唔經唔覺, 已經係e 版浮左2年, 其間失望過、喊過無數次,中間既辛酸,應該只有e度 jm 先會身同感受。
之前係babykingdom得到過唔少有用 reference 同鼓勵, 到自己終於有幸 bingo, 所以想出個post share下, 亦希望可以為正等緊bingo 既你地帶來一點正能量 : )
我本身有多囊 , 2016年一開始造人就去睇婦科,諗住時間唔等人嘛, 最初試左幾個cycle, 只食排卵葯,fail; 然後醫生建議我去睇不育科, 如是者, 又試多幾個cycle只食排卵葯+打破卵針, fail; 到2016年尾個cycle,醫生建議排卵葯+排卵針 (gonal-f)+打破卵針,bingo了, 可惜係宮外孕… 於是入廣華切了一邊輸卵管(不育科醫生建議我切左佢, 唔好打針, 因為條輸卵管之後再塞/發炎機會都高,既然function 唔好,無謂勉強保留)跟住我就休養左半年, 同老公去左轉歐洲,等身心ready 先再上路。
2017年中, 又再開始過, 醫生擔心排卵針對我stimulation太大,只係用排卵葯 (由Clomiphene轉做fermara),可惜除左第一個cycle, 之後6個cycle,都係喺我無輸卵管嗰邊排, 黑到震 : (
醫生話左定右邊排,其實每次都係 random, 但好似我咁真係好少見,不過醫生又話原來粒卵子都有機會被吸去另一邊, 所以機會還是有的(得幾個%) … 而其中一個cycle, e 個情況的確出現左, 可惜係化學懷孕,雖然好灰,但好彩唔係宮外。
由於搞搞下已差不多三十中, 醫生終於suggest我試 3次IUI, 唔得就要ivf 了, 因為ivf 成功率同年紀(卵巢功能)有最直接關係。所以一等到喺我有輸卵管嗰邊排的cycle,(fermara + gonal-f +破卵針), 就做了iui,但偏偏老公丁丁居然由之前2% 跌到洗精後等得1% !!!! 我當下個心已經打定輸數,本身自己已經無左邊輸卵管少好多機會, 而家連老公都咁樣樣,真係完全無任何期望。
好啦, 到左 Due date, 都循例驗下6d 啦, 居然有淺印!!! 但當時其實係擔心比開心多,又驚宮外又驚只係化學懷孕。之後兩個月好不容易過了hcg / 照閃閃/照胎囊, 到而家足12week, T21 唐氏checking 亦正常(原來做T21咁早已可check到係b仔定b女 ), 真係十分感恩!
不育e 條路並唔易行, 係EQ/耐性/金錢/時間的考驗, 但既然開始了, 就勇敢行落去吧! 至少自己曾經儘過力, 將來也無悔。希望我0既sharing, 可以為你帶來一點鼓勵, 祝大家快快順利bingo, 齊齊過版!