在職全職 今日: 21|主題: 47933

原帖由 gitsoi 於 09-6-7 02:34 發表
我有個女性朋友,識左兩三年,佢經常搵我飲茶,埋單時又次次爭住畀錢.(當然,我都唔中意搵人笨,所以有時佢畀,有時我畀).之前佢已經向我借過一次(原因係張咭攞唔到錢).不過數目不多,只係幾仟元.但至今未還.
最近又向我借錢.如果佢係一時周轉唔靈,我會借畀佢.但係,佢過年時竟然話過大海賭錢.輸左十幾萬(錢來源佢說係男友畀既,但係佢男友而家已經唔見佢唔聽佢電話)
我真係好嬲佢,因為我最憎人賭,之前知佢成日被D損友拉左去賭我已經成日鬧佢.佢仲係執迷不悟.
呢排佢又話爭八萬幾蚊銀行咭數.而家連利息都還唔起.我要佢申請破產.之後又問我老公要點申請.我老公話申請費用都要萬幾蚊吖.佢又唔係爭好多.有冇必要申請?後來老公知我想借錢畀佢之後極力反對.仲鬧我蠢.
雖然佢暫時扑到水還左息,但係,以佢而家既收入,都係唔夠每個月還息.我就算幫佢,都係杯水車薪,但唔幫佢,我個心又好唔舒服.
佢話以後死都唔賭喇.我都信佢應該會吸取今次教訓.朋友一場,真係唔想睇住佢死.但係又可以點做呢.咁多位姐妹,有冇乜嘢好辦法啊?

原帖由 gitsoi 於 09-6-7 23:17 發表
,咁又係.我有d朋友賭得仲大.有個女友,之前外家有錢,有錢在手,就成日過大海賭,無幾年就輸左百幾萬.而家佢同老公離左婚,一個人湊大三個小朋友,要靠綜援生活.
有個男人仲離譜.佢係我幾年前既同事,因我返工沒幾落 ...

原帖由 nikibabybaby 於 09-6-18 20:46 發表
真係唔好借,有一次就有第二次,我都好似你咁好心軟,但係呢D人一無$就會搵你笨....我依家好似養幾頭住家咁,,,,,唉

原帖由 gitsoi 於 09-6-19 01:45 發表
係呀,而家諗下覺得自己以前好傻,太心軟又太易信人.
其實我之前講果個女友我相信佢唔係呃我既.因為佢既本質唔壞架.
反而之前有d朋友用各種理由借左$之後,我想問佢地要返,結果,改電話既改.厘埋既厘......
唔通真係要用 ...