自由講場 今日: 390 | 主題: 1303845

積分: 2817

1^#

發表於 08-7-22 03:03 |只看該作者 |倒序瀏覽 |打印

呢幾日都好唔開心...個人冇晒心機....
其實我爺爺唔算好老,佢係好勤力ge人,當佢有工番ge時候,佢身體就好好,但到呢幾年退休冇工番,個人身體就越黎越差...耐唔耐都要入醫院,但,今次係最嚴重ge一次....
第一日爺爺因為發燒入院,我爸打比我話我知,但佢話醫生話冇咩事
第二日下午,我爸打來話搵唔到我哥同呀嫂,原來醫生話呀爺好嚴重,係好似昏迷左咁,訓係張床度唔郁得,但知道佢d骨果d好痛...而我媽咪同我講果時我知佢喊緊...但我仲湊緊仔,佢又扭計,根本冇時間去諗,到我老公放工番黎我同佢講呢件事,講左1句已經忍唔住係咁喊....
夜晚媽咪打比我詳細話我知呀爺情況.收左線之後真係好唔開心,因為真係好嚴重...喊到隻眼腫晒....
(醫生話我爺爺基本上已經冇晒抵抗力,白血球又少,心臟有d組織已經壞死左,要抽骨髓去驗,抽左2次都抽唔到,又好難止血,只可以將我爺爺平訓壓住唔好比佢流血.醫生做到ge就只係比藥佢食,但係,d藥醫得好呢樣,又對身體第2度唔好,所以暫時只可醫最嚴重ge地方,仲要我地做好最壞打算,如果真係再惡化要打針or做手術ge,佢地唔會做,寧願幫佢"蚊"喉.....)
聽到呢d野我真係好似失控咁,除左喊我真係諗唔到野...
第三日媽咪打黎,佢話爺爺隔離床個人話沉日佢地走左之後,爺爺已經清醒d,到左今日下午都叫做醒,但有d人認唔到,我去過探爺爺,見佢係醒,但雙眼好似爭唔開咁,好攰好攰...
今日媽咪話醫生打比我爸,話雖然爺爺而家醒左,但情況都係唔樂觀,叫我地睇得幾多次就盡量去見爺爺....
夜晚媽咪黎左搵我,話爺爺已經開始唔係好清醒,語無倫次,成日話要番屋企,話再唔走又要入仁濟(但佢已經係仁濟醫院)醫生比左d藥佢食(因為冇大便)爺爺就一路問佢食左藥未,話果d車係咪車佢去大便(但當時係冇車的)幫佢著左尿片,佢又成日要除,又唔"come"被,一味就話要走..........聽到呢度,已經好心up,因為我太爺去世之前...都係咁..........
頭先媽咪走左一陣,又再打黎,話醫院d姑娘綁住左我爺爺,因為佢係咁"come"床要走...........我又忍唔住喊..............真係好心痛.....
我知道人係要經歷生老病死,但係到呢一刻我真係接受唔到,只係想逃避....一路都覺得呢個係夢,我唔捨得爺爺,,,由細到大佢都對我地好好,我真係唔想冇左佢...
唔好意思...可能太多字.其實我想繼續打落去...但係..........
真係打唔到了.....................................................好辛苦

0 0 0

私人傳訊

ccA_A

積分: 5696

好媽媽勳章睛靈勳章

2^#

發表於 08-7-22 03:39 |只看該作者

有時死可能係對你爺爺一種解脫,點都好唔好唔開心,好好珍惜呢斷時間去陪你爺爺多D

私人傳訊

oilamyoyo

侯爵府

積分: 24953

好媽媽勳章醒目開學勳章畀面勳章環保接龍勳章

3^#

發表於 08-7-22 03:50 |只看該作者

唔好咁唔開心啦,我諗你爺爺都唔想你咁嫁~
其實我都好怕呢一日會再黎....喺我媽咪未生我之前我爺爺已經唔喺度,我係從未見過我爺爺的...你見到已經係一種福氣..4歲到我公公離開我...6歲到我最愛既嫲嫲...咁多個佢最鍚就係我,好記得當日我勁喊...喊左好耐..而家都成日諗起佢以前點對我,我唔開心又會用個心同佢講....好掛住佢...得番我亞婆...佢今年都80+喇.......
~要珍惜相處既時間比任何都重要~

~大bb揍住兩個可愛的小bb~超辛苦但好富足^^~
~祝願每個人都有開心快樂既人生~
~記住甜酸苦辣是人生必須要走過的~

私人傳訊

rainstarwater

禁止訪問

積分: 12681

4^#

發表於 08-7-22 03:50 |只看該作者

提示: 作者被禁止或刪除內容自動屏蔽

私人傳訊

積分: 2817

5^#

發表於 08-7-22 04:11 |只看該作者

其實我都知我要面對現實....但因為屈住係心真係好辛苦....我又唔想係屋企人面前喊,因為我知道佢地都好傷心
雖然我老公都話其實爺爺走左佢會仲舒服,而家又痛又唔清醒,佢咁樣仲辛苦,話我唔可以咁自私因為愛爺爺就想佢可以繼續生存.我明白呢一點,我都認我好自私,但係呢個現實太殘酷.............我冇勇氣去面對.....

