母乳餵哺 今日: 0 | 主題: 85693

積分: 40343

好媽媽勳章醒目開學勳章陪月勳章

1^#

發表於 10-12-13 10:33 |只看該作者 |倒序瀏覽 |打印

快要告別奶媽生涯, 好唔開心

回想大仔, 餵到20個月, 諗住第二胎(之後唔會再生)最少24個月, 然後斷奶, 連奶粉都戒埋

點知...呢一胎上奶快, 開頭奶量好過第一胎, 但BB滿月時入住NICU兩星期, 日日靠泵奶去維持, 當時係每日都追唔到(BB食7餐, 只泵到6餐).

諗住出院後全埋身可以追返, 都係唔得, 始終要補1-2餐奶粉, 後來奶量日走下坡, 仲越補越多...我就知道, 今次注定失敗了.

到呢幾日(BB快8個月大)每日只能埋身餵一餐, 我知道其實呢一餐係唔夠飽, 肯定冇7安, 可能得4安, 但阿B算係咁, 埋身後會乖乖瞓覺, 讓我覺得, 雖然係唔夠, 但佢滿足...所以我更加唔捨得連每日一餐都冇埋...

深知奶媽生涯快要完結, 不禁落淚

真係好唔開心....

SORRY, 我呻完喇...多謝你哋睇

0 0 0

私人傳訊回覆引用

gogogo2

積分: 4879

2^#

發表於 10-12-13 10:44 |只看該作者

我係全泵奶媽, 一向都要補奶粉, 最近奶量下跌到只夠bb食1.5餐, 呢幾個月我全家都不停病, 可能係我地長期唔夠瞓所以抵抗力差, 諗緊餵埋今個月收工, 但一諗就覺得好唔開心好唔捨得 ... 我都係呻下

方麗娟, 希望唔開心既感覺好快就過, 我地都耍振作

私人傳訊回覆引用

fanniec419

複式洋房

積分: 296

3^#

發表於 10-12-13 10:46 |只看該作者

唔好唔開心啦!有幾多咪食幾多囉!你已經好叻㗎,努力過,到最後無奶都無辦法,唔好傷心呢!

私人傳訊回覆引用

szekamama

積分: 3887

環保接龍勳章

4^#

發表於 10-12-13 10:51 |只看該作者

要唔要返工呀? 如果唔駛就盡量餵密d啦, 泵密d啦. bb好享受俾你抱住啜的感覺, 佢地未必要求好飽好飽的感覺,最多啜完唔夠喉先補啦.

私人傳訊回覆引用

mrschiang

積分: 1770

好媽媽勳章

5^#

發表於 10-12-13 10:58 |只看該作者

我都係！BB而家9.5個月大，一路全人奶，之前都試過有兩次唔夠奶差d要補奶粉，今次因為忙搬屋同長期唔夠訓，d奶量跌得好勁，而家雪櫃得番最後兩包冰奶，好可能今個星期要開始補奶粉，不過希望仲堅持得到好上兩次咁最後挨得過唔駛補啦！

私人傳訊回覆引用

mrschoy

積分: 4166

6^#

發表於 10-12-13 12:00 |只看該作者

唔好唔開心
bb需要一個快樂的媽媽
而唔係只要媽媽奶

輕鬆d
多d 時間去享受和孩子其他形式的親密

~~ 祂不應許天常蔚藍, 但應許祂的慈愛常在！~~
~~ 願我們常存感恩的心去讚美上主！~~

私人傳訊回覆引用

airyaoi

積分: 3829

月餅勳章陪月勳章

7^#

發表於 10-12-13 17:37 |只看該作者

我都係窮媽媽, 有一段時期有補奶粉, 但係見好多人話補粉只會越補越多, 所以下定決心, 寧願餵返密d唔怕辛苦。由三個半鐘一餐變返兩個零鐘一餐, 雖然感覺好似開倒頭車, 但係都試o下堅持, 後來見BB好似開始食得夠, 都算係漸入佳境。於是就慢慢TUNE返耐少少先一餐, 中間泵O下, 20ML/30ML都唔好放過, 當催谷O下等自己多D奶囉。
btw, 我阿B開頭唔識食, 又係食到損晒, 開頭一個月, 佢一開始食頭幾分鐘真係痛到流眼水, 一路餵一路喊...後來試O下每餐唔同姿勢, 會好少少, 避到傷口無咁慘。後來BB學識啜就好好多~
依家餵O左九個月。覺得好彩自己有堅持, 大家努力呀!
想成功我諗真係得一個方法: 堅持!

私人傳訊回覆引用

積分: 40343

好媽媽勳章醒目開學勳章陪月勳章

8^#

發表於 10-12-13 18:09 |只看該作者

原帖由 airyaoi 於 10-12-13 17:37 發表
我都係窮媽媽, 有一段時期有補奶粉, 但係見好多人話補粉只會越補越多, 所以下定決心, 寧願餵返密d唔怕辛苦。由三個半鐘一餐變返兩個零鐘一餐, 雖然感覺好似開倒頭車, 但係都試o下堅持, 後來見BB好似開始食得夠, 都算 ...

