想生BB 今日: 1|主題: 109094

收藏本版

回覆發帖

返回列表

跳至頁

查看: 4538 | 回覆: 2

宮外孕：切完輸卵管發現唔到胎囊 [複製鏈接]

Rotzelle

複式洋房

積分: 206

1^#

發表於 24-5-4 19:39 |只看該作者 |倒序瀏覽 |打印

本帖最後由 Rotzelle 於 24-5-4 19:41 編輯

剛剛出院一個月，想分享一下呢個心路歷程

4w4 去咗抽血check HCG
分別係69 & 129 ，無翻倍但都高過1.66

5w7朝早流啡，於是去咗瑪嘉烈急症，好快安排咗我入院、照陰超搵唔到胎囊

6w1 早上抽血，但因為係公眾假期，所以要等多日先有result ...到夜晚去廁所，想大便時，可能有用力，竟然唔係啡，係有鮮血，即刻唔敢繼續痾。

6w2出咗琴日嘅HCG ，已經去到1590，即刻再照陰超但都係搵唔到。醫生話好大機會宮外孕，因為見到有少少陰影。果陣已經喊到崩潰但仍然keep 住每十幾分鐘就有人問你決定好未，由照完陰超，到做決定都無超過一小時。根住醫生走嚟問我，會選擇『移除』有問題嘅部份，定係揀『切除輸卵管』，佢唔比開住電話比老公聽住，佢要我收咗線先，因為我老公睇嘅資訊比我多，我好信任佢嘅想法，然而當刻我要自己決定 ... 我決定咗切除，因為知道輸卵管唔健康先會出現咁嘅事，咁不如就切咗去避免下次啦。
本身3點後先有得做手術，由3:15開始，我開似M 痛、宮縮果種，開始痛到只能夠訓喺床唔郁，醫生護士即刻好緊張，即刻安排我排頭位等入手術室。

完成手術後，第二日（唔係做手術）醫生巡房，話已經切除咗左邊輸卵管、入面係有胎囊、另一邊輸卵管係健康嘅。話手術前嘅痛，應該係BB 知道生得唔啱位，自然剝落緊。
到果日下晝，我喺M 巾上面，發現咗一啲類似組織、一啲膜嘅野，於是交咗比護士入樽仔化驗。而當晚我嘅妊娠感覺就消失咗

喺手術九日後，收到醫院電話，叫我第二日即刻返去做檢查，因為話切咗出嚟嘅輸卵管無胎囊，擔心喺其他地方宮外孕。我果陣喺條街度喊咗出嚟 ... 果下揀咗做腹腔鏡係想搏一鋪，等佢地睇下入面有無胎囊，無嘅話，有機會胎囊喺宮內太細照唔到 ... 但原來入面無野，咁我點解切？仲降低咗懷孕機會。我當下都幾肯定自己無懷孕，因為有無妊娠反應自己好清楚。

第二日再返去醫院，唔係做手術嘅醫生問完我情況，解釋咗有幾個可能性：。1. 因為手術時我輸卵管同卵巢之間有滲血出去盆腔，唔排除由果啲位流產咗。
2. 已經流產咗，經子宮排咗出嚟
3. ⁠其他位置宮外孕
我問佢，點解手術第二日嘅醫生話有胎囊，依加又話無？
果位醫生把口好識講野「我諗應該係每個人表達都有啲唔同，因為始終我地係憑肉眼去判斷，手術時用肉眼見到有，但實際要化驗完先可以確實知道。同埋當時輸卵管都脹大咗嘅 ....... 而手術後排咗出嚟嘅野係因懷孕而產生嘅膜，果個唔係胎囊組織嚟」
我知道其實已經無得拗，做手術嘅唔係呢位醫生，果一刻已經無法去扭轉我已經無咗BB 呢樣野，亦唔想糾結喺呢件事度。

瑪嘉烈嘅護士、姐姐都好友善好好人，但如果有得出院有得比我再次選擇，我會希望去私家照多次攞多個意見。
最終連BB 係點樣離開 ... 我地都唔知道，但希望盡快養好自己身體等佢返。