吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 烹飪搵食› 未試過食飯食到咁唔開心！(有d長)

烹飪搵食今日: 0|主題: 139004

收藏本版

發帖

返回列表

跳至頁

查看: 3074 | 回覆: 13

[搵食推介] 未試過食飯食到咁唔開心！(有d長) [複製鏈接]

may.bb

子爵府

積分: 12534

1^#

發表於 09-6-22 16:32 |只看該作者 |倒序瀏覽 |打印

今個父親節食飯食得好激氣！呢件事令我成晚都瞓唔好！所以我想宣洩出嚟！
之前同d親戚試過去鯉魚門第一間店(金利x)食海鮮！親戚係熟客，上次我哋有2個歲幾兩歲嘅小朋友食都無話過要收錢，親戚試過同一個4、5歲小朋友食都無話要收！咁父親節我爸爸想食海鮮，所以我打去同老闆碧姐訂位，佢話「兩歲小朋友要收半價，總之佢有食我d嘢我都要收半價」，咁我話我上次有兩個小朋友嚟食都無話要收錢，同埋小朋友會食咗飯先嚟，佢都唔會點食嘢！佢先話唔收！不過我話我哋有5個大人，但有一位食素，會點計？碧姐話50元一個素菜，咁只會計4個大人錢！咁我上次食每位200元，今次收每位250元(可能父親節關係)佢問要唔要食300元，我選250，因為上次食200都好飽！
到父親節早上，碧姐都有打電話比我確定4個大人1人食素同1位小朋友唔收費！點知當晚，我去到叫「可以起菜」，但旁邊遲過我哋嚟嘅都起咗菜，我哋叫咗幾次都未嚟，伙計話因多人好忙，我等咗半個鐘都算！到我哋叫可樂飲，伙計話無可樂，只有忌廉同7up，但轉頭旁邊張枱叫可樂，竟然突然有可樂都算！我哋見每張枱都有 ‘勝子’食我哋無，同埋佢d帶子、鮑魚等都嚟5份，咁未唸住問吓，費事埋單時有誤會！點知個個伙計都話唔知(包括問點解我哋無勝子食都話唔知)仲要有個伙計倒瀉茶同汽水令我衫褲鞋都濕哂！我個囡又驚到喊！個伙計同我道歉同埋比返罐汽水我話無計錢，其實我都無介意，都算！點知轉頭，碧姐上嚟第一句就「邊個話無勝子食呀？」(語氣超衰)「人哋比300蚊未有得食囉！」我「你唔洗咁勞氣，我只想同你講我哋只有4個人食肉，見你比咗5份我，我怕有咩唔會，同埋你只需話比我知250同300食嘅分別就ok啦！」佢「比300蚊就有勝子，你哋4個人比250，仲要一個食素一個小朋友，我點比到勝子你哋食呀？我只收你4人錢多咗個隻未比埋你食咗去囉！」我有d火「你唔洗咁勞氣呀！我比你伙計淋到濕哂都無嘈呀！我知想知道250同300嘅分別，下次未可以選擇食貴d囉！」佢「我今日聲沙遮！唔係勞氣！」之後走咗去！轉頭幾張枱一齊上龍蝦伊麵，當我哋食緊嘅時候，碧姐又嚟「嗱！呢個龍蝦伊麵都係300蚊先有得食，依家我比埋你哋食嘞！」(但後來我親戚話其實咩價錢都有得食龍蝦伊麵，而且佢哋多少少人，所以只會食200元一位)d語氣講到好似我哋嚟乞食咁，我哋即刻無哂食慾，父母亦好唔開心！其間仲有伙計同我哋沖茶，但之後又無回頭，原來伙計唔知壺茶沖咗之後放咗响邊，要我哋問佢先沖過壺比我！到埋單，碧姐「嗱！我依家收你4個人錢，1個素菜錢同汽水都只係收你4罐錢(我心唸第5罐係你哋伙計話唔收費，因倒瀉咗)，個小朋友原本要收你半價，我依家唔收你！我費事收你！」我「你咩嘢意思呀？我打電話嚟問，你話小朋友食咗飯嚟可以唔收費，依家話要收但只係費事收我？」佢「我唔想同你講嘢呀！你走呀！」我「你咩嘢態度呀？你d伙計倒到我濕哂我都無話投訴，你依家咁嘅態度嘅？」佢「我已經罵咗個伙計，你走啦！」我好唔開心！第一次比d老闆咁無禮貌話「我唔想同你講嘢呀！你走呀！」我話比細佬聽，佢都好嬲，於是去同碧姐理論，剛有一個抱住約2歲小朋友嘅家庭走，我細佬問佢哋「請問呢度有無收你小朋友費用？」個女人「吓？無喎！」碧姐「我係無收佢哋，我都無收你啦！」我細佬「但問題係你無話收佢哋錢，但話要收我哋，只係費事收！係兩樣嘢！」佢「我今日喉嚨唔舒服遮！」我細佬「咁你就可以同佢(我)講 “我唔想同你講嘢”咁呀？你d態度就可以咁差呀？」佢「我都唔係咁！」我細佬「我已經影咗相預備放上網嘞！」佢「你未放囉！我都唔怕！我呢度係做熟客生意嘅！你未放囉！」最後，我細佬講咗句「你呢d人影衰哂香港d食市呀！」呢個碧姐d態度完全唔係一個老闆對客人應有嘅態度，我知佢今日好忙，倒瀉嘢嗰個話自己今日係臨時工，老闆因忙又病，而且伙計又幫唔到手(其間我哋食食吓都會有伙計問我哋食咗蝦未！可見佢哋做到混亂一片！)其實好理解老闆會有脾氣，但唔應該發洩係客人身上！仲要趕人走，持住有大把熟客唔休做就咁嘅態度！其實我打電話訂位時，佢大可以話要有6個大人以上先可以訂位！唔需要經常提住我有小朋友及食素唔收費(有我哋少人比少錢嘅意思)！搞到父母都唔開心！真係好激氣好唔開心呀！

