明白你現時情況好被動,但係你c6問題來自原生家庭,可能係好複雜,而且有暴力情況(包括言語上&身體上的暴力),真的不能不正視,並唔係由你教會傳道人3言2語就可以勸解,亦唔係你不斷去容忍佢就可以令佢回頭。
原生家庭問題嚴重d講係一個心魔,會帶來一個人性格上ge缺陷。我自已觀察係,有原生家庭問題ge人可能外表好正常,甚至對普通朋友/同事幾好,但往往對最親密ge家人好差,好容易對家人發脾氣。呢種家庭氣氛之下,最受傷害ge係小朋友,甚至影響佢性格,再將原生家庭問題再去佢婚後ge家庭。所以你發現問題就一定要正視,要尋求多方面的幫助,包括專業的輔導,心平氣和咁同c6傾,多祈禱,將困難交比托天父。路程可能好遠好苦,但天父關了一度門,必會再為你開一扁窗。曾經,我都好惱我阿爸,覺得佢對我好差,傷害好大,又經常同阿媽打打罵罵,即使我好多年前信左主,都唔可以完全原諒佢。直至我近年拍拖結婚,睇多左關於二性/家庭關係ge書,亦好感恩係結婚前遇到2個好好ge輔導員,我先至可以解開呢個心結,先至發現我阿爸都只係原生家庭的受害者,真正原諒佢。希望你c6都可以早日解開心結,同你地有幸福ge家庭生活。