好多謝你地...我呢幾日都訓唔到,因為好怕電話響,而家c6又訓左,bb又訓埋...我好驚我會鑽牛角尖,多謝你地開解我....

bk真好....

私人傳訊

jacob614

積分: 7016

6^#

發表於 08-7-22 04:28 |只看該作者

好明白樓主心情，係兩年前我生日，湊大我爺爺離開我，就算到而家，我想起爺爺眼淚就會好自然咁流，我形容唔到個心有幾痛.
樓主，你要堅強呀！

私人傳訊

VB04

子爵府

積分: 14130

好媽媽勳章

7^#

發表於 08-7-22 09:02 |只看該作者

我都有过这个经验，真的很难受，很伤心。

楼主，但是你捻下你爷爷都很大年纪了，可能是一种解脱。。。他会比较舒服一点，你现在只有每天去看看他，跟他谈天。陪他度过最后的日子。
加油，你会克服的。God bless~~~

Hello everybody~~!

私人傳訊

積分: 2817

8^#

發表於 08-7-22 09:50 |只看該作者

唉...我都好想日日去陪佢,同佢傾計,但係爺爺根本開始語無倫次...同埋佢唔係個個都認得,上次佢認錯左我表弟係我呀哥...
而且我住屯門,又湊住個白厭仔,上次去探佢都係星期日媽咪放假,佢幫我睇住個仔我先去到渣.....
但我知道爺爺好想見我個仔同呀哥個仔....但2個"室"都係2~3歲,唔入得病房...

我地決定今日叫呀嫂帶個仔過黎,媽咪就去醫院,我地只可以用3g電話比爺爺見下佢地...but................
佢都唔知認唔認得,都唔知咁細個鏡頭佢睇唔睇得清楚..............
唉.............好唔開心.....但可以做ge我地會盡力做....我好想去睇多佢幾次.我知我唔去ge我一定會後悔架...但..........又冇人湊仔....好無助..........................

另外我想請問一下,你地有冇試過身邊有老人家同我爺爺情況差唔多?即是係醫院病重但堅持要番屋企?又或者佢地"林"過身之前有冇話係醫院見到d咩咁?因為雖然我爺爺唔算清醒,但都唔會睇錯咁多次有d車係病房入面架?

私人傳訊

建男媽咪

積分: 3472

9^#

發表於 08-7-22 09:58 |只看該作者

原文章由 bebee0526 於 08-7-22 03:03 發表
呢幾日都好唔開心...個人冇晒心機....
其實我爺爺唔算好老,佢係好勤力ge人,當佢有工番ge時候,佢身體就好好,但到呢幾年退休冇工番,個人身體就越黎越差...耐唔耐都要入醫院,但,今次係最嚴重ge一次....
第一日爺爺因為 ...

多d去睇佢啦, 都唔知可以講咩, 我都諗番起我爺爺呀

私人傳訊

fongfonglover

積分: 7299

好媽媽勳章醒目開學勳章

10^#

發表於 08-7-22 13:23 |只看該作者

我婆婆前日都入左院,佢o係近年都頻頻有事,o岩o岩收到我媽媽call,佢話e生睇左懷疑係子宮癌,不過仲未証實~琴日去探佢,見佢瘦曬(真係好瘦,好似d嚴重厭食症咁,我都好心up),自從佢上次大病之後講野都唔係好清楚,so我有時都聽唔明~我都知你o既難處,你好想同佢傾計但又唔明佢講咩o個種心情!!我就算去探佢都唔知可以為佢做咩,佢個人又呆呆滯滯咁,一味就叫我走............我媽媽有問我,如果証實左就要做手術,要全身麻醉,不過我婆婆都80+歲,做全身麻醉有好o大既風險,但我當時好自然咁答我媽媽:証實左梗係要做la,唔做就等於等死~
不過子細d諗諗,咁樣係咪好自私呢,婆婆都咁大年紀,身體又愈黎愈差,咁樣真係我想要佢留低o既方式?最終我都係等報告出左,如果証實係子宮癌再睇下佢去到睇幾階段先再算........

私人傳訊

rainstarwater

禁止訪問

積分: 12681

11^#

發表於 08-7-23 01:32 |只看該作者

提示: 作者被禁止或刪除內容自動屏蔽

私人傳訊

政壹

複式洋房

積分: 361

好媽媽勳章

12^#

發表於 08-7-23 01:55 |只看該作者

樓主:
好明白你的心情...........

我公公十二年前過身之前,我看著他那"沒希望"的軀體, 除了哭,我還做了兩件事:

第一:告訴他不用掛着我們, 我們大過了, 會乖、會生性、會照顧自己......(儘管他可能已不知道我在說什麼)

第二:捉着他又大又粗糙的手, 摸清楚他手上的筋, 摸清楚他的手紋, 記着他的體温,記着那一刻...........
(事隔十多年, 每次想起公公, 我還記得他的手是怎樣的... ...)

