其他親子社群今日: 0|主題: 1218

收藏本版

發帖

返回列表

跳至頁

查看: 2174 | 回覆: 7

因為大仔，鄰居裝閉路！ [複製鏈接]

rachelcc2014

洋房

積分: 98

1^#

發表於 15-10-5 19:36 |只看該作者 |倒序瀏覽 |打印

事情係咁既...我地住公屋
而我大、細仔就由我奶奶湊(我要返工)
咁有時我奶奶要湊住細仔
大仔會係走廊同鄰居A小朋友一齊玩
對方大人亦在場大家關係亦唔錯
所以我奶奶好放心比我大仔係走廊同小朋友玩
已經維持咗半年
早排鬼節(我好肯定個段時間唔比小朋友出街)見到樓梯口地下有打爛咗既香灰爐
隔幾日左右就見鄰居B裝咗閉路
我就覺得可能因為佢香灰爐比人惡意打爛而裝
我都覺得無所謂啦！
到今日奶奶通知我房屋署有人上嚟
話鄰居B之前放咗幾對鞋係走廊
但經常唔見而且香灰被人打爛
就懷疑係我小朋友做
當時房屋買既人同鄰居B(一句聲都冇出過)亦在場
佢地開埋閉路電視片段比我奶奶睇
話見到我大仔成日係佢門口走嚟走去
但完全影唔到我個仔係佢門口做過任何事情
所以口頭警告我地
仲話再有下次會報警處理同即刻扣5分
我聽到真係好嬲！
我唔敢肯定我個仔有冇做到
但冇證據就屈係我大仔做真係好過份！
我地屋企試過有朋友探我地(當時大仔未出世)
朋友將對鞋放係走廊數小時
走個陣發現冇咗對鞋
有可能被人汁咗，亦有可能被人當垃圾掉咗
因為早7晚7定時有人收垃圾外，夜晚亦有人汁垃圾拎去二手賣
所以我覺得小朋友做係冇可能
佢可以拎得鄰居B對鞋去邊呀？！
掉落街？掉走廊？
如果真係樓下或者走廊都搵到啦！
點解會唔見？唔通貪對鞋香咩
附近住咁多小朋友，一定係我個大仔做？
走廊係公眾地方比放鞋？咁我放乜出街鎖住都得啦！
想問一問公屋走廊可唔可以裝閉路？
我留意到個鏡頭係可以轉動嫁！