大仔大女媽媽會今日: 0|主題: 177860

收藏本版

發帖

返回列表

跳至頁

查看: 1601 | 回覆: 2

[2006年] 囡囡唔識保護自己 [複製鏈接]

等待BB的小貓

大宅

積分: 1628

1^#

發表於 08-7-28 23:33 |只看該作者 |倒序瀏覽 |打印

囡囡一向都唔會同人爭玩具/野食, 朋友上我屋企玩佢玩具, 佢會比佢地玩, 係樂於share玩具比小朋友果隻.

上次個fd個女上黎, 佢細囡囡2個月, 佢坐囡囡架3輪車, 囡囡想推佢車車行, 個小朋友以為我囡想爭, 就miss我個女手臂, 我見阿囡對眼汪汪想喊唔喊, 又唔鬧小朋友, 又唔搵我錫錫, 好委屈, 跟住就教囡囡, 如果唔開心就要出聲, 要話小朋友唔岩, 投訴比姨姨聽同媽咪聽. 跟住工人仲衰, 教佢打返個小朋友, 我話唔可以, 個印尼工人仲問點解唔可以?

跟住果次n1家長會, 帶左囡囡返學校同小朋友玩, 絶大部份小朋友原來都中意搶人玩具, 囡囡渣住d玩具往往比小朋友搶左, 阿囡又唔緊唔要, 其實, 都唔知點教佢好, 大人心態覺得咁樣好蝕底比人蝦應該要出聲, 但其實係小朋友立場, 佢地跟本唔知咩一回事, 可能佢一d都唔覺有問題, 呢個比人搶左, 仲有大把有咩所謂.

係呢個社會已經變左質, 所以, 希望囡囡識保護自己, 唔係要同人爭, 但適當時候就應該要出聲, 可能我自己係較奈弱, 所以想囡囡強頑一d, 怕佢第日咩都啞忍, 受苦係自己. 而老公就話, 佢始終係女仔, 奈弱一d都冇問題, 女人唔洗咁強, 太強既女人冇咩幸福, 所以都唔知點教先為之岩. 你地有咩睇法呀???

0 0 0

私人傳訊

mowaiching

大宅

積分: 1526

2^#

發表於 08-7-29 06:09 |只看該作者

其實我好欣賞你囡囡就真...
一般同齡小朋友都會爭玩具, 因為佢地自我中心, 認為咩都屬於自己, 但你囡囡好乖巧, 唔會同人爭同搶, 或者呢d就係每個bb都有獨特的性格啦...
佢唔爭, 其實你該開心, 因為佢有溫和的性格....

相反, 我地成日都要睇實佢地同其他小朋友玩...仲怕佢打人, 唉, 識我阿女都知係小霸王....搶到玩具先罷休, 要教佢地分享我覺得仲難呀....