完全明白樓主嘅辛苦,我陀細女時,試過因為咁而入過2次醫院,那時候同你一樣,差不多八個月,便秘引致子宮收縮,又有痔瘡,每次去完大,都脹到五毫咁大,成世女最辛苦係嗰段時間,坐又坐唔到,feel到D便便頂到尾龍骨,直頭肛門都痛,忍唔住去厠所,坐到子宮收縮,因為用力去,嚇到我死,去到醫院,醫生最後開咗軟便藥(1粒藥丸)比我,6個鐘後去到大便,我開心到係洗手間喊左出來,因為便秘真係好好好辛苦㗎!之後嘅曰子我配定D醫生開嘅軟便藥係屋企)飲多D西梅汁(冇甜),食大蕉,日日食莧菜,先之後冇再便秘,希望幫到你!by the way, 生完阿女之後,咁痔瘡就真係收斂咗!