原文章由 maggiejane 於 08-6-26 12:17 發表
而另一個case係朋友個妹, 佢嫁左所謂有錢人, 但我唔覺得佢幸福.
佢生得幾靚, 似後生李麗x. 大學畢業, 知道自己靚多人追, 目標係嫁個有錢人.
佢第一個老公係華藉機師, 後生靚仔羨慕死人! 但佢識左個基金經理, 月薪過百萬, 離婚嫁左佢. 之後唔滿足, 想住大屋, 又離婚搵個個. 咁問屋企借錢, 自己搬左出半山住. 之後揸車泊停車場, 特登撞架FIERRxx, 再留低紙條叫車主聯絡佢, 即係現任老公. 佢雖然住渣X山 APARTMENT, 揸FIERRXX, 屋企有D米, 但係裙腳仔孤寒成性, 屋企人又唔鍾意佢. 個女仔拿拿臨大肚迫結婚, 點知係女... o係屋企無地位, 自己湊女, 無任何野揸手, 無錢過手, 有屋住有飯食咁囉~ 出街就老公揸車(得兩個位), 佢兩母女搭的士. 見外家食飯老公擰"咩"面睇唔起外父外母!! 咁你話嫁有錢人係咪好幸福?