好好珍惜能與爺爺在一起的時間.........祝福您們一家!

私人傳訊

積分: 2817

13^#

發表於 08-7-23 02:08 |只看該作者

今日爺爺情況比沉日差左d,佢今日成日都話自己搭緊lift,同我爸講係x樓,同我媽講係23樓,冇耐又話到頂...我聽到好驚,,,,,,好似有d野咁....
之後隔離床個伯伯問佢知唔知而家幾點,爺爺話晏就囉~但果時已經係6點幾7點...
伯伯又問佢食左飯未,爺爺話未,咁媽咪就話:你餓唔餓呀?有粥係度,不如食d粥先啦,但爺爺唔肯....
今日係屋企亦都同爺爺玩左3g,佢見到呀仔都認得,平時爺爺會同呀仔好多野講,但係今日講唔夠2句佢已經話好攰...唔想講.....
媽咪都同我講,佢話爺爺好攰,根本就好眼訓,但唔肯訓,一有少少聲就會周圍望睇下有咩人係度,大家都覺得其實爺爺可能都知自己....所以驚訓左唔醒...........爺爺最想見就係2個"室"而家見左我個仔,差哥哥個仔,明天佢地一家會出去,其實好驚...好驚....因為驚佢見齊晒人就走.....

今日我1家3口都病左,仔仔有d喉嚨發炎,睇左醫生,媽咪叫我明天唔好出去...話驚呀仔又扭計or病
但係明天就係爺爺見齊人ge日子...我好驚佢就咁走左,我好想跟埋哥哥一齊出去.....我地辛苦少少我冇所謂,我只想爺爺開心....我唔知點樣講掂我媽咪.......我知我如果明天唔出去,第時如果冇機會,我呢一世一定會後悔,係遺憾.....我應該點做好....

真係好多謝你地肯同我分享,亦好sorry令你地諗起d唔開心ge事.........
我好攰了,先off啦,明天再同大家傾爺爺情況...thx你地

私人傳訊

jsfamily

積分: 4230

14^#

發表於 08-7-23 02:32 |只看該作者

我好後悔冇幫daddy錄片. 唯有效紀臆

bebee
珍惜每分每秒. Takecare

原文章由 bebee0526 於 08-7-23 02:08 發表
今日爺爺情況比沉日差左d,佢今日成日都話自己搭緊lift,同我爸講係x樓,同我媽講係23樓,冇耐又話到頂...我聽到好驚,,,,,,好似有d野咁....
之後隔離床個伯伯問佢知唔知而家幾點,爺爺話晏就囉~但果時已經係6點幾7點...
...

私人傳訊

阿藍2006

侯爵府

積分: 21473

好媽媽勳章畀面勳章

15^#

發表於 08-7-23 02:58 |只看該作者

我好明白你感受,因為我爺爺係我中一個年已經離開左我,但係我好記得爺爺個時,都病到好辛苦,我地可以滿足佢都會滿足佢,佢要返屋企,我地會帶佢返屋企,佢好好彩就係見到個仔,同埋嬤嬤餵佢食湯水時走,雖然見唔到佢最後一面,但係起碼爺爺有人送終,我記得爺爺好錫我地兩姊弟,以前細個返去食飯,佢地一定會比錢我地買嘢食,仍咁多個孫最錫係我地兩個,所以我一直都好唔開心,唔可以送爺爺最後一程,所以而家得閒就會返去搵嬤嬤飲茶
個時爺爺都唔係太認得人,所以真係好唔開心,個時姑媽個D會輪流去照顧爺爺,但爺爺一唔係度,個個都喊到.........睇見嬤嬤個時咁真係好心痛.....
一個老人家咁多病痛,我寧願佢可以安詳咁離開呢個世界,因為佢留係人間兔一秒,只會痛苦多一秒,我寧願自己傷心都唔希望佢痛苦

私人傳訊

政壹

複式洋房

積分: 361

好媽媽勳章

16^#

發表於 08-7-24 01:32 |只看該作者

妳爺爺情況點呀?

私人傳訊

積分: 2817

17^#

發表於 08-7-24 02:49 |只看該作者

多謝你地關心...
我今日出左去睇爺爺,
但我一出去到去,入左病房唔夠1個字....
爺爺就叫我地走...><佢話好佢攰.......
今日就比較清醒番少少
醫生同佢check左dd野
話佢冇中風,冇腦莫炎.但係個心臟有事...
詳細都唔知得好清楚,因為時間太短....我仔仔又唔舒服扭抱
好怪就係點解前2日講得咁嚴重,但而家又話好番少少....
唉....總之就好反覆,我都唔知點好..........仲係好擔心...
因為今日見到爺爺好似好緊張咁,又好似有d手足無措咁...
又好攰,雙眼冇咩神........................
唉...我都要明天打比我爸問詳細d...
真係好多謝各位覆過我ge人...
今日心情好番少少了....多謝你地

私人傳訊

BKVIP

積分: 4355

18^#

發表於 08-7-24 11:30 |只看該作者

BEE BEE

你要堅強呀！有時間就多d睇你爺爺

私人傳訊

angelawoo