婆媳關係今日: 1|主題: 27701

收藏本版

發帖

返回列表

跳至頁

樓主: viffy

做夾心人的我之外母與女婿 (長) [複製鏈接]

1 2 3 45

魚仔餅

珍珠宮

積分: 31106

81^#

發表於 14-7-19 00:42 |只看該作者

回覆：做夾心人的我之外母與女婿 (長)

個男人好廢，又自私又小家，請工人算吧

私人傳訊

忌廉寶寶

子爵府

積分: 13861

82^#

發表於 14-7-19 10:34 |只看該作者

回覆：viffy 的帖子

等我分享下：有左，我當然想比媽咪凑，但老公想請工人，因為咩都可以自己話事，同埋佢家姐兩個仔女都係工人凑大，覺得冇問題，但我堅持，傾好等bb一歳，起碼我可以放心d先，所以出世都係比左媽咪凑。當時住得遠，無可能晚晚帶bb返屋企，只可星期五帶走,星期日又送返去。老公好想晚晚見個仔（當然我都想，但比媽咪凑好放心，自己又驚凑唔掂）最終決定搬近我媽（老公好鍾意本身住嗰度）。我地從此晚晚凑b返自己屋企，我媽晚晚煮飯，我放工返去食埋dinner然後帶b返去（行五分鐘，自己帶都ok,同埋所有野都兩set,每晚只帶人走，唔駛一袋二袋），亞媽成日話多個人多雙筷，叫老公去佢都好少，佢寧願日日茶餐廳，因為佢想早d返去做好家務沖好涼，咁我同bb返去佢就可以幫手睇住，我就可以去沖涼咁，但一個星期點都會過去同我屋企人食飯，放假又會請下佢地出去食。老公自己凑過知道有幾辛苦（永遠我都喺度佢唔敢單獨凑），我媽日頭仲要自己一腳踢，幫bb沖涼而家仲煲埋飯仔，又要煮埋晚飯，佢仲提我記得比多d錢外母（自從bb出世，老公成份糧比晒我，佢每月只用$5000，我就負責供樓供車比凑b錢加所有雜費家庭開支，用唔晒就儲起，基本上自己份糧可完全做私己）。所以除左夜晚約左人或第二朝有野做，老公都希望每晚接bb等我媽可休息，因為個仔係自己，辛苦係辛苦，但呢個係做父母既責任，婆婆已幫很多，而且凑得好好，老公而家對我媽仲好過自己亞媽，仔仔仲有差唔多兩個月就一歲，佢從未提過請工人既事

私人傳訊

忌廉寶寶

子爵府

積分: 13861

83^#

發表於 14-7-19 10:35 |只看該作者

回覆：viffy 的帖子

分享完，想比d意見睇下幫唔幫到你。你老公自少就比奶奶寵壞，覺得媽媽既角色就係要無條件咁為子女付出，大左有能力亦唔懂回報（應該係無需要回報）覺得呢d係應份，呢個唔怪得佢，因為佢從少就在溫室長大，其實好難用三言兩語令佢醒悟，唯一方法只可以比佢代入角色，佢先能親身體會。
睇得出佢係錫你同bb既，又怕你辛苦，又嫌少時間同bb玩，但佢只有怨言卻沒有實際行動去解決問題。既然而家婆婆唔願意再凑，不如試下請工人，唔駛晚晚娘家兩頭樸之餘，仲可以叫佢做晒所有家務，咁就可以解決佢同你媽媽既問題，你亦唔駛咁辛苦同埋想幾時見b都得，當佢發現比姐姐凑同婆婆凑既分別，就會知你媽媽有多好。有時又刻意制造機會比佢單獨凑b,相信佢好快嗌救命。
至於錢同禮貌方面，其實咁大個人好難改變，但要靠你比佢知道身教既重要，比佢知道你現在怎樣對長輩，仔女日後就會怎樣對自己。不過佢唔做都冇計，要你好好教育下一代，不過爸爸既影響力係不能忽視的。