,

曾經同太太講過...
如果分手, 我唔會要仔仔撫養權(其實嚇佢...我係唔捨得的)
當時太太冇出聲...唔知佢點諗...

但係若果真係要爭...仔仔應該會跟我的
而家只怕爭到又難好好照顧....

雖然未係最迫切既問題...但係自己都要好好打算....
因為要為每次唔同程度既打擊作好準備....

私人傳訊

積分: 7665

10^#

發表於 04-11-8 15:47 |只看該作者

Re: 太太變心...令我要見社工,精神科,心理醫生,鐵板神數...相信快要放手了

主動同人傾下你有幫助...祝你早日逃離傷感

私人傳訊

積分: 7665

11^#

發表於 04-11-8 15:49 |只看該作者

Re: 太太變心...令我要見社工,精神科,心理醫生,鐵板神數...相信快要放手了

你係咪迫得你太太好緊要..講真我都唔明..你講到你咁好..點解佢仲要離開?會唔會你比左好大壓力太太啊?
真係冇彎轉嗎?如果可以既...試下好好傾下..佢點解要自由?
講真..結婚都唔等同冇自由架wo~

私人傳訊

creamsoda

別墅

積分: 877

12^#

發表於 04-11-8 15:53 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸,
試下祈禱,主會幫到你的~就算你唔係教徒都可以,佢係咩人都會幫~!
日子好快過,你唔捨得你個仔就爭返黎啦~你有份的,當然要以小朋友的利益為大前提~
佢要變心,你唔好留佢,唔係面子的問題,而係呢一刻佢想離開,你留佢佢只會覺得你討厭,點都好,分左手先算啦...佢真係愛你,離婚後佢都會搵返你~又可能你會比以前更幸福呢

唔開心可以喊出黎 :cry: ,唔洗驚瘀
你仲有家人,佢地唔會笑你,只會支持你,唔好鑽牛角尖呀~
你都還好呀,有家人支持,我為左要我個女冇晒屋企人喇,不過我都冇後悔,因為我係佢的親生媽媽,我要養佢,唔要比人領養,但就冇晒家人了~我都有好唔開心...我得18歲,不嬲住3層村屋,但而家冇左家人,又冇錢,冇屋冇車,得返個女同男朋友~不過我都活得開心呀~你已經好幸福架喇~主拎走你一d野,佢會比返更好的比你~真的~要感恩呀 :-P
希望在明天~!唔好灰心 :lol:

過去的留不住, 未來的難預測, 守住現在,當下即是~

私人傳訊

積分: 206

13^#

發表於 04-11-8 16:16 |只看該作者

Re: 太太變心...令我要見社工,精神科,心理醫生,鐵板神數...相信快要放手了

貓BB 您好,

謝謝您先....

太太從前只係一個普通文員 ,
近年轉去一間好多年青人既公司 ,
開了眼界 , 成日有人約去街 (我仲相信佢未有第三者)
反而我因為要供樓 , 賣車後好想多D同家人一齊...

最初大家冇乜所謂 ,
佢又佢去玩...我陪仔仔見學校 , 做功課 , 去圖書館..反斗城...
點知一年又一年...覺得有D過份 ,
同太太講應該多D時間同屋企人一齊 , 唔好當"家"係宿舍...
又或者去玩都預埋我...帶埋我一齊成長丫...

太太覺得我以經滿足唔到佢要玩既心態 ,
又覺得我要同佢一齊見同事係另有目的...所以好抗拒...

直到我証實有抑鬱症 , 佢都好冷淡...
最後佢好認真咁講過..."我冇辦法再鍾意你啦...."

私人傳訊

積分: 7665

14^#

發表於 04-11-8 16:24 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸
請問你太太幾歲呀?
唔知你有冇聽人講過,如果係你d仔女同某班人好fd的時侯,千萬唔好講佢地既不是or左右佢地..因為佢地會覺得你唔比佢飛,佢覺得自己識唸,唔雖要你去教,你的一片苦心,反而扲佢唔鐘意同你相處..你太太都一樣...
佢根本就未玩夠,何況"係你放佢出去架"

最初大家冇乜所謂 ,
佢又佢去玩...我陪仔仔見學校 , 做功課 , 去圖書館..反斗城...
點知一年又一年...覺得有D過份 ,
同太太講應該多D時間同屋企人一齊 , 唔好當"家"係宿舍...
又或者去玩都預埋我...帶埋我一齊成長丫...

私人傳訊

士多啤梨

別墅

積分: 908

15^#

發表於 04-11-8 16:24 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸...

我以前都好似你咁...老公變心, 攪到自己精神崩潰..
睇精神科, 食藥, 心理醫生, 催眠, 求神問卜...真係咩都試過..
自己仲要照顧個咁細ge仔..諗起個段日子..好似日日都活係地獄咁...
但係我都算一個堅強ge人..從來無諗過做咩傻事...因為根本無理由..為咩? 唔通為左個變心ge男人?
而家我咩都唔諗...攪掂自己同個仔就滿足了..
其他事唔好諗咁多..要走ge留都留唔住..
既然已然盡力, 就算數啦..係人地對你唔住..又唔係你對人唔住..問心無愧咪得law..
努力呀..有咩唔開心..上黎傾下啦..
我地單親支持你ga...

私人傳訊

積分: 7665

16^#

發表於 04-11-8 16:25 |只看該作者

Re: 太太變心...令我要見社工,精神科,心理醫生,鐵板神數...相信快要放手了

我覺得有得求架!!!!如果佢太太真係要走..宜家點解仲未走呀?女人要走..仲快過男人啦~!

私人傳訊

積分: 7665

17^#

發表於 04-11-8 16:27 |只看該作者

Re: 太太變心...令我要見社工,精神科,心理醫生,鐵板神數...相信快要放手了

不過我第1次離婚個陣..我都以為自己撐唔住..我16歲大肚..冇人理我..冇屋企返..仲要.....
但唔係架...一定會有出路...我宜家咪又生"outout"
但我覺得有得求都唔好行最後一步...對小朋友冇咩好處.

私人傳訊

積分: 206

18^#

發表於 04-11-8 19:53 |只看該作者

Re: 太太變心...令我要見社工,精神科,心理醫生,鐵板神數...相信快要放手了

多謝各位關心...

太太都係30歲左右...
我承認係自己放佢出去的...因為當時以為根本冇問題,
而且佢要出去...我阻唔到的....
轉工識到什麼同事...又係估唔到...
太太未玩夠直至唔鍾意自己..都係控制唔到....

佢話過想搬走 , 我問佢點先會返黎...佢答唔出....
我搬佢又話唔好...因為佢話仔仔更需要我....
結果一日一日拖住...係小朋友同親戚面前做場戲咁...

感情上...我知冇對與錯的...
朋友勸我...等佢鳥倦知還....我覺得若果仍有感情..我可以等
但如今似乎係我單方面眷戀...我諗應該要有終結的一天....

私人傳訊

KenHim

伯爵府

積分: 19293

19^#

發表於 04-11-8 23:56 |只看該作者

Re: 太太變心...令我要見社工,精神科,心理醫生,鐵板神數...相信快要放手了

好好爸爸，
我覺得你應該由得佢走，留又留過，傾又唔肯傾，而且我覺得一個女人話可以留低自己個仔走

私人傳訊