0 0 0

私人傳訊

花子

大宅

積分: 4581

醒目開學勳章環保接龍勳章

2^#

發表於 09-6-22 17:03 |只看該作者

睇完你呢個CASE,我又諗起我上次同屋企人食飯,係油塘果間垃圾(松XX)酒樓,佢間野又肆住有班大6客團生意,當我地d本地客唔係人,果日唔係大日子都食到一肚氣(唔只我地一臺投訴),我爸話去到幾遠,食乜都好,唔好再黎油塘食。

私人傳訊

kingawa

伯爵府

積分: 18126

3^#

發表於 09-6-22 17:22 |只看該作者

以後唔幫襯算了!!!

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

ALAL

男爵府

積分: 6535

4^#

發表於 09-6-23 17:54 |只看該作者

私人傳訊

Abby媽

大宅

積分: 3258

5^#

發表於 09-6-23 20:51 |只看該作者

oh! too bad experience.
put it on open rice.

私人傳訊

優閒

大宅

積分: 1767

6^#

發表於 09-6-24 04:09 |只看該作者

咁衰架, 以後唔好去果度食海鮮啦, 我去流x山食, d人好好架, 不過我去個間係行入去架

私人傳訊

kiki.kiki

珍珠宮

積分: 49031

醒目開學勳章環保接龍勳章

7^#

發表於 09-6-24 10:59 |只看該作者

嘩, 個老闆超衰

我都怕大時大節人多, 服務差, 又貴D, 所以多數提早/推遲先食

私人傳訊

goldlion

男爵府

積分: 7584

好媽媽勳章

8^#

發表於 09-6-24 11:18 |只看該作者

d人水平超低, 唔好同佢計, 一於係openrice 同 UFood 講佢d野出黎, 仲要放條片上網添.
香港比佢這些人影響晒美食天堂既美譽.
不知所為.

私人傳訊

szesze2009

別墅

積分: 972

好媽媽勳章

9^#

發表於 09-6-24 22:18 |只看該作者

唔好同嚟啲人一般見識,花無百日紅既!佢咁既做人態度,睇吓佢生意好得幾耐!

私人傳訊

大平果

大宅

積分: 4293

10^#

發表於 09-6-27 22:13 |只看該作者

一定記住

佢o甘衰記住(金利X)先

私人傳訊

bbleeho

大宅

積分: 1834

11^#

發表於 09-6-27 23:40 |只看該作者

私人傳訊

Rocanbaby

侯爵府

積分: 20530

12^#

發表於 09-6-28 19:59 |只看該作者

好地地食餐都攪到咁唔開心

私人傳訊

rittylo

大宅

積分: 3619

13^#

發表於 09-6-29 19:29 |只看該作者

錢洗左仲要個心唔舒服...今時今日咁既服務態度...應該唱到佢執啦...黎洗錢仲要受佢氣...難怪你成夜瞓唔著啦!...唔好再記住呢件事喇...再搵過第二間食...大把良心食市啦...再唔係食大排檔(冬菇亭)...鑊氣又好,又平,叫幾多都自己控制...食素又或者唔食都無問題嘛!...一定唔洗 $250X4 位咁貴啦!!!

私人傳訊