原文章由 小寶貝兒 於 08-11-7 15:31 發表
下? 冇左免費飛拿???
我仲諗住下個月過大海, 撈返多少添~~
順便申請埋做會員, 間唔時同老公過去relax下添~~
下個月輪到我去實地視察~
順便講多樣題外話, 見今日個市咁鬼牛, 我地都係吹下水好啦~
話說我今日要去上攝影堂, 第一堂麻, 又比左幾百蚊, 梗係要去上啦~
點知剛剛99打電話黎, 話叫我唔好買送, 今晚過去食飯!
我: "99, 我今晚要去上堂啊!"
99:"上堂? 上咩堂呀? 上到幾點呀?"
我: "上返工要用果d堂囉!" (如果我話去上攝影堂, 佢一定叫我唔好去啊! side晒d錢!!)
99: "上完返黎食囉, 等埋你勒!"
我: "上到7點9啊! 係油麻地上, 返到黎都8點幾9點啦!"
99: "$%&*)(_)$@#&%@&%, 氣, 麻鬼煩, 你幫我打電話叫阿x(我老公, 佢個仔)啦, 我打唔到佢電話呀!"
15分鐘之後, 我老公打黎, 同樣都係話去食飯啦~ 不過我老公今次好好啊~~ 叫我去上堂, 唔洗去食飯, 仲話99麻鬼煩, 要食飯唔會早d講, 次次都係當日下午先打黎! 叫我唔好理佢, 照去上堂, 佢去食得架啦~~~
嘩~~ 心情當堂好到識飛咁~~ 開心過中六合彩呀~~~
因為我老公以前雖然會覺得99麻煩, 但仍然會嘗試叫我就下佢地, 唔好返學都要我去食飯, 今次完全冇試過叫我就下忍下, 我真係覺得~~ 呢個老公very good啊~~~~
老公, 我愛你呀~~~~~~~~~~~~~~~