婆媳關係 今日: 0 | 主題: 27701

積分: 12890

醒目開學勳章畀面勳章

23^#

發表於 08-7-1 23:15 |只看該作者

我依家都係夜晚先放bb上床,日頭係廳/我房瞓!雖然好似好衰咁,不過都慶幸62大陸有女人,幾日先返一次,起碼唔係日日吸!我會同c6再度下可唔可能帶返bb入房...62今日又再食煙(尋日無係因為無返嚟)...佢呢份人真係攞刀指住佢都唔會改架啦...

私人傳訊

小小太陽

積分: 2301

24^#

發表於 08-7-2 14:40 |只看該作者

如果夾硬搬出去
(eg舊區/新界果d 唐樓, 平平地三四千蚊)

財政上支持到嗎?

私人傳訊

積分: 12890

醒目開學勳章畀面勳章

25^#

發表於 08-7-2 15:24 |只看該作者

原文章由 小小太陽 於 08-7-2 14:40 發表
如果夾硬搬出去
(eg舊區/新界果d 唐樓, 平平地三四千蚊)

財政上支持到嗎?

其實c6唔係真係無錢,要搬出去佢係應付到架,只係佢唔想...佢成日覺得間屋又唔係唔住得,唔需要急住搬,如果搬出去開支就大好多,所以經常話個女供書教學要用好多錢,又話我溫室小花唔識打理頭家,又話唔可以唔理自己阿媽,仲之就次次都有唔同藉口!只係佢都開始頂唔順自己阿媽嘅怪脾氣,亦都知我容忍已經到極限,佢先應承我搬!

要等間屋係因為佢話反正都要俾錢,不如俾自己人,又唔怕住住下俾人趕!我提議早d搬佢都有搵藉口架~佢問我要做哂所有家務同湊女應唔應付到,我話環境迫人無話唔得,佢就猛咁話辛苦過依家好多架喎!我話我寧願咁樣(意思係做死自己都唔想同6299同住),佢先應承我會考慮咋...

私人傳訊

小小太陽

積分: 2301

26^#

發表於 08-7-2 16:03 |只看該作者

如果係咁, 我真係覺得你地應該即刻搬
有乜野緊要得夫妻感情, 你既精神狀態同埋個女既建康?

錢, 可以搵返

兩個人有磨擦都可以好返, 個女健康一差左, 就點都補唔返

辛苦都要搬呀!!!
加油

私人傳訊

OneOneMa

積分: 1038

27^#

發表於 08-7-2 16:59 |只看該作者

快D搬啦... 唔係講笑, 如果你 6299 再係咁而你 C6 響度就仲好, 即刻喊住同佢講你唔再等得, 再咁落去你會同個囡一齊走... 要佢即刻搬!

講真, 佢話得你係溫室小花, 就應該好好保護你而唔係成日叫你忍耐吓, 我覺得佢跟本就係拖字決, 拖得一日得一日多過真係想同你搬, 所以, 如果再有咁的情形你就可以發圍, 話一係三個一齊搬, 如果唔係就你同個囡搬, 佢實多多藉口, 又問你點照顧個囡等等, 如果你係有返工, 就話日頭帶個囡去育嬰院夜晚接返佢, 如果冇返工就話你會去搵野做, 然後請人睇住個囡... 你一定要諗定佢會問你咩, 諗好點答佢! 如果唔係, 我肯定兩年後佢都唔會搬走。

私人傳訊

foggyao

珍珠宮

積分: 34481

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

28^#

發表於 08-7-2 17:35 |只看該作者

真係睇到你講就 '鄧' 你激氣!!

唔好計佢哋亂咁玩bb, 靜係你62晌房度食煙+bb床晌度, 就算幾日返來一次都死啦!

間房有幾大先? 500, 600呎大再加埋強力抽氣扇就會好d.

快d搬走bb跟你哋瞓啦! 你哋可唔可以同62, 99調房瞓?

你bb幾大, 識轉身爬起未?

我o個時係阿媽間房放唔落bb床, 我哋又要返工, bb夜晚成日起身, 我哋頂唔順, 就diy張臨時床比bb.

用個書架拆左中間d層架來當床架, 下面鋪條大無巾再擺個bb流動床 (摺得埋, 有張床褥仔o個隻). 個書架下面係用鐵枝切出來的鐵架 (四圍鋪頭都有得賣o個d)

放晌床邊, 個鐵架中間仲可以整多層房bb日用品添!

我女女都瞓到開始識轉身爬起先跟番我哋瞓.