完全明白, 我第一胎亦有同樣經歷, 當時大仔唔識食, 咀仔擘唔大, 結果我頭2-3個月內, 每邊NIPPLE分別損不下十次, 次次見紅, 但照餵, 痛到標眼水, 但死頂, 勁搽羊脂膏...

在BB 3星期大, 3個月大, 6個月大和9個月大, 不幸地有乳腺炎, 發炎期間仍然照餵, 係超級痛, 但我知道如果唔餵/淨係靠泵, 可能塞得仲勁, 唯有比BB啜才會通~

亦試過搵lactation consultant上門通乳腺, 洗咗二千大元之餘, 仲痛不欲生...真係好痛!

生大仔時係冬天, 第一胎乜都唔識靠上bk睇其他奶媽分享, 以為要儲奶(後來才知道人哋係坐完月要返工, 所以要儲定奶, 但我係全職媽媽, 可以全埋身), 就半夜3點起身泵奶...阿仔食得密, 2個鐘就一餐, 咁我點泵呢? 但我真係半夜餐與餐之間泵, 即係餵完, 抖一個鐘就泵, 泵完唔夠一個鐘就埋身餵阿仔...但最後大仔太識食, 淨係食新鮮唔食雪奶冰奶, 結果冰箱嗰二百幾安部份用來沖涼, 但so到頂唔順最後都係掉~

所以我知道, 只有「堅持」才能成功!

[ 本帖最後由方麗娟於 10-12-13 18:12 編輯 ]

私人傳訊回覆引用

積分: 40343

好媽媽勳章醒目開學勳章陪月勳章

9^#

發表於 10-12-13 18:22 |只看該作者

吸收咗上次經驗, 覺得點解人哋餵得咁順利, 咁舒服, 餵母乳唔係應該是很自然的事嗎?
於是抱著順其自然的心態餵第二胎...

可是, 我錯了, 錯得不能返轉頭, 錯得累咗細女...累到細女不能夠好好享受母乳...餵人奶真係好好, 在我眼中只有優點~ 大人(母乳媽媽)的確要犧牲不少, 尤其係身材(不幸地, 我彷彿中咗「不瘦降」, 需要食好多嘢才能維持奶量, 所以很肥), 但母乳bb獲益不少...

面對奶媽生涯快要完結, 內心忐忑, 思潮起伏, 對唔住個女, 又十分自責, 究竟當初我係掉以輕心, 定係太懶? 點解寧願休息都唔起身泵奶? 係, 一人湊兩個(都是3歲以下)係辛苦, 但點解我咁自私, 唔做多少少? 只係做多少少, 可能今日就有不同結局.

私人傳訊回覆引用

積分: 40343

好媽媽勳章醒目開學勳章陪月勳章

10^#

發表於 10-12-13 18:25 |只看該作者

多謝你哋睇晒d留言, 又聽我呻, sorry真係好長氣,
其實我真係好自責, 又唔捨得停餵人奶.
再提升奶量應該無望了, 只想keep住每日一次直到1歲,
唔知有冇可能? 有冇媽媽可以分享下心得,
我可以做d乜去維持奶量?
謝謝!

私人傳訊回覆引用

cheungyimiu

別墅

積分: 915

11^#

發表於 10-12-14 07:19 |只看該作者

我上星期俾阿b啜到起水泡，之後仲損埋，但仍堅持俾阿b啜，所以毎次都痛到標哂眼水咁，我就很無奈地決定放棄，其實我原本想餵半年(我只係餵咗差唔多三個月)，做到半年都做到minimum，算對得住阿b，因為我之前係唔夠奶，要補奶粉，但依架夠全人奶反而要放棄，我都覺得有d可惜，但老公唔想我辛苦，又唔想我痛，所以都支持我放棄，但依架好番，我又好似想繼續，因為我之前都係堅持先可以夠奶餵全人奶，所以唔想浪費咗d人奶，我又心思思想繼續，都唔知點好，我成日驚如果依架停，阿b會怪媽咪。

