我贊同父母唔應該只專注於仔女,退休要預早開始計劃,唔係接近退休先考慮,到時一來冇時間,二來選擇又會少咗。
仔女上大學已經成年,法律上佢地對自己做嘅嘢負責,但有D學生係較遲熟,尤其是男仔,可能要俾多D時間佢地學習成長,最好當然係由細就培養,唔係一腳就踢佢出去,話你大個架啦,自己搞掂啦。
至於兼職,我覺得適當唔過多係好事,起碼等佢地知道賺錢唔易,學下理財都好,而且體驗下實際工作環境係點,我仔女15歲開始就有做暑期工,佢地話學到好多嘢,特別係同人相處同點樣去面對工作需要係學校教唔到,有嘢又有錢,佢地覺得好正。
花旗太太生活在花旗國,留意時差,你問我未必即時答到。