[ 本文章最後由 foggyao 於 08-7-2 17:39 編輯 ]

私人傳訊

積分: 12890

醒目開學勳章畀面勳章

29^#

發表於 08-7-3 00:06 |只看該作者

我都明白各位嘅意思,其實我多次考慮過帶埋個女返娘家,但係我唔希望因為佢兩個而搞到我同c6關係決裂...c6其實係一個好老公亦係一個好爸爸,只係6299係佢父母,好多時佢哋做過咩c6唔會過問,而且要返工都睇唔到咁多...但係如果我講得多佢就覺得我係針對佢哋,所以我咩都唔同佢講,結果今次一次過爆出嚟!!

我啱啱再問佢搬走嘅問題,佢支吾以對,我都唔敢迫佢,費事佢煩起上嚟完全reject我就無機會啦...

foggyao,多謝你嘅提議,,不過囡囡已經9個月大,識轉身同爬,恐怕唔係太適合!調房瞓就更加唔駛諗!佢哋覺得個主人房係佢哋長輩嘅,無可能會讓...

私人傳訊

小寶貝兒

珍珠宮

積分: 30247

30^#

發表於 08-7-3 18:40 |只看該作者

男人, 一日唔搬離開父母, 都唔會醒覺自己已經結婚生仔, 長大成人!!!

可能你都要暗示明示比你老公聽, 你既耐心冇得幾多, 亦都要比佢知道後果(有可能失去你同囡囡), 佢先會識得醒!!

老實, 如果我唔係差D出事, 我老公都仍然會叫我繼續忍佢個癲老母!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 12890

醒目開學勳章畀面勳章

31^#

發表於 08-7-3 23:51 |只看該作者

今日食飯嗰時c6提出咗早d同租客解約,99好明顯唔高興,不停揾理由...
1)bb細瞓邊度都一樣,唔駛要房
2)唔記得租約內容,唔可以改期
3)c6話過咗死約就可以,但99堅持話唔得
4)c6話方便bb將來讀書唔駛特登轉校,99就叫搭校巴
最後c6叫99同租客講提早解約,好衰唔衰c6又蠢加多句"如果唔得就算啦!",我聽到真係想一腳踩落佢度!!!佢之後仲要同我講要做嘅都做哂,我俾佢吹脹!佢企得咁唔夠硬淨,我覺得99會扮哂嘢話問過唔得跟住不了了之囉...真係蠢到無人有...

私人傳訊

積分: 12890

醒目開學勳章畀面勳章

32^#

發表於 08-7-4 11:34 |只看該作者

今朝同c6講返收樓問題,佢話如果99真係呃我哋佢都無辦法,跟住就話我已經唔鍾意呢個家!我初初以為佢想俾說話我聽,但係跟住佢好sad咁話"你唔好咁啦,好似我累咗你咁...你係咪好後悔跟咗我呀?"嗰刻個心好酸,因為我清楚知道我唔開心嘅源頭只係6299,唔關c6事...依家搞到咁樣,我已經唔肯定係咪應該繼續堅持早搬...我唔想再對住6299,但係又唔想c6為難...好煩呀...

私人傳訊

wmpl

積分: 3000

33^#

發表於 08-7-4 14:39 |只看該作者

原文章由 KoyeBaby 於 08-7-4 11:34 發表
今朝同c6講返收樓問題,佢話如果99真係呃我哋佢都無辦法,跟住就話我已經唔鍾意呢個家!我初初以為佢想俾說話我聽,但係跟住佢好sad咁話"你唔好咁啦,好似我累咗你咁...你係咪好後悔跟咗我呀?"嗰刻個心好酸,因為我清楚知 ...

你唔好心軟呀~~你堅決啲先至係對大家都好!

你試吓同你老公講,如果大家都唔想再辛苦落去,就快啲搬,阿媽就永遠都係阿媽,佢而家再嬲再唔開心都好,以後都可以彌補,或者你會諗佢都一把年紀,都唔知仲有幾耐日子就係咁不斷容忍佢,不過你自己都有眼睇,佢都只係越嚟越過份同埋越嚟越多要求,又好多籍口嚟做錯事,已經完全唔理我哋嘅感受,如果到你都冇辦法再容忍佢先至話搬,我諗到時一定係連你都唔想理佢,同埋再咁樣落去,我只係驚我哋會做唔成夫妻,再講得現實啲,世事無常,我都唔一定長命過佢,如果我死先過佢,你又要諗吓我在生時嘅日子係點過,你係咪都一定有機會彌補?到時你就真係對我唔住~~

趁大家嘅關係仲未惡劣到要反面嘅時候盡快抽離,困住喺度其實係死局,唔會有轉機,就算你唔鍾意唔開心,都仲未演變到憎佢嘅地步,今時今日可能你會覺得你冇可能會憎你阿媽,但係我未嫁俾你之前,都從來冇諗過我會咁唔鍾意佢哋,都以為我為咗你乜都會忍得到,但係事實話俾我知,冰封三尺非一日之寒,同埋孝順有好多方式,我都係唔想我或你憎你阿媽到冇得挽救嘅地步先至同你講,至多搬咗之後而時間上許可嘅話就返嚟探吓佢,氹吓佢,兩母子冇隔夜仇,我相信佢都唔會咁硬心腸咁對你!

