自由講場 今日: 162 | 主題: 1304828

積分: 5879

1^#

發表於 21-9-24 21:56 |只看該作者 |倒序瀏覽 |打印

小朋友就嚟兩歲，屬於觀察型，喺屋企都多嘢講有交流。
但返playgroup都返左差不多兩個月，都唔肯開口講嘢，老師問佢野冇反應，唔會跟住做動作跳舞。其他小朋友跳舞時，佢就呆企喺度望住其他人。
因為報幼稚園就嚟要面試，預計佢都未必會俾反應或者開口答問題。
請教各位有經驗的家長，應該如何引導呢類型小朋友？

0 0 0

私人傳訊

GreenMaDad

積分: 8295

2^#

發表於 21-9-24 22:48 |只看該作者

我反而覺得小朋友係太重視其他人對自己既睇法，所以除非佢肯定佢做得好甚至係最好，佢吾會輕易開口答問題或跟着做動作。

或者同佢講，嘗試就已經係好。

私人傳訊

積分: 5879

3^#

發表於 21-9-24 23:20 |只看該作者

GreenMaDad 發表於 21-9-24 22:48
我反而覺得小朋友係太重視其他人對自己既睇法，所以除非佢肯定佢做得好甚至係最好，佢吾會輕易開口答問題或 ...

多謝你嘅回覆
呢個諗法幾特別，冇諗過原來小朋友係咁諗
但係咁樣小朋友咪好大壓力囉？

私人傳訊

spikenard

水晶宮

積分: 65109

4^#

發表於 21-9-24 23:23 |只看該作者

回覆樓主:

唔怕la, 我b面試時1隻字都未識講，當時報6間，6間都話收

私人傳訊

mcs74

積分: 32940

5^#

發表於 21-9-24 23:30 |只看該作者

我小朋友同你小朋友一模一樣！！佢上playgroup上左兩期都好怕同d老師有交流……姐係半年時間都未有好轉……面試時表現真係強差人意，有幾間幼稚園排佢後備，有d只係有pm offer，只有唔受歡迎學校收佢am。後來pm又突然可以轉am，後備又有pm位，真係覺得好驚喜。可能出生率持續下降，幼稚園生存競爭都好大，所以我小朋友先可以讀到比較受歡迎邨校。其他名校果d我根本唔敢考慮。

私人傳訊

foggyao

積分: 34506

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

6^#

發表於 21-9-24 23:36 |只看該作者

bunbunbunny 發表於 21-9-24 21:56
小朋友就嚟兩歲，屬於觀察型，喺屋企都多嘢講有交流。
但返playgroup都返左差不多兩個月，都唔肯開口講嘢， ...

樓上講得啱。

我仔正正就係咁，成個幼稚園生涯，由 PN到K3上學期。全部 video, 無論 party, 任何嘢，都係企响度，唔會做動作，亦評為好靜。

記得當年面試，我只見左一間，好彩收咗。啱心水，就無再見其他。好彩，只係因為平時同佢玩開啲面試對答同玩具

點解我講只係到 K3上學期，因為K3轉咗位有經驗老師，可以引導佢成隻舞肯跳晒出嚟

阿仔讀書從來唔洗擔心，自己搞掂晒，要做到最好，唔會理同學取笑(佢鐘意睇書，初小成日比人笑)，會自我反省。不過，嚴師佢頂唔順，會大壓力到爆，會失落自信減。自由度高老師，就控制自如。
希望幫到你選學校注意。

私人傳訊

秋天與楓葉

積分: 32599

7^#

發表於 21-9-24 23:53 |只看該作者

回覆樓主：

本帖最後由秋天與楓葉於 21-9-25 00:13 編輯

我女都係，2歲去到公園係望吓其他小朋友做緊咩，企定定睇人玩波、玩爆旋陀螺、執樹葉…叫佢去玩，佢都係望多過玩，有小朋友主動叫佢一齊玩，佢係即刻走開
對其他人唔肯開口講嘢，平時就好多嘢講

面試唔肯出聲係預料中事，有時用手拎件玩具都唔肯
有次遇到個好有耐性同好細心嘅老師，老師話見到呀女用隻眼望住個答案，叫呀女用手指指出嚟

跟住呀女就好合作指晒啲答案，而呢間幼稚園收咗我女
我女k1都係好少出聲，音量極細
上到k2就好大聲、好踴躍答問題（老師咁講我有啲估唔到），會主動同同學一齊玩

我覺得唔好心急，多啲正面鼓勵，面試時多留意細節，揀間適合呀女嘅幼稚園

最緊要係家長調節心態，唔好覺得呀女天生內向唔好、面試會好蝕底、唔夠其他人小朋友得表現好…幼稚園唔係愈出名/愈多人報名就愈好，適合自己小朋友就係最好

觀察型小朋友係慢熱，但通常好有同理心，好易察覺到身邊人嘅需要

私人傳訊

積分: 5879

8^#

發表於 21-9-25 00:07 |只看該作者

mcs74 發表於 21-9-24 23:30
我小朋友同你小朋友一模一樣！！佢上playgroup上左兩期都好怕同d老師有交流……姐係半年時間都未有好轉…… ...