私人傳訊回覆引用

flytolittlemoon

積分: 2361

12^#

發表於 10-12-14 14:28 |只看該作者

唔好唔開心，追奶有好多方法呢，未試過晒都唔洗放棄著！　一日重有奶一日都重有得追架！
不過最基本一定係要密密餵／泵，最少一日都要四五次啦，冇呢樣真係冇計～
跟著可以試下追奶既湯水／食品／ｍｏｒｅ　ｍｉｌｋ　ｐｌｕｓ加ｇｏａｔ’ｓ　ｒｕｅ一齊食／甚至可以試下Domperidone．．．

http://www.breastfeeding.org.hk/book/164

私人傳訊回覆引用

airyaoi

積分: 3829

月餅勳章陪月勳章

13^#

發表於 10-12-14 15:11 |只看該作者

我有食more milk pls/more milk special blend。個sales話有d人停o左無奶, 食o左都再有返奶。
我自己未去到咁極端, 但一路keep住食又touchwood叫做繼續餵到又儲到奶。
唔好俾咁大壓力自己啦, 放鬆同夠瞓先會多奶, 越急越無哩~
之前有個朋友安慰我, 話人奶有人奶o既好處, 奶粉亦有佢好o既地方, 起碼DHA肯定多過人奶。
所以我覺得唔開心多半係出於媽媽自己O既失落感, BB本身唔會話怪你定點o既。我o地做BB o既年代, 九成人都係食奶粉大, 我自己都係啦~ 無諗過話阿媽唔餵人奶令我有乜唔好啊! 一樣咁o鍻媽媽。
所以, 盡力去試, 試到係好, 試唔到都無壞o既其實。唔駛泵奶留返d時間精神陪BB玩都開心O格。

私人傳訊回覆引用

mrs.hamster

禁止訪問

積分: 5073

14^#

發表於 10-12-14 20:59 |只看該作者

提示: 作者被禁止或刪除內容自動屏蔽

私人傳訊回覆引用

積分: 40343

好媽媽勳章醒目開學勳章陪月勳章

15^#

發表於 10-12-15 03:57 |只看該作者

原帖由 airyaoi 於 10-12-14 15:11 發表
我有食more milk pls/more milk special blend。個sales話有d人停o左無奶, 食o左都再有返奶。
我自己未去到咁極端, 但一路keep住食又touchwood叫做繼續餵到又儲到奶。
唔好俾咁大壓力自己啦, 放鬆同夠瞓先會多奶, 越 ...

唔知係唔係我記錯呢, 印象中人奶的DHA成份係最高, 多過奶粉. 奶粉就算如何聲稱自己最似母乳, 都只能係「似」, 成份不會完全相同.

我上一胎(大仔)比較堅持全人奶, 今次就唔想咁大壓力, 奶粉就奶粉啦又唔係毒藥, 最緊要BB腸胃受得...補下補下, 就快變奶粉B了. 你講得啱, 只係媽媽唔捨得, BB又點會諗咁多~

其實呢幾日我不斷調適自己的心情, 希望可以盡快面對現實, 冇就係冇.

我也有食more milk plus, 飲多奶茶, 但冇用. 比起上一胎今次做少咗好多嘢, 卻換來咁快收工的結局. 自責, 不捨, 卻又要無奈面對殘酷的現實.

[ 本帖最後由方麗娟於 10-12-15 03:58 編輯 ]

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

16^#

發表於 10-12-15 08:50 |只看該作者

你唔駛自責啦,盡左力就得.

我自己都係咁, 第一胎果陣我仲要返工, 果陣覺得順其自然, 冇set 要幾時唔餵, 有咪餵冇咪收工, 最後bb 由補奶粉去到全人奶, . 但到大仔8 個月果陣一移民, 奶量就急跌, 升唔番要補奶粉, 最後都餵到大仔14個月.

而家細b 出世, 我做左全職媽媽, 上奶上得又快又多, 心想要餵得耐過14個月, 最好唔駛補奶粉. 但自己實在太忙, 加上自從我阿媽同我坐完月之後, 自己連食個麵都唔得閒, bb 只係響谷奶果陣至啜, 其餘時後都係擰歪一面, 所以奶量有跌冇升, 就算谷奶但出盡辦法都冇let-down. 上個月 (BB 3個月大) 仲好堅持係全人奶, 日頭餵唔夠, 夜晚開通宵我都要擠多150ml 奶出黎, 仲買左2盒奶袋, 諗住密密餵就可以上番奶, 但始終自己有壓力, 唔夠食又唔夠訓, 點上奶?! 最奇既係日頭全日湊仔果陣唔上奶, 反而夜晚返果3個鐘頭學竟然反而上到少少奶.... 最後 bb重得慢左好多. 去完健康院返到屋企我都有d 唔開心, 補奶粉之前仲好猶疑, 因為我都知今次補左奶粉之後, 係會係 start of the end, 不過bb 健康要緊, 一定要補. 而家補左2個禮拜奶粉, bb 塊面圓番, 自己都放心番, 雖然都會儘量餵, 但我覺得冇可能上番奶, 周遭實在有太多野令我上唔到奶, 我估餵到半年都已經係bonus.

初初要接受現實同埋轉變一定要時間, 你唔駛自責內疚, bb 健康要緊, 你自己都要開心去湊b, bb 唔止一定要人奶, 仲要一個身心健康既媽咪.

私人傳訊回覆引用