部機用在一年半壞咗。打去說明書上面個客服專線係冇人聽嘅，去面書留訊息亦都冇人回應，之後發個電郵，終於有職員回覆叫我自己拎部機去中環，但係過咗一年保養期係冇免費維修嘅。上到去擺低部機檢查，首先要俾$280所謂嘅維修費，係冇得退嘅。之後話師傅睇吓咩事會再打電話同我確認是否要買零件做維修。9日後師傅打嚟話要俾$700蚊問我做唔做，我話做，佢話會等齊配件到咗就做。咁又等咗大概兩星期，又有師傅搵我話其實部主機無事，只不過電池死咗，充電器又壞咗，叫我自己上網去買就可以再用嘞！仲要等通知再上去中環攞返部機。唉！整個過程等咗差不多一個月，到頭來得個吉！點解唔早啲同我講清楚確實價錢，又或者一早就叫我自行上網買配件呢？我買呢部機嘅時候係$2468，平時已經好小心咁用，但係一年半就已經壞咗。依家話維修檢查，已經係俾咗$280, 如果再買新電池$990， 充電器$390, 即係要再俾$1660落部舊機度，咁不如買過另一部新嘅，不過就肯定唔會再買呢個牌子嘞！
siubeebee 發表於 23-4-6 20:18
我部吸塵機買咗唔夠一年已經壞咗兩次
咁我開頭呢我都唔知道原來粒電剩係得半年保養，我咪打上去投訴
我話佢壞左2次 冇理由用幾個月又要再去整 。整，又要等一個月
跟住喺度講嗰啲使用啦 咁我同佢講呢我又一個月多一個星期冇用到部機
我又冇長期叉電 跟住呢佢同我講，
如果兩個星期唔用就會壞㗎
仲同我講手機都係咁手機放咗一段時間冇用拎出嚟用都唔會用唔到啦咁 用咁多年電話都唔會放喺度唔用一兩個月，跟住就用唔到啦
佢話換返個電池俾我 咁2個月又壞咁點 勁易壞
呢個唔係重點 重點係放兩個星期自然會壞 咁係咪去咗旅行就要換過第二個電 佢官網寫明充左電 可以放置 姐係呃人啦
發表於 
返回列表
