jemswin1 發表於 18-7-10 13:33
昨晚回到香港了嗎？我星期六出發，用Pass由大阪過廣島來回。
我個情況係，7月1日出發高松入，7月7日廣島出（原定），離開四國時天氣仲好好，只係間中落吓雨，時大時細，多數出太陽，唔係好差，一路去到5-7日開始大雨啦，要著雨褸，鞋就濕晒倒得出水。响市區無事，但近郊就有水浸同山泥傾瀉。7日朝早原本要去吳市睇潛水艇，然後先去機場，點知去到三分一就發覺唔對路，四維都係黃泥、水浸、山泥傾瀉、死火車、塞車，即刻轉去機場，但無路可行，山陽自動車道全線封閉，最後google搵到國道83號同2 號無封，就行佢，不過行咗一段路，就停晒排長龍，我用香港諗法去諗，主要道路一定係最先處理，所以就決定等，就係咁困咗一日一夜（當時只有少量餅乾同水），8號朝收到 email 航班改到星期一，架車又唔夠油，決定入八本松市住一晚，食餐飽嘅，第朝一早再算，點知酒店民宿都無房，google 到隔離西条市有多啲酒店民宿，就開車過去，google教行村路山路去，途中發現村民市民自發將啲路清理咗，行得車，決定9日一早搏一搏，行村路山路去機場，好采1個鐘唔駛就到咗，不過機埸餐廳、酒店無 gas 無水無開，familymart無晒麵包杯麵。
我自己覺得只要呢幾日唔好再落雨，道路應該可以開返晒，不過新聞話好多地方無水無電呢個先係問題，不過JR就有少少懷疑，因為我被困公路時見到橋下面有一段火車「鬼」地基倒塌，山泥又 cover 晒來回線，但我唔知果道係邊無法確定地點，你要問清楚先搭車。
發表於 
，之後仲要响國道困咗一日一夜
，不是我fd
返回列表
