婆媳關係 今日: 0 | 主題: 27701

積分: 3000

42^#

發表於 08-7-5 16:28 |只看該作者

原文章由 KoyeBaby 於 08-7-5 09:37 發表
我都知佢睇我越嚟越唔順眼!!佢一定認為係我搞到c6嬲咗佢哋,係我教壞佢哋個仔,搞到個仔唔肯同佢哋住...佢搵藉口唔俾我哋搬,同埋搬bb床嗰時,c6都係重複話"我哋始終都係要搬架,到bb大個呢度邊夠啫!"我知99非常唔想c6 ...

你BB一見到你99就驚同又唔鍾意跟佢,肯定係feel到你99對你唔好,同埋一有佢喺度嗰陣就全屋都冇人會開心,事關佢啲怨氣太重,俾其他人嘅壓力太大,啲人成日都以為BB係唔識嘢,乜都係大人教,其實以我湊過幾個小朋友嘅經驗,BB係唔識分外在美醜,你係真心對佢好嘅就邊個都鍾意,因為佢哋係靠感覺做人,以感覺行先,咁細個人都未有自我,好少會有主觀,如果BB唔肯親近一個人,一係就係佢哋欠缺綠份,正所為人夾人綠,冇得好講,但哩啲都可以憑後天去補救,但係如果個小朋友由始至終都唔鍾意一個人,甚至連望下都唔鍾意,最大嘅可能就係嗰個人本身有問題!!

我講一個事實話俾你知,我C6弟婦個仔細個嗰陣好跟佢嫲嫲,跟佢仲多過自己阿媽,但係自從個小朋友好多次親眼見到佢嫲嫲點樣對佢媽咪成日都令到佢媽咪好唔開心之後,就越嚟越討厭佢嫲嫲,就算佢嫲嫲仍然對佢好好,但係個小朋友都只係越嚟越憎佢,後來仲發展到連坐埋少少都唔得嗰隻,一個咁細個嘅小朋友會識得咁樣做,我同你講並唔係我或佢自己媽咪教佢咁樣,相反佢每次對佢嫲嫲唔禮貌或露出厭惡嘅神情嗰陣,我同佢媽咪都會教佢仲罸佢唔可以咁做,但係個小朋友唔聽不但止,仲變本加厲討厭佢嫲嫲,我同佢媽咪都無可奈何~

咁C6阿媽就梗係覺得係我哋兩個女人教壞佢個孫啦,不過事實就係,佢個孫未同佢一齊住嗰陣就已經開始唔鍾意佢,而我之前見佢個孫幾乎都唔會同佢講任何嘢,好老實咁講,嗰陣時我真係好唔鍾意佢個孫,因為係俾佢嫲嫲縱到超級不知所謂,我一個外人又冇資格去教佢,實在我教親都會俾人話我多餘,但係後來一齊住嗰陣我發覺佢個孫其實都唔係咁難教,同埋都幾純品,只係俾人縱壞晒啫,我就同C6弟婦傾吓點樣合力教返好佢~~

而因利成便嘅嘢就係,當時個小朋友已經好唔鍾意佢嫲嫲,我就唔駛怕我哋教嗰陣又有人嚟干涉,到慢慢個小朋友好肯跟我又好聽我話,但就點都唔肯睬佢阿嫲,佢嫲嫲就妒忌到發癲,趁我唔喺度就無啦啦打我隻貓嚟出氣,一趁冇人喺度就直接俾說話我同C6弟婦聽,平時有人就單單打打句句都話我哋係有心教到佢個孫咁樣對佢,好在我C6雖然係愚孝但都知我唔係啲咁嘅人,亦都親眼見佢點樣對自己個孫,一個幾廿歳都唔化嘅人點樣同一個得幾歳嘅小朋友係咁鬥氣,先至冇咁麻煩~~

同埋我覺得如果一個人係真心對個小朋友好嘅,任何人都教唔到佢討厭邊個,小朋友又唔識講大話,你問多兩問係邊個教你咁樣嘅就一定會爆晒出嚟,所以哩個方法係行唔通亦都係好蠢嘅小人行為!!

私人傳訊

積分: 12890

醒目開學勳章畀面勳章

43^#

發表於 08-7-6 00:08 |只看該作者

原文章由 wmpl 於 08-7-5 16:28 發表

你BB一見到你99就驚同又唔鍾意跟佢,肯定係feel到你99對你唔好,同埋一有佢喺度嗰陣就全屋都冇人會開心,事關佢啲怨氣太重,俾其他人嘅壓力太大,啲人成日都以為BB係唔識嘢,乜都係大人教,其實以我湊過幾個小朋友嘅經驗, ...

