ballpen 寫道:
vivienmak,
要印印講廣東話流利,都要首先畀佢有多啲機會可以聽到廣東話,同埋要有機會講廣東話先至得,要記住佢唔係神仙,佢唔會就咁自己識講的,所以你應該以後唔好同佢講英文,就算佢唔明,都唔可以講英文,一定要全程廣東話,你又諗吓,香港人自細就學講英文,學左十幾廿年,啲英文唔係又係咁水,個印印只係來左兩個月,佢又點可以識好多廣東話呢?畀啲時間同心機,去同個印印溝通,等佢有多啲機會練習廣東話喇.
仲有,你個小朋友啲英文退步左,都唔好怪個印印呀,教小朋友唔係工人嘅責任,而應該係老師同父母嘅責任,你應該要阻止你個女再用一半中一半英咁同個印印講嘢,咁樣溝通法,對佢哋兩個都無益處的,你應該教你個女,要用廣東話同個印印溝通,唔好再用英文夾中文,如果你想個女啲英文好啲,咁你可以自己用英文同你個女溝通的.
Fatty 寫道:
如果你炒佢, 你都保証唔到下一個一定好過呢個, 而且從字面上睇, 佢冇做錯野, 咁都要炒? 有D人天生冇語言天份, 想學好D都未必做到.
我個人就唔會指意工人教小朋友英文, 最重要佢做好家務, 照顧到我仔仔, 我仔仔開心咁就ok, 我要求唔算高, 所以我好少因為工人而煩惱.
我個都係印印, 頭半年都係唔識講廣東話.