好灰，明明識講識答問題可以做到嘅事，但礙於呢種性格所限，令佢不能發揮到
我都擔心冇人收佢讀書

私人傳訊

積分: 5879

9^#

發表於 21-9-25 00:11 |只看該作者

foggyao 發表於 21-9-24 23:36
樓上講得啱。

我仔正正就係咁，成個幼稚園生涯，由 PN到K3上學期。全部 video, 無論 party, 任何嘢，都係 ...

多謝你嘅分享
其實happy School同谷d 既學校對於觀察型小朋友係咪冇分別？因為都係唔會好投入。。。。
有冇話邊種學校會好啲能幫助佢發展？

私人傳訊

積分: 5879

10^#

發表於 21-9-25 00:17 |只看該作者

秋天與楓葉發表於 21-9-24 23:53
我女都係，2歲去到公園係望吓其他小朋友做緊咩，企定定睇人玩波、玩爆旋陀螺、執樹葉…叫佢去玩，佢都係望 ...

多謝你詳細嘅分享！
我個女同你個女一樣，去到公園做嘅嘢完全一樣，唔會同人玩，有時見到人仲走開添。
但好開心聽到你女去到K2已經有改善有進步，相信係遇到好老師。

我個女上playgroup老師同佢講野時，佢對眼睛會周圍望，根本唔係Focus喺老師度，好似聽唔到老師講嘢咁。。。

其實happy School適合還是谷啲嘅學校都可以？可否給一些建議

私人傳訊

Stella.b

積分: 6168

11^#

發表於 21-9-25 00:38 |只看該作者

呢啲小朋友係好專心，上小學你就知係寶，讀書叻啲

私人傳訊

香蕉煎餅

積分: 8609

12^#

發表於 21-9-25 08:53 |只看該作者

回覆樓主:

幼稚園無想像中咁難收。。好多都會收。。由期依家依個時勢，易收好多

私人傳訊

sze_mark

公爵府

積分: 25195

13^#

發表於 21-9-25 09:16 |只看該作者

回覆樓主:

我仔細個都咁，直頭一步都離吾開我，而家唯一你要做嘅就係陪伴，吾好成日push佢去玩，由得佢睇，等佢有足夠嘅信心既時候佢就會慢慢夠膽去試，我仔中三就提出要自己去英國讀書，而且成績非常之好，所以你吾需要擔心

私人傳訊

Angelice-BeBe

水晶宮

積分: 73976

2024年龍年勳章 2024勳章最關心BB問題熱投勳章我的育兒心得勳章 2011精緻種植勳章畀面勳章環保接龍勳章

14^#

發表於 21-9-25 09:20 |只看該作者

回覆樓主：

本帖最後由 Angelice-BeBe 於 21-9-25 09:22 編輯

其實小朋友只得兩歲，仲係好細個。當年我大仔讀N班都係bb話，唔係好講野，但性格本身係好outgoing，中意同人玩。到大大下，語言表達能力真係徹底唔同晒，所以小朋友一路成長，仲有好多變化的可能性。

唔洗過份擔心同太早下判斷。

私人傳訊

已刪除用戶

已刪除用户

積分: 24878

15^#

發表於 21-9-25 09:23 |只看該作者

回覆樓主:

提示: 作者被禁止或刪除內容自動屏蔽

私人傳訊

GreenMaDad

積分: 8295

16^#

發表於 21-9-25 09:40 |只看該作者

回覆 bunbunbunny 的帖子

我有熟既親友小朋友係咁，平時同家人無問題，甚至係好開朗，但一到學校就靜哂。係呀，估計小朋友係有一定既壓力，幼稚園時已第一時間要做哂功課。
我自己小朋友都係觀察型，但佢同時又好外向，佢比較慢熱，吾會周圍冲，但同時佢又好肯表達自己，interview 係佢強項。佢無乜壓力，相比親友小孩，佢係好開心既小朋友。

所以我覺得觀察型小孩吾代表佢地吾鐘意表達自己。

私人傳訊

mikinana

大宅

積分: 4646

17^#

發表於 21-9-25 09:50 |只看該作者

回覆樓主:

我女都係觀察慢熱型,2歲仲好細,你多啲同佢出去玩,見多啲陌生人同其他小朋友玩,慢慢可能會開放啲,就算唔改變,都不用過份擔心。

我女PN時見咗三間幼稚園,有啲老師會慢慢有耐性令小朋友回應,令你見到邊間幼稚園適合你女。

我自小也是觀察慢熱型,但從小成績好好,從來不用父母擔心,長大後觀察力強加細心是工作上優點,缺點是唔夠aggressive。

每個人都有自己長處短處及不同性格,都可以發熱發光。

私人傳訊

vincat

子爵府

積分: 11430

18^#

發表於 21-9-25 12:15 |只看該作者

唔使咁擔心，我個女同學仔都係咁，家長們都替佢擔心，但越來越大越進步，宜家係名中final year，2歲姐，慢慢引導下

私人傳訊

foggyao