我d朋友都係咁講,佢哋話我99講嘢大聲又粗魯,嚇親bb!事實上佢唔止一次因為大聲講嘢嚇到bb喊,但係99又唔會認為係自己問題,佢會賴bb細膽,又俾說話我聽,次次bb喊到拆天,佢玩到無癮就大叫"係呀,嫲嫲對手有刺架,咁巴閉,返去你阿媽度啦!"佢又唔諗下平時點對自己個孫...成日指住bb話佢無用;好惡咁對住bb話"望咩呀望!""笑咩呀笑!""喊!又喊,喊乜嘢啫!""巴閉啦又有得出街!"我聽到都真係想話佢,點解要成日鬧個b啫?好似6個月bb未識行平常過平常啦~佢係都要迫佢行,跟住就猛話佢懶!!我經常都諗呢d咩人嚟架?所以囡囡唔跟佢我真係覺得好安慰架,bb嘅感覺最真實,心水最清,邊個對佢好佢係知架,呢d嘢無得教~

私人傳訊

積分: 12890

醒目開學勳章畀面勳章

44^#

發表於 08-7-6 09:24 |只看該作者

原文章由 魔鬼天使 於 08-7-6 04:19 發表

唔係正規合約梗加唔洗理佢咩生死約啦,
你99擺明玩野,
錄低佢d衰野比你c6睇,
唔洗同佢正面衝突,
續d續d幫你c6洗腦就啱架喇,
等你c6頂佢唔順,自己搵地方搬, ...

我都知佢會咁架啦!c6之前都講過完全係睇個租客同唔同意提早解約,佢哋肯就無問題,但係我信唔過99真係會去問囉...其實唔駛我特登錄低,雖然c6睇唔哂全部,但係嗰一部分已經夠~c6呢幾日都對99好不滿,尋日先同佢鬧完交,佢哋鬧完交99就專登搵嘢嚟話我同個女,不過我都無上心,已經慣咗,次次都係咁...

私人傳訊

積分: 3000

45^#

發表於 08-7-6 13:53 |只看該作者

原文章由 KoyeBaby 於 08-7-6 00:08 發表

我d朋友都係咁講,佢哋話我99講嘢大聲又粗魯,嚇親bb!事實上佢唔止一次因為大聲講嘢嚇到bb喊,但係99又唔會認為係自己問題,佢會賴bb細膽,又俾說話我聽,次次bb喊到拆天,佢玩到無癮就大叫"係呀,嫲嫲對手有刺架,咁巴閉, ...

你99佢都傻傻哋嘅,梗係以為人人都要好似佢個仔咁,無論佢做乜嘢都要對佢容忍同無求咁不斷地付出先至係啱,真係癡到冇朋友,咁樣同個小朋友嚟講說話,佢都識咩叫人對我好,我對人好啩?不過佢識都冇用,傻嘅就講咩都話明,但係明完之後又做錯,仲要話自己係啱晒,你有少少話佢錯就即時癲俾你睇!

私人傳訊

積分: 12890

醒目開學勳章畀面勳章

46^#

發表於 08-7-6 16:45 |只看該作者

原文章由 wmpl 於 08-7-6 13:53 發表

你99佢都傻傻哋嘅,梗係以為人人都要好似佢個仔咁,無論佢做乜嘢都要對佢容忍同無求咁不斷地付出先至係啱,真係癡到冇朋友,咁樣同個小朋友嚟講說話,佢都識咩叫人對我好,我對人好啩?不過佢識都冇用,傻嘅就講咩都話明,但 ...

其實我99佢可能已經有d心理唔平衡...62一個禮拜得2,3日返屋企,叔仔同佢時間又唔夾,可能幾日先見到一次,c6同我已經係佢見得最多嘅人,但係c6要返工,我又唔會同佢有偈傾,囡囡又唔跟佢,連隻貓都痴c6唔理佢!!我曾經都覺得佢可憐,想陪下佢對佢好d,但係同佢根本溝通唔到,佢自己又無咩嗜好,無咩朋友,其實生活幾悶架~所以我理解佢想同我個女玩,想個個都同佢一齊住...但係理解唔等於接受!我始終都係想搬出去,勉強忍耐到大家反面到一發不可收拾就無謂啦,我都唔想做到呢個地步...依家唯有繼續等囉...

私人傳訊

積分: 12890

醒目開學勳章畀面勳章

47^#

發表於 08-7-6 16:53 |只看該作者

原文章由 魔鬼天使 於 08-7-6 16:35 發表

佢地鬧完交你就同c6傾計,
叫佢唔好嬲,唔好同99嘈,要扮到好體諒咁就啱喇,

咁c6又唔會嬲埋我嘅,佢知我會氹佢開心~~我唔會同99嘈架,只會偶然頂幾句,不過大多數時間我都係"哦哦哦"就算,我媽咪都教我唔好插手加把咀,由得佢哋兩母子自己嘈,如果我出聲盞搞到件事越嚟越複雜!