私人傳訊

yuki-yan

複式洋房

積分: 237

34^#

發表於 08-7-4 21:44 |只看該作者

搬走啦!

私人傳訊

積分: 12890

醒目開學勳章畀面勳章

35^#

發表於 08-7-5 01:10 |只看該作者

囡囡終於可以遠離二手煙啦!

今日同c6一齊搬走bb床,99知道之後又話呢樣又話嗰樣,但係c6同佢講間房完全唔啱bb瞓:佢哋又嘈,62又食煙,間房又刺眼(99唔鍾意用窗簾,話間屋一定要光),99一路都黑住面無出聲,但係我覺得佢唔鍾意囉...搬走嘅問題未解決到,但係起碼bb唔駛再吸二手煙呀!夜晚c6仲帶埋我同囡囡出街,話想我開心d,唔駛日日對住6299~我知佢已經做咗好多,為咗佢,我會再忍耐下!!(不過可以提早搬就最好啦~~)

私人傳訊

JFL

伯爵府

積分: 17159

36^#

發表於 08-7-5 02:11 |只看該作者

連搬張牀,你奶奶都黑面我諗佢唔會同個租客提前解約比你地搬入去.到租約滿咗比唔比你地搬入去都成問題.既然而家住的地方連擺張ＢＢ都成問題,你老公系未時候正視下搬呢個問題呢?!你老公咁體諒你,你倆就好好商量自己揾地方搬吧,唔好指意你９９了!

私人傳訊

wmpl

積分: 3000

37^#

發表於 08-7-5 04:11 |只看該作者

原文章由 魔鬼天使 於 08-7-5 01:20 發表

你c6都好好架喇,
唔好一下迫得佢咁緊要,
搞革命係要時間既,

係呀,既然你老公肯為你做多啲嘢,又唔好迫得佢太緊呀!但係樓主你都係要以目標為本,唔好放過任何可以搬走或增加你可以快啲搬走嘅機會,事關你99條氣而家一定好唔順,實會做埋啲小動作搞你架,你要小心啲,小心因為咁令到你同你老公唔開心呀,開心還開心,但係都唔可以太過放心而放鬆得太緊要!!唔好意思,我唔係想撥你冷水,只係唔想你兩公婆俾人乘虛而入啫!!

私人傳訊

積分: 12890

醒目開學勳章畀面勳章

38^#

發表於 08-7-5 09:09 |只看該作者

原文章由 JFL 於 08-7-5 02:11 發表
連搬張牀,你奶奶都黑面我諗佢唔會同個租客提前解約比你地搬入去.到租約滿咗比唔比你地搬入去都成問題.既然而家住的地方連擺張ＢＢ都成問題,你老公系未時候正視下搬呢個問題呢?!你老公咁體諒你,你倆就好好商量自己揾地方 ...

我都諗過呢個問題,因為佢咁鍾意攞我個女嚟玩(但係囡囡好怕佢),佢可能會作大話個租客唔肯搬跟住就唔俾我哋走,或者2年後話唔記得咗又租咗出去,最衰係全部都係佢負責,佢話咩就係咩,就算我懷疑都無得出聲...c6又話佢哋份租約唔係正規嘅合約,只係雙方簽名嘅同意書,無提到話可唔可以提早解約,99又唔肯攞出嚟睇,所以c6都話可以提早搬嘅機會好微...但係我就覺得份約無理由呢d基本嘢都無囉...c6應該無懷疑過99會呃佢,你哋話我小人之心都係咁話,我始終覺得99會耍陰招囉!

私人傳訊

ching070707

公爵府

積分: 29664

認識瑞士牛牛第三回

39^#

發表於 08-7-5 09:34 |只看該作者

係住壞人0既地方....我阿媽成日都咁同我講

原文章由 CAT0112 於 08-6-30 13:04 發表
一於叫你c6搬啦，佢自己都有眼睇既，咁都忍唔係化?快快趣離開呢個鬼地方啦:;pppp:

私人傳訊