私人傳訊

積分: 3000

48^#

發表於 08-7-7 02:28 |只看該作者

原文章由 KoyeBaby 於 08-7-6 16:45 發表
其實我99佢可能已經有d心理唔平衡...62一個禮拜得2,3日返屋企,叔仔同佢時間又唔夾,可能幾日先見到一次,c6同我已經係佢見得最多嘅人,但係c6要返工,我又唔會同佢有偈傾,囡囡又唔跟佢,連隻貓都痴c6唔理佢!!我曾經都 ...

算啦,你唔想做到咁絕咁又點?都要對方肯領你情先得架,好似我C6阿媽咁,老公死咗十幾年,我到而家都好同情佢,但係我真係愛莫能助,因為佢嘅所作所為實在太過份,同埋我覺得......佢需要嘅並唔係我嘅關心同付出囉,無論我同C6弟婦點容忍佢,甚至曾經對佢好好都好,佢都係不斷屈我哋同憎我哋,咁我就知道,佢唔係憎我,而係憎我係佢個仔嘅女人,邊個做着新抱佢都睇唔順眼架啦,我何必白費心血,既苦了自己又惹人討厭,我都有自尊架,都係有阿媽生架,雖然我自己阿媽對我唔係咁好,但係佢都係生我出嚟嗰個吖,我對佢都仲有少少責任,而佢又係我邊位呀?我為咩要咁樣忍佢,忍到自己有情緒病都冇人甚至C6都唔明白我咁委屈呀?有位網友同我講得好啱,我對佢並冇任何責任,所以我係唔駛為佢做咁多諗咁多架~~

同埋我認為最重要嘅就係,佢從來都唔係需要我對佢好囉,佢心目中嘅好就係仔女永遠伴在佢身旁,最好終生都不娶不嫁,就算仔女要婚嫁都要佢哋同埋佢哋嘅另一半都要對佢唯命是從至係啱,至係好,咁非人道嘅生活,唔好意思,我真係過唔到,我唔係未試過,但係我自身都難保,又講咩為佢諗?佢仲係慌我唔死咁踩多兩腳,我仲點可以唔為自己諗咗先?

所以你唔好心軟,幫人諗之前先顧及自己嘅能力先,你都已經頂佢唔順,在可見嘅未來都見得你99會改,你就救咗自己一家先啦,到自己可以有位唞氣先至同你老公返去孝順吓佢啦,況且有啲人唔見棺材唔流眼淚,你唔俾佢知道你哋真係會走,真係唔會再縱容佢,佢只會變本加厲,越做越錯架咋,我就覺得咁樣其實都係不孝嘅一種!!

[ 本文章最後由 wmpl 於 08-7-7 02:30 編輯 ]

私人傳訊

foggyao

珍珠宮

積分: 34485

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

49^#

發表於 08-7-7 11:09 |只看該作者

原文章由 KoyeBaby 於 08-7-4 11:34 發表
今朝同c6講返收樓問題,佢話如果99真係呃我哋佢都無辦法,跟住就話我已經唔鍾意呢個家!我初初以為佢想俾說話我聽,但係跟住佢好sad咁話"你唔好咁啦,好似我累咗你咁...你係咪好後悔跟咗我呀?"嗰刻個心好酸,因為我清楚知 ...

你唔好張心稔既嘢收收埋埋啦, 你覺得聽到好心酸, 覺得點點點, 就即刻講出來比c6知! 兩公婆有乜都要講清講楚, 尢其係你稔法, 感覺, 咁佢先會真係明, 再一齊睇下點解決!

99唔肯讓屋, 你哋又唔係afford唔起, 妳覺得對住6299咁辛苦, 咪同c6再商量自己搬出去囉! 咁大個人, 有自己屋企, 自己私隱都好應該丫, 又唔係搬走左就唔理兩老, c6鍾意, 眯到時多d返6299屋企食飯, 探佢囉!

叫佢唔好為慳少少$$(唔租屋), 破壞左自己兩公婆/ 家人感情! $揾番來都要洗, 洗在令屋企人開心的事上, 唔'arm'咩?

私人傳訊

cherry1498

積分: 3008

50^#

發表於 08-7-7 11:41 |只看該作者

咁你地夠唔夠資格申請公屋個D呀…
如果真係俾唔起租金…99又唔肯放屋…

私人傳訊

積分: 12890

醒目開學勳章畀面勳章

51^#

發表於 08-7-7 14:43 |只看該作者

原文章由 wmpl 於 08-7-7 02:28 發表

算啦,你唔想做到咁絕咁又點?都要對方肯領你情先得架,好似我C6阿媽咁,老公死咗十幾年,我到而家都好同情佢,但係我真係愛莫能助,因為佢嘅所作所為實在太過份,同埋我覺得......佢需要嘅並唔係我嘅關心同付出囉,無論我同 ...

你講得啱!我都覺得99係認為我搶走咗佢個仔,所以我點關心佢佢都唔會當我係自己人...不過我已經唔在乎lu,佢唔犯我我就唔會犯佢,依家雖然日日都見,但係我都係當自己係租客就算,當自己係外人就唔會太在意佢做過咩~

私人傳訊

積分: 12890

醒目開學勳章畀面勳章

52^#

發表於 08-7-7 15:08 |只看該作者

原文章由 foggyao 於 08-7-7 11:09 發表

你唔好張心稔既嘢收收埋埋啦, 你覺得聽到好心酸, 覺得點點點, 就即刻講出來比c6知! 兩公婆有乜都要講清講楚, 尢其係你稔法, 感覺, 咁佢先會真係明, 再一齊睇下點解決!

99唔肯讓屋, 你哋又唔係afford唔起, 妳覺得 ...

男人...你唔出聲佢就話你收收埋埋,叫你有事要同佢講;到你真係話佢知有問題時佢又會嫌煩,話你多投訴...我依家都唔會真係咩事都話俾c6知,係大問題先會講,不過佢已經識睇面色,因為我大部份唔開心嘅原因都係嚟自6299,佢會主動同我解決問題!

而自己搵地方搬我唔係無同c6講過,但係佢信自己阿媽,佢又話係搬嘅就會大裝修,如果人哋地方住住下俾人趕就會嘥哂,所以點都要等自己間屋,我哋仲因為呢個問題嘈過幾次交...依家唯有係等...囡囡可以唔再日日吸二手煙我心情已經好好多,我亦都唔想迫得c6太緊要,不過我會再提下佢要跟緊d間屋嘅問題...

私人傳訊

積分: 3000

53^#

發表於 08-7-8 02:18 |只看該作者

原文章由 KoyeBaby 於 08-7-7 14:43 發表

你講得啱!我都覺得99係認為我搶走咗佢個仔,所以我點關心佢佢都唔會當我係自己人...不過我已經唔在乎lu,佢唔犯我我就唔會犯佢,依家雖然日日都見,但係我都係當自己係租客就算,當自己係外人就唔會太在意佢做過咩~ ...

咁你睇開咗就好啦,起碼你都會放鬆好多,啲情緒唔駛再掹得咁緊,咁辛苦,慢慢嚟啦,不過你都好成熟,都知要點樣做架la,希望你老公繼續堅持唔再對佢阿媽太過遷就,咁就大家都好好嘞!!

私人傳訊

積分: 12890

醒目開學勳章畀面勳章

54^#

發表於 08-7-9 09:45 |只看該作者

尋日99話62唔返嚟瞓叫我搬返bb床入佢房,佢係私下問我無同c6講,可能因為我好少拒絕佢要求,但係今次我企到好硬,同佢講唔駛!之後佢仲問咗我幾次添...我覺得如果真係想個孫陪自己嘅,當初係咪應該俾個適合嘅環境bb呢?唔通日日都要將個bb搬嚟搬去咩~況且囡囡離開咗佢哋間房真係出奇地瞓耐咗!依家比以前可以瞓多差唔多2個鐘先醒,咁我點解仲要放返張bb床喺佢哋度喎!如果c6知道佢都唔會應承~

私人傳訊

積分: 3000

55^#

發表於 08-7-9 16:27 |只看該作者

原文章由 KoyeBaby 於 08-7-9 09:45 發表
尋日99話62唔返嚟瞓叫我搬返bb床入佢房,佢係私下問我無同c6講,可能因為我好少拒絕佢要求,但係今次我企到好硬,同佢講唔駛!之後佢仲問咗我幾次添...我覺得如果真係想個孫陪自己嘅,當初係咪應該俾個適合嘅環境bb呢?唔通 ...

你99都神神化化,我覺得佢係死唔忿氣你搬咗張BB床啫,都唔係真心想BB好嘅,BB吸得二手煙多唔好就係人都知架啦,電視有關二手煙煱害嘅廣告都播到唔播,淨係哩一個point就已經係絕對唔駛聽佢亂噏,睇怕你99又係鬥氣鬥到上腦,開始不擇手段嗰隻,佢哩啲咁嘅心態,都一定係絕對唔可以俾佢得逞,否則後患無窮!!

私人傳訊